Gernika BHIko 3 ikasle saritu ditue 'Urruzuno Gehituz 2013-2014' lehiaketan
2014-06-03 11:25 sariak-autortzak
A kategorian (Gazteak, Batxilergoko 1. eta 2. mailak), prosan, hiru saridun Gernika BHIko batxilergoko ikasleak dira: hirurak gernikarrak, Nerea Arejita Abaitua, Ane Lezama Escribano eta Pablo Calleja Felipe (Pablo Callejak bigarren aldiz hartzen dau sari hau).
Kubako eta Euskal Herriko eskolen artean eginiko film pedagogiko bat aurkeztuko dabe Bilboko Kafe Antzokian
2014-06-03 10:52 Barriak
Kurkuluxetan eta Zenbat Gara kultur alkarteek Kubako eta Euskal Herriko hainbat eskolen artean egindako Keinuka mugaz gaindi... Un guiño, un sueño izenburuko filma aurkeztuko dabe bagilaren 4an, goizeko 11:00etan, Bilboko Kafe Antzokian.
Kimuak 2014 deialdiak 63 film labur jaso ditu
2014-06-03 10:37 Barriak
Eusko Jaurlaritzearen eta Euskadiko Filmategiaren laguntzinoa dauen proiektuko arduradunek gogorarazo dabenez, hurrengo pausua epaimahaiari jagoko orain, eta datorren bagilaren 9an batuko da film laburren behin betiko aukeraketea egiteko.
Lurraldea eta Hizkuntzearen arteko loturan sakontzeko Online Ikastaro Edegi Masiboa (MOOC) antolatu dabe
2014-06-02 18:16 Euskerea berbagai
Bertan, hazkunde urbanistikoaren eta hizkuntza-aldaketearen arteko loturea aztertuko dabe. Dagoeneko 100 parte-hartzailek emon dabe izena. Matrikulea doban da. Izena emoteko: mooc.asmoz.org.
Jule Goikoetxea donostiarrak 'Tractatus' bere lehenengo poesia liburua kaleratu dau
2014-06-02 18:09 Kulturea
Edozein jarrera politikoren ostean sensibilidadea, esperientzia estetikoa, dagoala erakusten dabe Jule Goikoetxeak Tractatus (Susa) lanean batu dituen olerkiek. Izenburua nahiko ironikoa dala azaldu dau egileak, ez da tratadu bat, gaiak jorratzeko modu poetikoa erabili dau-eta.
Urrezko Luma Saria jaso dau Galtzagorrik
2014-06-02 17:17 sariak-autortzak
Euskerazko ume eta gazte literaturearen sustapenean egindako lana autortuz, Bilboko 44. Liburu Azokan jaso dau Urrezko Luma saria Galtzagorri alkarteko presidente barriak, Iñaki Markotegik, Ana de Castro Bizkaiko Aldundiko Euskera Zuzendari Nagusiaren eskutik.
Hortzmuga antzerki taldeak Unamunoren Bilbo erakutsiko dau bagilean
2014-06-02 14:53 jardunaldiak
Miguel de Unamunoren jaiotzearen 150. urteurrena gogoratzeko antolatu dan jarduera-eskaintza zabalaren barruan, Bilboko Udaleko Kultura eta Hezkuntza Sailak Unamunoren ibilbideak egingo ditu bagilean Zazpi Kaleetan zehar, Hortzmuga antzerki taldearen eskutik.
Bilbao Bizkaia Card txartelak uriburuko eta lurraldeko garraiobide eta museoetan sartzea erraztuko deutse turistei
2014-06-02 14:14
Bilbao Bizkaia Card izeneko txartel barriak uriburuko eta lurralde historikoko garraiobideetan eta museoetan sartzea erraztuko deutse bertaratzen diran turistei. Turismoko txartel barriak, ikutze bako teknologiagaz, 30 eta 40 euro arteko prezioa izango dau, erabiltzen dan egunen arabera.
Arabako Eskolartekoaren amaierea, finala eta jaia Legution
2014-06-02 13:55 Bertsolaritzea
Epaimahaiak holan erabagita Peru Abarrategik jantzi eban txapela eta Maddalen Arrausik bigarren postua. Biak izango dira Orion bagilaren 21ean izango dan Euskal Herriko eskolarteko txapelketako finaleko Arabako ordezkariak, herrialdeko bertso-eskolako gazte eta umeguztiek egindako ahaleginaren erakusgarri bikainak.
Pozarren Balmasedan eta Gernikan
2014-06-02 12:06 Euskerea berbagai
Europako hauteskunde egunagaz bat ez egiteko, Ibilaldiak eguna aldatu ostean, Euskal Eskola Publikoaren 23. Jaia eta Ibilaldia, Bizkaiko Ikastolen 36. Jaia egun berean ospatu arren, milaka lagun hurreratu dira hitzordu bietara eta antolatzaileak pozik dagoz.
Aitor Arrutia Azkuetak irabazi dau Enkarterri-Ezkerraldeako Bertsolari Txapelketako finala
2014-06-02 10:48 Bertsolaritzea
Ariketa puntuagarri guztiak jokatu eta buruz burukoa Aitziber Bengoetxea Uriberen kontra egin ostean, Aitor Arrutia Azkuetak jantzi dau txapela. Udagoieneko Bizkaiko Txapelketarako zuzeneko txartela lortu dau Artzentalesekoak.
Busturialdeko euskerearen dibersidadea ikasgeletan
2014-05-30 16:29 Euskerea berbagai
Helburua, beraz, eskualdeko euskerea hobeto ezagutzea eta eskolan txertatzea da, aberastasun horren jaube izanik. Herriko ahozko hizkera bizia oinarritzat harturik, eskolako eredu landura igaroteko eta han txertatzeko pausua egitea da helburua, euskera jasoagoa erabilteko orduan be bakotxa bere herriko erregistroa horretara ekarteko kapaz izan daiten.
Diziplina anitzeko 4 proiektuk 3.000 euroko bekak lortu ditue BilbaoEszenaren VI. Artistak Egoitzan programan
2014-05-30 16:07 sariak-autortzak
Bilboko Udaleko Kultura eta Hezkuntza Sailak BilbaoEszena Baliabide Eszenikoen Zentroaren bitartez sustatzen dauen Artistak Egoitzan programearen VI. edizinoak irabazleak ditu dagoeneko 2014ko deialdiari jagokonez. Lau proiektu irabazleek arte eszenikoen arloko diziplina-aniztasuna eta barrikuntzea ditue ezaugarri.
Euskaltzaindiak ohorezko 12 euskaltzain barri izentau ditu
2014-05-30 15:52 sariak-autortzak
Donostian egindako osoko bilkuran aukeratu ditu Akademiak ohorezko euskaltzain barriak. Paulo Agirrebaltzategi, Angel Aintziburu, Dionisio Amundarain, Xabier Amuriza, Xipri Arbelbide, Antonio Campos, Maite Idirin, Mixel Itzaina, Jon Landaburu, Joan Martí, Martin Orbe eta Manu Ruiz Urrestarazu dira izendapena jaso dabenak.
Bilbon saritua izan zan 'High Tension' filmak irabazi dau Coloradoko Mountain Film Jaialdiko Charlie Fowler Saria
2014-05-30 12:13 Barriak
Pelikula sarituak Ueli Steck, Simone Moro eta Jonathan Griffith alpinista entzutetsuek Everesteko 2. kanpalekuan jasandako erasoaren barri emoten dau. Erabat sumindutako sherpa talde batek harrika eta kolpeka egin eutsen eraso hiru mendizaleei, eta jazoereak eztabaida eta zalaparta handia sortu eban mundu osoan eta batez be mendi giroan.
Euskerearen dibersidadea, euskerearen euskalkiak jagon eta zabaldu dituenak omenduz dator Ibilaldia 2014
2014-05-30 11:07 Euskerea berbagai
Euskerearen Biozfereari eutsiz, euskerearen dibersidadeak aberasten gaituela aldarrikatuz dator aurten Ibilaldia. Seber Altube ikastoleak antolatuko dau aurtengo Ibilaldia, Euskararen bihozfera lelopean, bagilaren 1ean.
Zirkualde V. Zirku Jaialdiak zazpi ikuskizun eskainiko ditu Bilboko Errekalde auzoan
2014-05-30 10:32 jardunaldiak
Zirkualde Errekaldeko Zirku Jaialdiaren bosgarren edizinoa auzo bilbotarreko plazan ospatuko da barikutik domekara bitartean, eta danetara zazpi ikuskizun aurkeztuko ditu. EAEn zirkuko arteen inguruan antolatzen dan jaialdi tematiko bakarra dala azpimarratu dau antolatzaile lanetan ibili dan Bilboko Udaleko Kultura eta Hezkuntza Sailak.
Aniztasunaren aldeko 11 Danbor Martxan 40 perkusino eta animazino taldek parte hartuko dabe Donostian
2014-05-29 18:26 kulturbiz
Euskal Herria 11 Kolore herri ekimenak zapaturako, maiatzaren 31rako, Donostian deitu dauen 11Danbor Martxarako dana prest dauka. Eskubide berak, betebehar berak, aukera berak lelopean egingo dan martxea 11Kolore Jaiaren ekitaldi nagusia da. Igaz egin zan lehenengo aldiz jai hori, kultur eta jatorri aniztasunaren balioa aldarrikatzeko.
'Narrazioak eta olerkiak 2013' liburua argitaratu dabe BBK-k eta Euskaltzaindiak
2014-05-29 14:36 kulturbiz
Bilbao Bizkaia Kutxa Fundazinoak eta Euskaltzaindiak antolatutako 2013ko Resurreccion Maria Azkue sarietan irabazle izandako narrazinoak eta olerkiak batu ditue Narrazioak eta olerkiak 2013 liburuan. Maddi Aiestaran, Olatz Bereziartua, Anne Agirre, Lorea Azpiazu, Naia Ordorika, Aiora Amenabar, Lourdes Ondaro, Markel Txasko, Ane Saiz, Maialen Akizu eta Inhar Esnaola izan ziran 2013ko saridunak.
'Dragoi Bola Z' filma euskeraz helduko da astegoienean
2014-05-29 13:43 Barriak
Dragoi Bola Z euskeraz ikusteko aukerea izango da Zineuskadi Alkarteak kudeatzen dauen Zinema Euskaraz programeari esker. Estreinaldia gainera, Platform estilo amerikarreko aste amaiera bateko ekitaldia izango da maiatzaren 30, 31 eta bagilaren 1ean.
Parkatu Ramon, zuzenketak egin doguz.
»» XXXI. dFERIA Arte Eszenikoen Azokea ...