9.552 ikaslek egingo ditue unibersidadera sartzeko azterketak UPV/EHUn

| Ikusi handiago | Argazki originala

Eguaztenean, bagilak 10, aurten Euskal Autonomia Erkidegoan Batxilergoa amaitu daben 9.552 ikaslek unibersidadean sartzeko azterketak hasiko ditue UPV/EHUn, igaz baino % 2,78 gehiagok. Igoerak hiru campusetan izan dira: Araban, % 4,78 gehitu da, Bizkaian % 5,01, Gipuzkoan % 0,73 jaitsi den bitartean. Ikasleen % 54,04 emakumeak dira, eta % 45,96 gizonak. Araban, Bizkaian eta Gipuzkoan azterketak euskeraz egingo dituenak gehiago dira gaztelaniaz egingo dituenak baino, Araban ia 200 gehiago; Bizkaian ia 2.000 gehiago eta Gipuazkoan, barriz, 2.200 baino gehiago.

Batxilergoko ikasleez gan, goi mailako heziketa ziklo bat egin daben eta fase espezifikora besterik aurkeztuko ez diran beste 651 ikasle gehitu behar dira. Azterketak barikuan amaituko dira, hilaren 12an, hain zuzen be.

Unibersidadean sartzeko azterketek fase bi izango ditue: orokorra eta espezifikoa. Fase orokorrak Batxilergoa amaitzean ikasleek graduko unibersidade-ikasketa ofizialak egin beharreko heldutasuna eta oinarrizko trebetasunak dituen ala ez neurtzea dau helburu. Honako bost azterketez osotuta dago: Gaztelania eta literaturea; Euskerea eta literaturea; Filosofiaren historia edo Historia; Atzerriko hizkuntzea eta Batxilergoko 2. mailako modalidadeko ikasgai baten azterketea, ikasleak nahi dauena. Gai bakotxak 0 eta 10 bitarteko notea jasoko dau, eta fase honetan gehienez 10 atera daiteke.

Batxilergoko notearen eta fase orokorreko kalifikazinoaren artean egindako batez besteko nota haztatuan (% 60 Batxilergoari jagoko eta % 40 fase orokorrari) 5 puntu edo gehiago lortu ezkero, probea gainditutzat joko da, baldin eta ikasleak fase orokorrean gitxienez 4 puntu lortu baditu.

Fase espezifikoa borondatezkoa da eta haren helburua da neurtzea ikasleen ezagutzak eta arrazonetako gaitasuna arlo jakin batzuetan, hau da, unibersidadean egin nahi dituan ikasketakaz zerikusia daben arloetan. Fase honek aukerea emoten deutso ikasleari fase orokorrean lortutako kalifikazinoa hobetzeko. Parte espezifikoan ikasle bakotxak Batxilergoko bigarren mailako modalidadeko edozein gai aukeratu leike, fase orokorrerako aukeratu dauena izan ezik. Gehienez lau gairen azterketak egin ahal izango ditue fase espezifiko honetan. Eta, gehienez, 4 puntu eskuratu ahal izango ditue. Gai bakotxari 0 puntutik 10 puntura bitartean emongo jako, gitxienez 5 bat lortzen bada hartzen da kontuan, eta azkeneko notea aterako da borondatezko bi nota onenak eta haztatzeko parametroak biderkatuz. Haztatzeko parametroen baloreak 0,1 eta 0,2 dira eta unibersidadeak ezartzen ditu gaiak hautatutako graduagaz dituan hartu-emonen arabera.

Unibersidadera sartzeko probak bagilaren 10ean, eguaztena, 8:45ean hasiko dira eta 18:45ean amaitu. Bigarren egunean, eguena, hilak 11, azterketak 9:00etatik 18:45era arte izango dira eta, hirugarren egunean, barikuan, 9:00etatik 15:00retara.


Informazino gehiago ikusteko klik egin hemen.