Dantzan.com webgunea barriztau dabe
2006-05-04 02:00Euskal jantzearen inguruko www.dantzan.com webgunea erabat barriztau dabe. Diseinu aldaketeaz gan, atal barriak gehitu dabez eta aurrerantzean barrikuntza gehiago egiteko asmoa erakutsi dabe webgunearen arduradunek.
Dantzan.com webgunea 2001az geroztik munduko hainbat jantzarirentzako erreferentzia bihurtu da, jantzearen inguruko barriak eta baliabideak eskainiz.
Orain, diseinu eta atal barriak plazaratu ditu, betiko koloreak, gorria eta zuria, galdu barik. Ganera, albisteak, hemerotekea, argitalpenak, foroa, loturak, jantza testuen gordailua eta agendea, besteak beste, ez ditue aldatu. Aurrerago, atal gehiago ataratea da arduradunen amesa. Barrikuntzen artean, bilatzailea, argazki bildumak eta hainbat jantzariri eskainitako 'dantzariak' atala dagoz. RSS sistemea be jarri dabe martxan eta edonor harpidetu daiteke bertara. Argazkiei jagokenez, euskal jantza tradizionalaren arloko 3.000 argazki jarri ditue sarean.
Diasporako taldeak
'Loturak' atalean, euskal diasporako jantza taldeei eskainitako tarte berezia jarri dau dantzan-com´-ek. Bertan Paris, La Plata (Argentina), Newscastle (Inglaterra), Boise, Ontario eta Renoko (AEB) jantza taldeak agertzen dira eta aurrerantzean gehiago egongo dirala iragarri dabe webgunearen arduradunek.
Erantzun
Erantzuteko, izena emanda egon behar duzu. Sartu komunitatera!