Gaur, hilak 20, jokatuko da XI. Bizkaia Txapelketea

Argazkia: Bizkaia Frontoia. | Ikusi handiago | Argazki originala

Gaur, hilak 20, Foru Erakundeak bultzautako XI. Bizkaia Txapelketearen finala jokatuko da Bizkaia Frontoian, 18:30ean. Oiz taldeko pilotariek Sollube taldeko pilotarien kontra jokatuko dabe.

Lau t'erdiko finala Ezkurdiak Peña II.aren kontra jokatuko dau; Altuna III.ak eta Rezustak Laso eta Mariezkurrena II.aren kontra binakako modalidadean; buruz buruko finala, barriz, Egiguren V.ak eta Bakaikoak jokatuko dabe.

XI. Bizkaia Txapelketea, bagilaren 1ean Urdulizen hasi zana, taldeka jokatzen dan bakarra da, Bizkaiko beste hainbat menditatik izena hartzen daben sei taldekaz: Oiz, Anboto, Kolitza, Ganekogorta, Sollube eta Gorbeia. Hiru espezialidadetan jokatzen dan lehiaketa bakarra be bada: banakakoa, binakakoa eta lau t'erdikoa.

Txapelketea Bizkaiko lau udalerritan jokatu da: Urduliz, Zeanuri, Mallabia eta Bilbo. Kanporaketak bagilaren 1, 14, 15 eta 16an jokatu ziran eta finala abuztuaren 20an jokatuko da, Bizkaia Frontoian.

Urdulizko pilotalekuan jokatu zan lehen jardunaldia bagilaren 1ean. Bigarren jardunaldia bagilaren 14an jokatu zan Zeanurin. Club Deportivo Bilbaoko frontoian jokatu zan hirugarren jardunaldia, bagilaren 15ean. Bagilaren 16an laugarren jardunaldia izan zan Mallabian.

Bizkaia Txapelketean 24 pilotarik hartu dabe parte: Artola, Laso, Urrutikoetxea, Altuna III, Elordi, P.Etxeberria, Agirre, Jaka, Peña II, Bakaikoa, Senar, Zubizarreta III, Elezkano II, Ezkurdia, Zabala, Egiguren V, Exposito, Salaberria, Imaz, Mariezkurrena II, Albisu, Rezusta, Zabaleta eta Martija. Binakako modalidadean 12 pilotarik jokatu dabe; 6 pilotarik lau t'erdikoa eta beste 6k buruz burukoa.

Parte hartu daben taldeak

Taldeak zozketa bidez egin ziran eta Artola, Laso, Urrutikoetxea, Altuna III, Elordi eta Peio Etxeberria dira kapitainak.

Txapelketean parte hartu daben taldeak ondoko honeek dira:

• Ganekogorta: Artola eta Imaz binaka, Agirre lau t'erdian eta Senar banakako modalidadean.
• Oiz: Altuna eta Rezusta binaka, Ezkurdia lau t'erdian eta Egiguren V.a banakako modalidadean.
• Gorbeia: Elordi eta Zabaleta bikoteka, Elezkano II .a lau t'erdian eta Salaberria banakako modalidadean.
• Sollube: Laso eta Mariezkurrena II bikoteka, Peña II lau t'erdian eta Bakaikoa banakako modalidadean.
• Anboto: P. Etxeberria eta Martija bikoteka, Zabala lau t'erdian eta Exposito banakako modalidadean.
• Kolitza: Urrutikoetxea eta Albisu binaka, Jaka lau t'erdian eta Zubizarreta III.a banakako modalidadean.

Sarrerak

Bizkaia Txapelketako finalerako sarrerak hemen dagoz salgai.