Durangok Mugarra Triatloi Taldea autortu dau

| Ikusi handiago | Argazki originala

Durangoko Udaleko ordezkariek harrerea egin deutse Mugarra Triatloi Taldeko kideei, klubeari emondako Triatloi Eskolen Bikaintasun Sariaren autorpen bezela.

Zemendiaren 9an, Durangoko Mugarra Triatloi Taldeak Zidarrezko bikaintasun mailea jaso eban Espainiako Triatloi Federazinoak (FETRI) atondutako Triatloi Eskolen Bikaintasuna sarietan. Sari horrek, klubaren ahalegina eta dedikazinoa nabarmentzen ditu kirolari gazteen sustapenean eta prestakuntzan, Espainiako prestakuntza-triatloian erreferente bezela kokatuz.

Kontuak kontu, Udalak Mugarra Triatloi Taldea zoriondu dau, triatleta gazteen artean esfortzua, diziplinea eta lankidetzea lako balioak sustatzeko egindako lan eta konpromiso nabarmenagatik. Ganera, berretsi egin dau klubari babesa emoten deutsola udalerrian kirol-garapena eta kirolarientzako ingurune osasungarria eta kalidadekoa sustatzeko. Horrezaz gan, herritar guztiak tokiko kirolari gazteei laguntzen jarraitzera animau ditue.