Amorebieta-Etxanoko Udalak Expobike Amorebiziz Azokea antolatuko dau irailaren 17tik 19ra

| Ikusi handiago | Argazki originala

Amorebieta-Etxanoko Udaleko Ingurumena eta Garapen Iraunkorra Sailak antolatuta, Amorebieta-Etxanoko Zubiondo Plazak Expobike Amorebiziz Azokearen bigarren edizinoa hartuko dau irailaren 17tik 19ra. Azokara hurreratzen diran guztiek mobikortasun iraunkorragaz lotutako materialak erosteko aukerea izango dabe: bizikletak, kirol materiala, eta abar.

Horrezaz gan, Azokan bigarren eskuko bizikletak, osogarriak eta erreminta desbardinak saltzeko edo trukatzeko aukerea izango da; stand berezian eskuragarri egongo dira, besteak beste, bizikletak, patinak, patineteak, kaskoak, erropea...

Salerosketan parte-hartzea dobakoa da; baldintza bakarra da saldu edo trukatu nahi diran objektuak egoera onean egotea. Azokan parte hartzeko interesa daben guztiek 620-503866 telefono zenbakira deitu edo mixxtrem@hotmail.com helbide elektronikora idatzi behar dabe harremanetarako telefono bat itxiz eta saldu nahi diran objektuak zerrendatuz. Izena emoteko epea irailaren 16an amaitzen da.