Xabier Aierdi eta Itxaro Borda 'Oraina kontakizun' jardunaldien lehenengo saioan

| Ikusi handiago | Argazki originala

Urtarrilaren 28tik martiaren 11ra, Bilboko Zenbat Gara alkarteak eta Bira kulturguneak III. Oraina kontakizun: Lurralde deserosoak jardunaldiak atondu ditue.

Itxaro Borda, Xabier Aierdi, Eider Rodriguez, Amets Aranguren, Edurne Azkarate, Leire Vargas, Itziar Ituño eta Gorka Urbizuk gogoeta egin eta eztabaidauko dabe lau saiotan.

Hausnartu egin nahi dogu munduan zapaltzen dogun zoruaz. Lurralde deserosoetan barruratzera goaz. Deserosotasuna espazio bezela. Horretarako talaia edo helduleku bana proponidu deutsegu: hemengotasuna/hangotasuna; gorputza; hitza; eta (in)koherentziak.
 
Programazinoa

• Urtarrilak 28, Kafe Antzokia, 19:00: Itxaro Borda eta Xabier Aierdi. Hemengotasuna/Hangotasuna.
• Zezeilak 11, Bira, 19:00: Edurne Azkarate eta Leire Vargas. Gorputza.
• Zezeilak 25, Kafe Antzokia, 19:00: Eider Rodriguez eta Amets Aranguren. Hitza.
• Martiak 11, Bira, 19:00: Itziar Ituño eta Gorka Urbizu. (In)Koherentziak.

Parte hartzeko izena emon behar da orainakontakizun@gmail.com helbide elektronikoan. Lau saioetarako matrikularen prezioa 30€koa da (20€ langabeak eta ikasleak).