'Dahomey' (Mati Diop, 2024) film luzea Bizkaian estreinauko da

| Ikusi handiago | Argazki originala

Urriaren 21etik 26ra, erakusketea uriko hainbat espaziotan egingo da: BBK Aretoa, BilbaoArte, BBK Kuna, Burtsa Udaltegia eta Golem Alhondiga zinema-aretoak.

Programeak 10 film luze ikusteko aukerea emoten dau, jaialdi ospetsuetan parte hartu dabenak (Cannes, Sundance, Seminci, Berlin). Gainera, Dahomey (Mati Diop, 2024) film luzea, Berlinen Urrezko Hartza irabazi barri dauena, Bizkaian estreinauko da.

Inaugurazino-ekitaldian, urriaren 21ean (astelehenean), Simone de Beauvoir 2024 saria emongo jako Gracia Querejeta zuzendari eta gidoilariari, eta Bihargi EITB sari barria, ostera, Nerea Alberdi konpositore eta moldatzaile bilbotarrari.

Udalak, Itziar Urtasun Bardintasuneko zinegotziak, Ana Gutiérrez Erakusketako zuzendariagaz eta Trinidad L. Vicente Bizkaiko Foru Aldundiko Bardintasunerako zuzendariagaz batera, gaur goizean, BBK Salan, Zinemakumeak gara! programearen 29. edizinoaren aurkezpenean parte hartu dau. 

Zenbait jarduera atondu ditue: film labur eta luzeen proiekzinoak, tailerrak, mahai-inguruak, barriketaldiak, testuak eta argazkiak batzen dituan erakusketa bat (ikus-entzunezkoen euskal industriaren oraina genero-ikuspegitik erradiografietan dauena) eta topaketak konbidautako zuzendariakaz, euren filmak jentaurrean aurkeztu deiezan.

Era berean, 7 film labur (azpitituluak euskeraz) eta Argentinako zinemearen historian oinarrizkoak diran hiru tituluren bersino barrituak ikusiko ditugu: Camila (María Luisa Bemberg, 1984), Yo, la peor de todos (María Luisa Bemberg, 1990) eta Un muro de silencio (Lita Stantic, 1993).

Zinemakumeak gara! jaialdiak bere programazinoaren bersino laburtua Bilbotik Basauri, Portugalete eta Bermeora eroango dau.