Juana García-Pozueloren 'To the end' erakusketea edegi dabe Rekalde aretoan
2015-05-21 12:08 Kulturea
Sorkuntza artistikora zuzendutako bekak jaso dituen artistez osotutako barriek 2015 programearen barruan, Juana García-Pozueloren To the end erakusketea aurkeztu barri dabe Bilboko Rekalde aretoan. Garagarrilaren 19ra arte egongo ikusgai erakusketea.
'Aniztasunean euskeraz biziz' lemapean dator Eskoriatzan egingo dan Auzoko egitasmoaren bigarren jaia
2015-05-21 11:52 Euskerea berbagai
Bigarren urtez ospatuko da, Auzoko egitasmoa martxan daben herri guztietako parte-hartzaileak alkartuko dituan jaia. Eskoriatzan izango da oraingoan hitzordua, maiatzaren 23an, zapatuan, goizeko 11:30ean hasita. Herritar guztientzat zabalik dagoan egitaraua atondu dabe horretarako, euskerea ardatz hartuta, jatorri desbardinetako hizkuntza eta kulturak be ezagutu ahal izateko.
Euskerearen Herri Hizkeren Atlasa ezagutarazotea helburu, 'Euskara ibiltaria' erakusketea atondu dabe Beasainen
2015-05-20 17:54 Kulturea
Euskaltzaindiaren Euskerearen Herri Hizkeren Atlasa (EHHA) ezagutzera emoteko helburua dauka maiatzaren 28an Beasaingo Igartza Jauregian zabalduko dan erakusketeak. Euskara ibiltaria da bere izena eta Euskaltzaindiak, Beasaingo Udalak eta hasieratik egitasmoa babestu dauen Laboral Kutxak antolatu dabe. Bagilaren 5era arte egongo da zabalik.
X. Haizetara berezia izango da bere lehen bederatzi irabazleakaz
2015-05-20 15:51 Musikea
Bagilaren 19tik 21era, Amorebieta-Etxanoko X. Kaleko Musikearen Nazioarteko Jaialdian, aurreko ekitaldietan lez, aurten be alkarren arteko lehian ibiliko dira banda parte-hartzaileak. Halan da be, hamargarren edizinoa izanik, jaialdiari ikutu berezia emon gura izan deutsie antolatzaileek, eta aurreko urteetan irabazle izandako bandek hartuko dabe parte aurten.
FANT 2015ek 8.891 ikus-entzulegaz zarratu dau 21. edizinoa, igaz baino % 20 ikus-entzule gehiago
2015-05-20 14:46 Barriak
Bilboko Fantasiazko Zinemaldia – FANTek, 8.891 ikus-entzulegaz zarratu dau 21. edizinoa, hau da, 2014an baino % 20 ikus-entzule gehiago (7.429 ikus-entzule) eta 2013ko edizinoan baino ia % 40 gehiago (4.938 ikus-entzule).
Euskal Herriko X. Mintza Eguna Beran izango da aurten maiatzaren 30ean
2015-05-20 14:07 Euskerea berbagai
Bazkarirako izen-emotea maiatzaren 26ra arte egin daiteke, tokian tokiko mintzapraktikako dinamizatzaileen zein Euskaltzaleen Topagunearen bidez. Bazkariko txartelak 17€ balio dau eta menu berezia behar dabenek aldez aurretik jakinarazo behar dabe.
Bilboko Udal Musika Bandeak udabarriko kontzertu denporaldiari ekingo deutso maiatzaren 22an
2015-05-20 11:55 Musikea
Atrilean txandaka jardungo dabe zuzendariek; José Rafael Pascual Vilaplana Bandako zuzendari titularrak (maiatzaren 29an eta bagilarten 19an), lehenengo aldiz zuzenduko dau Bandea Arenaleko Kioskoan; Iñaki Urkizu zuzendariordeak (maiatzaren 22an eta bagilaren 12an) eta Miguel Romea zuzendari konbidauak (bagilaren 5ean). Maila handiko hiru batuta, Bilboko Bandea osotzen daben 45 musika-jotzaile baino gehiago zuzentzeko.
Alberto Ladron Aranak 'Itzalak bizi diren lurraldea' liburua aurkeztu dau
2015-05-20 11:38 Kulturea
Abentura nobelea da Itzalak bizi diren lurraldea (Elkar), fantasiazko mundu batean girotutakoa. Alberto Ladron Aranak kaleratu barri dauen liburua Taupadak bildumean argitaratu da, 13 urtetik gorako irakurleen atalean.
Bizkaiko Trikitixa Eguna bagilaren 6an izango da Portugaleten
2015-05-19 13:01 Musikea
Bazkarian izena emoteko sartu 12 euro Bizkaiko Trikitixa Alkarteko kontu korrontean izen-abizenak adierazota: 2095 0022 009105970729. Bazkarirako txartelak erosteko azken eguna bagilaren 3a izango da. Informazino gehiago: bizkaia@trikitixa.net e-posta, www.bizkaikotrikitixaelkartea.com webgunea zein 665 716 390 telefono zenbakia erabilita.
'Gabriel Arestiren ondarea' zikloan izena emoteko azkenengo egunak
2015-05-19 12:47 Euskerea berbagai
Maiatzaren 25etik bagilaren 5era bitartean, Deustuko Unibersidadeko DeustoBide Herritartasun Eskoleak Gabriel Arestiren ondarea izeneko jardunaldiak egingo ditu, Gabriel Aresti kultura alkartearen laguntzinoagaz. Izena emoteko epea eguaztenean, hilak 20, amaituko da.
Sabin Bikandik eta Kukaik Max saria jaso dabe
2015-05-19 10:46 sariak-autortzak
Kukairen Gelajauziak lanagaitik Ikuskizun eszenikorako musika-konposizinorik Onenaren Max saria emon deutsie Sabin Bikandiri (Galdakao, 1965), AIKO Taldeko jantza-maisuari. Bestalde, Kukai Dantza Konpainiak (Alain Maya, Eneko Gil, Ibon Huarte, Jon Maya eta Urko Mitxelena) Jantza-interpreteen talde onenaren saria irabazi dau.
Astegoienean zortzi saio jokatuta, bigarren itzuliari ekin deutso Gipuzkoa Bertsotanek
2015-05-18 17:52 Bertsolaritzea
Aitor Urbieta, Maider Arregi, Arkaitz Oiartzabal Xamoa, Egoitz Eizagirre, Jon Maia, Ane Labaka, Ander Lizarralde eta Unai Muñoa izan dira saioetako irabazleak. Lehen itzulia amaitu da eta Bergaran bigarren itzuliari ekin eutsien bertsolariek. Hurrengo astegoienean atsedenaldia hartuko dau Gipuzkoa Bertsotanek.
Laura Mintegik eta Iban Zalduak euskeraz idatzitako literaturearen erronkak aztertuko ditue Bilbon
2015-05-18 15:48 Kulturea
Bidebarrieta Kulturgunearen ekimenak, Laura Mintegi eta Iban Zaldua idazleen barriketaldia jasoko dau datorren martitzenean, maiatzaren 19an. Bertan, euskeraz idatzitako literaturearen erronken ganean berba egingo dabe. Topaketea euskeraz izango da, arratsaldeko 19:30etatik aurrera –sarrerea librea– eta Pili Kaltzada kazetariak gidatuko dau.
Ocean Colour Scene eta The Last Internationale, Azkena Rock 2015 jaialdiko kartelean
2015-05-18 15:31 Musikea
Bagilaren 19an eta 20an Gasteizen egingo da hamalaugarren Azkena Rock jaialdia, eta antolakuntzak zarratu barri dau kartela. Ocean Colour Scene eta The Last Internationale taldeak dira gehitu dituen azkenengoak. Mendizabala gunean, besteak beste, joko dabe ZZ Top, Mastodon, Television, L7, D-Generation, Red Fang, OFF!, Wovenhand edo Ceacker bandek.
2015eko Bilboko Aste Nagusia iragarriko dauen kartelaren lehiaketarako epea zabalik dago
2015-05-18 15:02 Kulturea
Lanak aurkezteko azken eguna bagilaren 12a da, 13:30era arte. Aurkezteko lekua: Jaietako Saila (Venezuela Plaza, 2, 5.a 48001 Bilbo) 09:00etatik 13:30era. Informazino gehiago: 94 420 31 47.
Muguruza, Ibarretxe, Ordorika eta Atxagaren berbaldiak, Klasikoen 8. irakurketa jarraituaren atarikoan
2015-05-18 11:45 Kulturea
Bilbo Zaharra Forumek Joseba Sarrionandiaren Narrazio guztiak (1979-1990) liburuari eskainiko deutso Klasikoen 8. irakurketa jarraitua. Bagilaren 5ean egingo da, Bilboko Arriaga Antzokian, 8:00etatik 20:00etara. Horren atariko, berbaldi zikloa antolatu dabe bagilaren lehenengo lau egunetan. Fermin Muguruza, Juan Jose Ibarretxe, Ruper Ordorika eta Bernardo Atxaga izango dira hizlariak, Bilbon, Euskaltzaindiaren egoitzan.
2014ko CAF-Elhuyar sariak banatu ditue bart
2015-05-15 12:36 sariak-autortzak
Bart banatu ditue 2014ko zientzia-dibulgazinoko CAF-Elhuyar sariak, Zarauzko Photomuseum Argazki & Zinema museoan. Dibulgazino-artikuluen kategorian Gorka Azkune Galparsoro, Ostaizka Aizpurua Arrieta eta Estitxu Villamor Lomas izan dira sarituak. Kazetaritza-lanen arloan, barriz, Amaia Portugal Gonzalez. Azkenik, Julian Bereziartua Barrenetxeak jaso dau Elhuyar Fundazinoaren Merezimendu saria.
B.B. King blues gitarra-jotzaile mitikoa hil da
2015-05-15 12:28 Musikea
Azkenaldian makal ebilen B. B. King, eta orain egun bi ospitalera eroan eben atzera be. 2014ko urrian, osasun arazoak zirala eta, bertan behera itxi behar izan eban bira bat. 89 urtegaz, diabetesak eragindako konpikazinoen ondorioz hil da, Las Vegasen (AEB). Bluesaren erregeak sei bider jo eban Donostiako Jazzaldian, azkenengoa, 2011n.
Markos Zapiainek 'Saizarbitoria eta iragana' saiakerea kaleratu dau
2015-05-15 12:05 Kulturea
Ramon Saizarbitoria idazleak bere liburuetan sortutako personaiak jorratu ditu Markos Zapiain idazle eta filosofia irakasleak Susa argitaletxeak plazaratutako Saizarbitoria eta iragana beharrean. Errua, maitasuna, jelosia, fideltasuna, egia, sekretua, oroimena, damua, mendekua, patua, kontzientzia, bildurra zelan bizi dituen aztertu dau Zapiainek.
'Non bis in idem', UPV/EHUko talentudun gazte bik pintura figuratibora egiten daben itzulbidea
2015-05-14 14:41 Kulturea
Unibersidadeko ikasleen talentua bultzatzearren Bizkaiko Batzar Nagusiek eta UPV/EHUko Arte Eder Fakultadeak daben lankidetzearen esparruan sortu da erakusketa barriau, hain zuzen be Ander Gómezen eta Nekane Manriqueren 18 artelan batzen dituana.
Sarrera behar da? Aurretik erosi behar da?
»» 'Erbestez erbeste', bertso saio literarioa