'Amesten' eta 'Book' Trailer egitasmoak, 2013ko Wanted Ideia Lehiaketearen irabazleak

| Ikusi handiago | Argazki originala

Wanted Ideia Lehiaketako bosgarren edizinoak badaukaz irabazleak. Lehenengo saria, Ruth San Cristobal Garamendik, Blanca Garate Sacristánek eta Hugo Blanc Ojedak sustatutako Amesten proiektuak irabazi dau, eta bigarrena, Garazi Basterretxea Bareak, Jone Ibarretxe De la Calek eta Irati Astobieta Lakontzak aurkeztutako Book Trailer proiektuak. Lehiaketea Udalaren Gazteria Zerbitzuak antolatutakoa da eta bertan 21 lan aurkeztu ditue, danetara.

Lehiaketea irabazi dauen Amesten egitasmoaren helburua aniztasun funtzionala daben umeei eta euren familiei Getxoko kirol jardueretan parte hartzeko erraztasunak emoten saiatzea da, zehatzago, judo eta jantzan. Honetarako errealidade areagotuaren tresna bat erabiliko da. Horri esker parte-hartzaileak kirol horretako mobimentuetan trebatzeko aukerea izango dau, kirol errealera igaro aurretik. Proiektu horren aurrekontua 6.900 €koa da. Horixe izango da, hain zuzen be, jasoko dauen saria. Horrezaz aparte, 10 orduko aholkularitza profesionala be jasoko dau sari moduan.

Bigarren saria irabazi dauen Book Trailer proiektuaren helburu nagusia euskeraz irakurteko zaletasuna bultzatzea da. Horretarako lehiaketa txiki bat antolatu nahi dau Getxoko DBHko 2. mailako gazteen artean. Lehiaketan parte hartzeko gazte bakotxak book trailer txiki bat egin beharko dau (liburu bat zertan datzan azaltzeko bideo txiki bat). Proiektu horrek 3.100 € jasoko ditu sari moduan eta, baita be, 10 orduko aholkularitza profesionala.

Bi proiektuak abiatu eta gauzatzeko, urtebete izango dabe sustatzaileek eta urtarril honetan hasiko dira.