XIII. Kosta Trail

Norberaren prestakuntza fisikoa gogoan hartuta, hiru modalidade ditu Kosta Trailek: 31 Kilometroko Mendi Lasterketea, Mendiko Maratoi Erdia (21 km.) eta Ibilbide Familiarra (7 km.). Izena emoteko aukerea badago oraindino Forum Sport dendatan. Upealakoa izango da aurten be parte-hartzaileen erantzuna.

Aurten, 13 urte bete ditu Kosta Trailek eta ez da bromea: urteotan lasterkariek Portugaleteko Bizkaia Zubiaren inguruetan gabarrea hartu behar izan dabe lasterketeari hasierea emoteko; Munarrikolanda mendiko eremuan, sekulako aldatzak, labirintoak, basoak, itsaslabarretan egin beharreko gora-beherak, hondartzetan be sartu-urtenak... Baina oso zati politak be galdu doguz gure ingurumena jagon eta udan ugalketa-garaian egoten diran hegaztiei enbarazurik ez egiteko, berbarako, Gorlizeko itsasargian. Lupetza edo basea eta euria protagonista izan dira urte askoan, batez ere, zortzigarren edizinoan.