19. Korrikak Durangoko Azokea omenduko dau
2014-11-28 09:45 kulturbiz
Hemeretzigarren edizinoa 2015ean egingo dabe, martiaren 19tik 29ra, Urepeletik Bilbora. Oraingo honetan, Durangoko Azokea omenduko dau Korrikak: Herri honek auzolanean eta alkarlanean gauza asko egin ditu. Duda barik, horreetako bat da Durangoko Azokea. Azokeak ia 50 urteko ibilbidea dauka, 2015ean, 19. Korrika egingo dan urtean beteko dau mende erdia.
Mintzapraktika egitasmoen ganeko jardunaldia egingo dau AEK-k Bilbon
2014-11-27 16:55 Euskerea berbagai
AEK-ko Praktika Jarduerak zerbitzuak mintzapraktika egitasmoen ganeko jardunaldia antolatu dau, Bizkaiko Foru Aldundiaren laguntzinoagaz, biharko, zemendiak 28, Bilboko La Bolsa Udaltegian, Gaur, euskara praktikatu. Bihar, euskaraz bizi izenburupean.
Bertsonajerik bertsonajeena: Mañukorta
2014-11-27 14:03 Bertsolaritzea
Xabier Amurizaren eretxiz, bertsonajerik bertsonajeena da Mañukorta, bertsolaria eta kontalaria, Newtonianoa, Mañukortaren uniberso mentala, emozionala eta jardunezkoa hain zehatza eta koherentea da, ezen bildur barik konparau daiteke uniberso fisikoaren sistemeagaz.
Morauk eta Beñardo Goietxek 'Arrainentzako himnoak' diskoa kaleratu dabe
2014-11-27 10:57 Musikea
Hamasei kanta sortu ditue Andoni Tolosa Morauk eta Beñardo Goietxe musikariek, eta tartean bersino bi, Enarak taldearen Ama eta The Smiths bandearen There Is A Light That Never Goes Out. Diskoak eskuz montau ditue, 500 besterik ez, eta euren emonaldietan bakarrik ahalko dira erosi. Arrainentzako himnoak aurkezteko hurrengo zuzenekoa zemendiaren 30ean izango da, 19:00etan, Andoaingo gaztetxean, Anarigaz batera.
Euskadiko Liburutegi Digitala abian da
2014-11-27 10:07
Gaurtik aurrera, liburutegi publikoetako 530.000 bazkideek liburuen katalogo zabal bat deskargau ahal izango dabe Internet bidez. Urte amaieran 3.000 lan baino gehiago egongo dira eskuragarri, eta 2015ean, 15.000. Lanak euskerazkoak eta gaztelaniazkoak izango dira.
Oiongo San Bizente ikastoleak antolatuko dau 2015eko Araba Euskaraz, Gasteizen
2014-11-27 10:06 kulturbiz
Datorren urteko bagilaren 14an, Gasteizen, egingo da Arabako ikastolen jaia. Orain arteko ohiturea aldatu egingo dabe arabarrek, izan be Oiongo San Bizente ikastolea izan arren antolatzailea, herrian barik, uriburuan atonduko dabe Araba Euskaraz. Lemea Piztu euskara izango da.
Itziar Gonzalez-Dios eta Eneko Bidegain, #txiotesia2 lehiaketako irabazleak
2014-11-26 17:48
UEUk kudeatzen dauen Unibertsitatea.net atariak bigarren urtez antolatu dauen Txiokatu zure tesia 6 mezutan lehiaketako irabazleak jakinarazo ditue. Lehen saria Itziar Gonzalez-Diosentzat izan da, egiten dabilen euskerazko testuen sinplifikazino automatikoari buruzko tesia laburtzeagaitik, eta bigarren saria Eneko Bidegain kazetari eta irakaslearentzat izan da Lehen Mundu Gerra 'Eskualduna' astekarian tesia koplatan azaltzeagaitik.
Laugarren Bertso Derbia, Donostian
2014-11-26 17:34 Bertsolaritzea
Abenduaren 14an, domekan, Anoetan jokatuko dabe Realak eta Athleticek ligako partidua. Aurretik, barriz, eguerdiko 12:30ean Donostiako Antzoki Zaharrean bertso saioa izango da. Alkarri berbea emonda kantuan izango dira sei bertsolari Pasa hitza! lemapean: Andoni Egaña, Maialen Lujanbio eta Amets Arzallus Realaren izenean eta Jon Maia, Jone Uria eta Igor Elortza Atleticen alde.
Nazionalismo alemana eta frantsesa aztertu ditu Joxe Azurmendik liburu barrian
2014-11-26 13:47 kulturbiz
Bata bestearen kontra ei dagozan kontzeptu biren ganeko gogoetea egin dau Joxe Azurmendik Historia, arraza, nazioa. Renan eta nazinalismoaren inguruko topiko batzuk (Elkar) liburuan, nazionalismo frantsesa eta nazionalismo alemana, bata liberala eta demokratikoa eta bestea hizkuntzan eta arrazan oinarritutakoa. Uste horreen jatorri eta bilakaerea aztertu dau idazle zegamarrak.
Joseba Mikel Ugalde bermeotarrak 'Muakiss weblog postikatua' lana argitaratu dau
2014-11-26 11:41 Kulturea
Orain urte bi abiautako Urertzeren Uberan Collagekera bildumearen hirugarren eta azkenengo liburua kaleratu barri dau Joseba Mikel Ugalde idazle bermeotarrak, Muakiss weblog postikatua.
Kulturklik agendea gailu mobikorretan konsultau daiteke dagoeneko
2014-11-26 10:48
Kulturklik agendea gailu mobikorretan konsultau ahal izateko aplikazino barri bat garatu dabe, eta holan, erabiltzaileek atari horretako agendeak jasoten dituan kultur ekitaldi guztiak euren gailu mobikorrean eroan ahal izango ditue aurrerantzean. Kulturklik App barria www.kulturklik.euskadi.net helbidean deskargau daiteke.
Raul Dominguez barakaldarraren marrazkiak ikusgai, Bilboko Rekalde aretoan
2014-11-26 10:31 Kulturea
Mueta askotako irudiak batu ditu Raul Dominguez artisteak, bai formatuari bai teknikeari jagokonez. Aurten eta igaz egindako lanen aukeraketea da Bilbok Rekalde aretoko erakusketan jaso dauena. 2015eko urtarrilaren 15era arte egongo da zabalik.
21.000 ume dabilz ikasgelan bertsolaritzea lantzen transmisino proiektuaren barruan
2014-11-26 09:55 Bertsolaritzea
Hogeita lau urte dira Bertsozale Alkarteak eskaintzen dauen Bertsolaritzea irakaskuntzan proiektua sortu zanetik. Gaur egun 410 ikastetxe dira partaide; zentro publikoak, ikastolak zein kristau eskolak dagoz horreen artean, eta gehienbat Lehen Hezkuntzako 4., 5. edo 6. mailan gauzatzen da.
Euskadin webgunea daben hamar langile edo gehiagoko enpresen 47,2k euskeraz be badauka
2014-11-25 14:42
2014an, EAEko hamar langile edo gehiagoko enpresak IKT ekipamenduetan ondo horniduta dagoz, batez be Debagoienan, merkataritza elektronikoaren erabileran izan ezik. Arabako Mendialdean eta Enkarterrin eta Markina-Ondarroan Bizkaian, neurri horretako enpresen % 100ek dabe Internet, eta Gipuzkoan Tolosaldea nabarmentzen da, % 99,6gaz.
Hileko Dokumentala zikloaren barruan, 'Five days to dance' aurkeztuko dau eguenean Zinebik
2014-11-25 12:41 Barriak
Hileko Dokumentala, Bilboko Dokumentalen eta Film Laburren Nazinoarteko Jaialdiak, ZINEBIk, urte osoan bere programazinoari jarraipena emoteko antolatu dauen estreinaldien zikloak, Rafael Molések eta Pepe Andreuk zuzendutako Five days to dance (Espainia 2014, 77 min.) filma eskainiko dau eguenean, zemendiaren 27an.
VI. Arkeologia Topaketak egingo ditue Bilbon asteon
2014-11-25 10:45 jardunaldiak
Bilboko Arkeologia Museoak arkeologia topaketen edizino barria hartuko dau egunotan, zemendiaren 25etik abenduaren 3ra bitartean. Arkeologiaren arloan aurkeztu diran edo laster aurkeztekoak diran tesiak aurkeztuko diea. Bost berbaldi programau ditue. Lehenengo saioan, Jose Angel Lekandak Vasconia: desde el otro lado de la frontera (siglos V-VII) berbaldia eskainiko dau.
Euskal artisten 'Riding to Amarillo' erakusketea ikusi ahal izango da San Diegon (AEB)
2014-11-25 10:39 Kulturea
2015eko urtarrilaren 7ra arte egongo da ikusgai eta honako artista honeek hartuko dabe parte, horreetako batzuk Etxepare Euskal Institutuaren babesagaz: Lehior Bilbao, Julen Agirre, Unai Requejo, Usoa Fullaondo, Iranzu Antona, Jorge Nuñez, Jon Otamendi, Damaris Pan, Lorea Alfaro eta Olatz Vilariño.
'Sortuko dira besteak' emonaldia domekan, Bilboko Arriagan
2014-11-24 17:25 Musikea
Hirugarren urtez, hainbat euskal musikari ezagun Sortuko dira besteak emonaldian alkartuko dira zemendiaren 30an, Bilboko Arriaga antzokian. Mixel Ducau, Alex Sardui, Mikel Urdangarin eta Petti kantariak agertuko dira, besteak beste, oholtzan. Abenduaren 27an, Donostiako Kursaalen izango dira.
'Kultur Gabonak' ekimenak 130 jarduera baino gehiago dakarz Bilbora
2014-11-24 14:11 jardunaldiak
Bilboko Udaleko Kultura eta Hezkuntza Sailak programazino zabala atondu dau Kultur Gabonak ekimenaren barruan. Danetara, ikus-entzule guztiei zuzendutako 135 ikuskizun eta jarduera baino gehiago izango dira, uriko barruti guztietan. Aste honetan bertan hasiko dira.
37. Euskal Zine Bilerearen hasiera ekitaldia cabaret erraldoi bihurtu da
2014-11-24 11:26 Barriak
Miren Gojenola, Miren Gaztañaga eta Gabriel Ocinak 37. Euskal Zine Bilerako hasiera ekitaldia kabaret erraldoi bihurtu dabe bart. Emozinoz beteriko hasiera ekitaldia izan da. Bertan izan dira igazko aurkezleak be, ganbaratik begira. Lehiatuko diran filmen erakusketea egin eta epaimahakideen aurkezpena egin da segiduan.
Parkatu Ramon, zuzenketak egin doguz.
»» XXXI. dFERIA Arte Eszenikoen Azokea ...