Kirmen Uribe eta Vicente Molina Foix 'Eztabaidak Literatureagaz' programearen 2. topaketan

| Ikusi handiago | Argazki originala

Jentaurreko berbaldi batez literaturgileakana hurreratzea proposatzen dauen Kultura eta Hezkuntza Sailaren 'Eztabaidak Literatureagaz' ekimenak bigarren topaketea dakar zezeilaren 17an, Kirmen Uribe eta Vicente Molina Foix idazleakaz. Topaketea, Felix Linares kazetariak zuzendurik egongo da eta 19:00etan hasiko da Bidebarrieta Liburutegiko ekitaldien aretoan. Sarrera dobakoa da.

Uribek eta Molina Foixek fikzinoak literaturan dituan mugei buruz berba egingo dabe eta oroitzapenen eta Historiaren tratamenduari buruzko bakotxaren ikuspegia eta idazterako unean eta idazle moduan, egiazko egitateei errespetua erakutsiz, zelan moldatzen diran memoriaren objektibidarearen aurrean (edo objektibidade faltearen aurrean) azalduko dabe. Azkenik, fikzinoaren eta fantasiaren arteko desbardintasunak be aztertuko ditue, eta zelan historiek irakurlearen memoria eraldatu leikien eta ondorioz, errealidadea bera be aldatu.

Kirmen Uribe (Ondarroa, 1970), euskerazko idazlerik errekonozituena kritika eta irakurlegoaren aldetik bere lehen liburua argitaratu ebanetik ('Bitartean heldu eskutik', 2001); oraintsu argitaratu dau 'Bilbao-New York-Bilbao' lehen eleberria. Gaztea izan arren, literatura genero desbardinetan nabarmendu da, besteak beste, saioetan, olerkietan edo komikietan, eta gainera Piztiak, Sagarroi edo Mikel Urdangarin musika taldeakaz kolaboretan dau. Umeen eta gazteen artean be ezaguna bihurtu da bere eleberri laburrengaitik.

Vicente Molina Foix (Elche, 1946) idazlea eta kazetaria da. Londresen Artearen Historia ikasi eban eta Oxforden Espainiar Literaturako irakasle izan zan. Bere argiltalpenean artean dagoz ‘Museo Provincial de los horrores’, ‘Busto’ (Azorín Saria 1983), ‘La comunión de los atletas’, ‘Los padres viudos’, ‘La quincena soviética’(Herralde Saria 1988) eta ‘El abrecartas’, 2007ko Narratibako Sari Nazionala. Olerkia be landu dau, autore bezela eta baita beste autoreen olerkien bildumak egiten. 2001ean, barriz, ‘Sagitario’ filmeagaz zineman estreinau zan zuzendari legez.

'Eztabaidak Literatureagaz' bigarren edizio honek, pasa dan hilean Toti Martínez de Lezea eta José Luis de Corral batu zituan eleberri historikoari buruzko topaketa batean, eta martirako, Bernardo Atxaga eta Joxemari Iturralderen irakurle bezela biziten diran esperientziei buruzkoa dago programauta, euskeraz.

'Eztabaidak Literatureagaz' igazko zezeilean abiatu zan Bidebarrietako Liburutegiko ekitaldi aretoan, eta ordutik, ondoko idazle-bikoteak izan ditu hizlari: Ramiro Pinilla eta Harkaitz Cano, Ana Maria Moix eta Luisa Etxenike, Alfonso Sastre eta Carlos Gil, Belen Gopegui eta Iban Zaldua, Luis Eduardo Aute eta Ruper Ordorika, Juan Manuel de Prada eta Aitzpea Goenaga, Juan Bas eta Juan Madrid, Fernando Aramburu eta Pedro Ugarte, eta Luis Sepulveda eta Unai Elorriaga. Ekimen honek harrera ezin hobea izan eban 2008an jenteari jagokonez, danetara 1.300 lagun inguru erakarri zitualarik.