BBK Mendi Film Bilbao Bizkaia abenduaren 5etik 14ra izango da

| Ikusi handiago | Argazki originala

45 pelikulek parte hartuko dabe aurton abenduaren 5etik 14ra egingo dan BBK Mendi Film Bilbao Bizkaia zinemaldiko Sail Ofizialean. Mendia, abenturea, muturreko kirolak eta natura gaiak jorratzen dituen pelikulak dira, guztiak produkzino barriak, asko jota 2 urte baino ez dituenak.

226 pelikula inskribau dira Mendi Filmen 18. edizinoan, igazko kopuru bera, Mendi Filmen marka historikoa bardinduz.

Sail Ofizialeko pelikulez gan, beste 9 pelikula be programauko dira, Zabalandi sailean, lehiaz kanpo. Beraz, guztira 54 pelikulez osotutako zinemaldia izango da.

Mendi Filmen kontinente guztietako filmak proiektauko dira, izan be, Europa, Ipar eta Hego Amerika, Asia, Afrika eta Ozeaniako produkzinoak dagoz. Halanda ze, Mendi Film nazinoarteko jaialdi erreferentea dala berretsi da.

Espainia da pelikula gehien dituana (16). produkzino frantsesak dira hurrenak (12) eta Erresuma Batua, Austria, Alemania, Suitza, Italia, Eslovenia eta Belgikako pelikulak gehituz, Europako mendi zinemagintzea da jatorrietan ordezkatuena (guztira 44).

Jatorri amerikarra dabenen artean, Estadu Batuetako 8 produkzino dagoz, Kanadako 2 eta Argentinako eta Brasilgo bana. Ohikoak ez diran lurraldeetako produkzinoak be badagoz, besteak beste: Pakistan (2), Afganistan, Liberia, Sierra Leona, Japonia eta Zeelanda Barria.

14 euskal zuzendari eta nazinoarteko puntako zinegileak

Zuzendarien artean, era berean, euskaldunak dira ordezkatuenak. Holan, 14 euskal zuzendariren lanak estreinauko dira. Mendi Filmen jada eskarmentua daben Jesus Mari Lazkano, Jon Herranz, Luis Arrieta, Julen Elorza, Ruben Crespo eta Alfonso Garcíak euren lanak aurkeztuko ditue. Egile barrien artean, Mikel Urdangarin kantariaren eta Haizea Huegun konpositorearen debutak izango dira. Gainera, Ibon Gaztañazpi, Nagore Eceiza, Imanol Lamana, Unai Jaureguibeitia, Jon Mendizabal eta Gorka Ipiñazar lehenengo aldiz ibiliko dira euren lanak aurkezten Mendi Filmen.

Horreezaz batera, mendi zinemagintzako nazinoarteko zuzendari nagusienak ageri dira hautatuen zerrendan, esaterako: Ben Sturgulewski, Bertrand Delapierre, Lapied familia, Yannick Boissenot, Ben Knight, Iara Lee, Jochem Schmoll, Marco Zingaretti, Javier Álvaro Palomares…

Junji Sakamoto fikzinoko zine zuzendari japoniar ezagun eta emonkorrak haren azken lana aurkeztuko dau, Junko Tabeiri buruzko Climbing for Life, Donostiako Zinemaldiko Sail Ofizialean parte hartu dauena. Goya sariduna dan Rodolfo Montero zuzendariaren Javier y la Montaña be Sail Ofizialean izango da.

Aurtengo IAMF Sari Nagusia jaso dauen Seb Montazek be izango dau bere autortzea. Davina Beyloos eta biek sinatutako Out of the Blue pelikula liluragarria (Epaimahaiaren Aitamen Berezia Mendi Film 2020) barriro ikusi ahal izango da Mendi Filmen.

Sail Ofiziala

• 2000 JOURS AU PARADIS | Frantzia | Véronique, Anne eta Erik Lapied.
• ALONE ACROSS GOLA | Erresuma Batua – Sierra Leona – Liberia | Jude Kriwald.
• BEST DAY EVER | EEBB | Ben Knight eta Berne Borudy.
• BILLY | Argentina | Pablo Schiel.
• B.I.G. – 9C A WORLD FIRST | Austria | Johannes Mair.
• CANTOS Y FLORES | EEBB | Julen Elorza.
• CHAMPIONS OF THE GOLDEN VALLEY | Afghanistan – Alemania – EEBB | Ben Sturgulewski.
• CLIMBING FOR LIFE | Japonia | Junji Sakamoto.
• DEAR SUPERHERO | Zeelanda Berria | Corinna Halloran.
• EPHEMERAL | EEBB | Josiah Jones.
• ERRIO | Espainia | Ibon Gaztañazpi..
• ETERNAL SOLO | Italia – Pakistan | Andrea Cossu.
• GIRL CLIMBER | Austria – EEBB | Jonathan Glassberg.
• IN COLD BLOOD | Frantzia | Alex Heitler.
• INTO ALTAI | Frantzia | Yannick Boissenot.
• ITSASORA | Espainia | Mikel Urdangarin.
• IZARREN ZAUNKA | Espainia | Nagore Eceiza Mujika.
• JAVIER Y LA MONTAÑA | Espainia | Rodolfo Montero de Palacio eta Mario de Benito.
• K2 MON AMOUR | Frantzia | Mathieu Rivoire.
• L’ESCALADE DU FUTUR | Frantzia | Pascal Barneville.
• LE MOULIN DES ARTISTES | Frantzia | Pierre Cadot.
• MARÉE NOIRE | Kanada | Chantal Caron.
• MON PRINTEMPS AU MONT BLANC | Frantzia | Bertrand Delapierre.
• MONT BLANC ETERNEL | Frantzia – Italia | Bertrand Delapierre.
• NATURA FUGIT | Espainia | Jesus Mari Lazkano.
• ODYSSEA BOREALIS – L’IGNOTO ESISTE ANCORA | Italia | Alessandro Beltrame.
• OIARZÁBAL. ENTRE JUAN Y JUANITO. | Espainia | Javier Álvaro Palomares.
• OLD MAN LIGHTNING | EEBB | Dawn Kish.
• PASTRANA | Brasil | Gabriel Motta eta Melissa Brogni.
• RETRO | Erresuma Batua | Brian Hall.
• SEE THOSE FLOWERS? | Frantzia | Julien Caldarone.
• SEE WHAT I SAW: KARAKORAM | Pakistan – Herbehereak | Boris Peters.
• SIMMERING | Italia | Giulia Bertolazzi.
• STREAMERS, STEAMERS & STRUGGLES ON THE KRKA | Eslovenia | Rozle Bregar eta Rok Rozman.
• SUSTRAIAK, RAÍCES PERDIDAS | Espainia | Luis Arrieta Etxeberria.
• TALA | Espainia | Joel Badia Vila.
• TALKING TRANSITION | Austria | Marco Tribelhorn.
• THE FAST LINE | Suitza | Jochen Schmoll.
• THE ROAD WE NEVER RODE | Espainia | Imanol Lamana.
• THE SAMI SONG OF SURVIVAL | EEBB | Iara Lee.
• TRANGO | EEBB | Leo Hoorn.
• TRAS LA HUELLA NORUEGA | Espainia | Unai Jaureguibeitia Arias.
• TREELUDE | Italia | Marco Zingaretti.
• UN DÍA AL AÑO | Espainia | Alfonso García.
• WILD AERIAL | Kanada | Trixie Pacis.

Zabalandi saila

• ALDABIDE | Espainia | Jon Mendizabal.
• AXIE AND THE WUNDER DACHSIES | Herbehereak | Lisette Wansink.
• BÁTISSEURS DE RÉVES ATHOMIQUES | Frantzia | Antoine Le Menestrel.
• BHAGIRATHI III | Espainia | Rubén Pérez Blázquez.
• HARRI, ORRI, ARKATZ | Espainia | Jon Herranz.
• QUÉ LI PASSA AL CEL? | Espainia | Irene Iborra.
• SINKRONIA| Espainia | Gorka Ipiñazar eta Haizea Huegun.
• TÊTE EN L’AIR | Belgika – Frantzia | Rémi Durin.
• OUT OF THE BLUE | Frantzia | Davina Beyloos Montaz-Rosset eta Sébastien Montaz-Rosset.