Urko Menaiak kontzertu birea egingo dau abuztuan Kanadan eta AEBetan

| Ikusi handiago | Argazki originala

Urko Menaia kantaria hastear da North Amerikan Cultural Tour 2011, Ipar Ameriketako Euskal Etxeen Alkartearen eskutik. Kanadan eta AEBetan eskainiko ditu kontzertuak, abuztuaren 6tik aurrera.

Abeslari donostiarraren lehenengo zuzenekoa Vancouver uriko Basque Club of Canada aretoan izango da, zapatuan, hilaren 6an. Hurrengo zapatuan, abuztuaren 13an, AEBetara helduko da; han, Nevadako Gardnervilleko Kantari Egunean parte hartuko dau, eta handik Denver aldera (Colorado) joango da, abuztuaren 20an kantaldia dauka-eta bertako Euskal Etxean. Beste kontzertu bi be emongo ditu Menaiak, biak be New York urian. Hilaren 25ean, Brooklyn auzoko Euskal Etxean izango da, eta 27an, Rhode Islandeko Basque Cluben.

Urko Menaiaren kantek ez ditue gaur egungo joerak segiduten; bere kantagintzeak 60ko eta 70eko kantautoreen estetika musikala eta sensibilidade poetikoa ditu osogai bereizgarri. 2010eko urrian, Ametsak eta oroitzapenak diskoa atara eban, Gaztelupeko Hotsak diskoetxeagaz. Grabazinoan Idoia Oteiza (pianoa) eta Luis Fernandez (txeloa) musikariak izan zituan lagun. Lehenago, 2006an, euskal kanta herrikoiekaz Herri kantak lana autoproduzidu eban.