Alberto Ladron Aranak 'Itzalak bizi diren lurraldea' liburua aurkeztu dau
2015-05-20 11:38 Kulturea
Abentura nobelea da Itzalak bizi diren lurraldea (Elkar), fantasiazko mundu batean girotutakoa. Alberto Ladron Aranak kaleratu barri dauen liburua Taupadak bildumean argitaratu da, 13 urtetik gorako irakurleen atalean.
Bizkaiko Trikitixa Eguna bagilaren 6an izango da Portugaleten
2015-05-19 13:01 Musikea
Bazkarian izena emoteko sartu 12 euro Bizkaiko Trikitixa Alkarteko kontu korrontean izen-abizenak adierazota: 2095 0022 009105970729. Bazkarirako txartelak erosteko azken eguna bagilaren 3a izango da. Informazino gehiago: bizkaia@trikitixa.net e-posta, www.bizkaikotrikitixaelkartea.com webgunea zein 665 716 390 telefono zenbakia erabilita.
'Gabriel Arestiren ondarea' zikloan izena emoteko azkenengo egunak
2015-05-19 12:47 Euskerea berbagai
Maiatzaren 25etik bagilaren 5era bitartean, Deustuko Unibersidadeko DeustoBide Herritartasun Eskoleak Gabriel Arestiren ondarea izeneko jardunaldiak egingo ditu, Gabriel Aresti kultura alkartearen laguntzinoagaz. Izena emoteko epea eguaztenean, hilak 20, amaituko da.
Sabin Bikandik eta Kukaik Max saria jaso dabe
2015-05-19 10:46 sariak-autortzak
Kukairen Gelajauziak lanagaitik Ikuskizun eszenikorako musika-konposizinorik Onenaren Max saria emon deutsie Sabin Bikandiri (Galdakao, 1965), AIKO Taldeko jantza-maisuari. Bestalde, Kukai Dantza Konpainiak (Alain Maya, Eneko Gil, Ibon Huarte, Jon Maya eta Urko Mitxelena) Jantza-interpreteen talde onenaren saria irabazi dau.
Astegoienean zortzi saio jokatuta, bigarren itzuliari ekin deutso Gipuzkoa Bertsotanek
2015-05-18 17:52 Bertsolaritzea
Aitor Urbieta, Maider Arregi, Arkaitz Oiartzabal Xamoa, Egoitz Eizagirre, Jon Maia, Ane Labaka, Ander Lizarralde eta Unai Muñoa izan dira saioetako irabazleak. Lehen itzulia amaitu da eta Bergaran bigarren itzuliari ekin eutsien bertsolariek. Hurrengo astegoienean atsedenaldia hartuko dau Gipuzkoa Bertsotanek.
Laura Mintegik eta Iban Zalduak euskeraz idatzitako literaturearen erronkak aztertuko ditue Bilbon
2015-05-18 15:48 Kulturea
Bidebarrieta Kulturgunearen ekimenak, Laura Mintegi eta Iban Zaldua idazleen barriketaldia jasoko dau datorren martitzenean, maiatzaren 19an. Bertan, euskeraz idatzitako literaturearen erronken ganean berba egingo dabe. Topaketea euskeraz izango da, arratsaldeko 19:30etatik aurrera –sarrerea librea– eta Pili Kaltzada kazetariak gidatuko dau.
Ocean Colour Scene eta The Last Internationale, Azkena Rock 2015 jaialdiko kartelean
2015-05-18 15:31 Musikea
Bagilaren 19an eta 20an Gasteizen egingo da hamalaugarren Azkena Rock jaialdia, eta antolakuntzak zarratu barri dau kartela. Ocean Colour Scene eta The Last Internationale taldeak dira gehitu dituen azkenengoak. Mendizabala gunean, besteak beste, joko dabe ZZ Top, Mastodon, Television, L7, D-Generation, Red Fang, OFF!, Wovenhand edo Ceacker bandek.
2015eko Bilboko Aste Nagusia iragarriko dauen kartelaren lehiaketarako epea zabalik dago
2015-05-18 15:02 Kulturea
Lanak aurkezteko azken eguna bagilaren 12a da, 13:30era arte. Aurkezteko lekua: Jaietako Saila (Venezuela Plaza, 2, 5.a 48001 Bilbo) 09:00etatik 13:30era. Informazino gehiago: 94 420 31 47.
Muguruza, Ibarretxe, Ordorika eta Atxagaren berbaldiak, Klasikoen 8. irakurketa jarraituaren atarikoan
2015-05-18 11:45 Kulturea
Bilbo Zaharra Forumek Joseba Sarrionandiaren Narrazio guztiak (1979-1990) liburuari eskainiko deutso Klasikoen 8. irakurketa jarraitua. Bagilaren 5ean egingo da, Bilboko Arriaga Antzokian, 8:00etatik 20:00etara. Horren atariko, berbaldi zikloa antolatu dabe bagilaren lehenengo lau egunetan. Fermin Muguruza, Juan Jose Ibarretxe, Ruper Ordorika eta Bernardo Atxaga izango dira hizlariak, Bilbon, Euskaltzaindiaren egoitzan.
2014ko CAF-Elhuyar sariak banatu ditue bart
2015-05-15 12:36 sariak-autortzak
Bart banatu ditue 2014ko zientzia-dibulgazinoko CAF-Elhuyar sariak, Zarauzko Photomuseum Argazki & Zinema museoan. Dibulgazino-artikuluen kategorian Gorka Azkune Galparsoro, Ostaizka Aizpurua Arrieta eta Estitxu Villamor Lomas izan dira sarituak. Kazetaritza-lanen arloan, barriz, Amaia Portugal Gonzalez. Azkenik, Julian Bereziartua Barrenetxeak jaso dau Elhuyar Fundazinoaren Merezimendu saria.
B.B. King blues gitarra-jotzaile mitikoa hil da
2015-05-15 12:28 Musikea
Azkenaldian makal ebilen B. B. King, eta orain egun bi ospitalera eroan eben atzera be. 2014ko urrian, osasun arazoak zirala eta, bertan behera itxi behar izan eban bira bat. 89 urtegaz, diabetesak eragindako konpikazinoen ondorioz hil da, Las Vegasen (AEB). Bluesaren erregeak sei bider jo eban Donostiako Jazzaldian, azkenengoa, 2011n.
Markos Zapiainek 'Saizarbitoria eta iragana' saiakerea kaleratu dau
2015-05-15 12:05 Kulturea
Ramon Saizarbitoria idazleak bere liburuetan sortutako personaiak jorratu ditu Markos Zapiain idazle eta filosofia irakasleak Susa argitaletxeak plazaratutako Saizarbitoria eta iragana beharrean. Errua, maitasuna, jelosia, fideltasuna, egia, sekretua, oroimena, damua, mendekua, patua, kontzientzia, bildurra zelan bizi dituen aztertu dau Zapiainek.
'Non bis in idem', UPV/EHUko talentudun gazte bik pintura figuratibora egiten daben itzulbidea
2015-05-14 14:41 Kulturea
Unibersidadeko ikasleen talentua bultzatzearren Bizkaiko Batzar Nagusiek eta UPV/EHUko Arte Eder Fakultadeak daben lankidetzearen esparruan sortu da erakusketa barriau, hain zuzen be Ander Gómezen eta Nekane Manriqueren 18 artelan batzen dituana.
Galdakaoko IV. Oroimenaren Astea, orain 78 urte jazotakoak gogoratzeko
2015-05-14 13:01 kulturbiz
Burdin Hesia bertatik bertara ezagutzeko ibilaldiek eta berbaldi bik osotuko dabe aurtengo Galdakao Gogora alkarteak antolatutako IV. Oroimenaren Astea, maiatzaren 17tik 23ra bitartean. Jarduera guzti-guztiak debalde izango dira. Lehenengo hitzordua domekan da, 9:00etan, Bekea auzoko eta inguruko lubaki eta bunkerrak ikusteko.
Bizkaiko museoek 100 jarduera baino gehiago eskainiko ditue Museoen Nazinoarteko Egunean
2015-05-14 11:37 Kulturea
Gizarte jasangarri baterako museoak goiburupean, Bizkaiko Foru Aldundiak Museoen Nazinoarteko Eguna ospatuko dau maiatzaren 18an. Museoak herritarrei hurreratzea da egun berezi honen helburu nagusia. Bizkaiko 34 museok hartuko dabe parte, bisita gidatuak, tailerrak, erakustaldiak, umeentzako jarduerak eta dastaketak eskainiz.
Mitzuli: eskuko telefonoa itzultzaile bihurtzeko dobako aplikazinoa
2015-05-14 11:31
Mitzuli izeneko aplikazioa sortu dau Mikel Artetxe EHUko IXA Taldeko ikertzaile zarauztarrak, Elhuyarren laguntzino eta babesagaz. Androiderako itzultzaile automatiko bat da Mitzuli, eta 50 itzulpen-noranzko baino gehiago eskaintzen ditu; horreen artean, protagonismo berezia dabe baliabide urriko hizkuntzek, izaera komertzialeko produktuek albo batera ixten dituenek.
Hezkuntzako 300 profesionaletik gora Getxolinguae 2015 jardunaldian
2015-05-13 18:05 Euskerea berbagai
Hezkuntza, Hizkuntza Politika eta Kultura Sailak bultzatzen dauen Heziberri 2020 Planaren barruan kokatzen dan ekimenean, Lehen eta Bigarren Hezkuntzako ikastetxeek, hizkuntza proiektuen arloko euren jarduera egokiak azaltzen eta ezagutarazoten dagoz gaur Hizkuntza proiektua: eskolako hizkuntzak birpentsetan izenburupean.
Gaur hasiko da 68. Cannesko Zinema Jaialdia, lehiaz kanpo erakutsiko daben 'La tête haute' filmagaz
2015-05-13 15:14 Barriak
Ingrid Bergman aktore suediarraren jaiotzearen 100. urteurrena beteko da aurten eta haren omenez, Cannesko 68. Zinema Jaialdiaren kartel ofizialean Bergamnen irudia agiri da. Era berean, zinematografoaren 120. urteurrena be gogoratuko da aurten eta azpimarratzekoa da Sail Ofizialean, epaimahaiburu izango dirala Coen anaiak.
Sabin Bikandi, Arte Eszenikoetako Max sarietako finalista, 'Gelajauziak' ikuskizunerako musikeagaitik
2015-05-13 12:25 Musikea
Sabin Bikandi, Xabier Erkiziagaz batera, ikuskizun eszenikorako musika-konposizinorik onenaren saria jasoteko hautagaia da, Zazpi aldiz elur, Mikel Laboa Elurretan ikuskizunerako musikea sortu dauen Iñaki Salvador euskal musikariaz gan.
Euskaltzaindia Monumenta Linguae Vasconum II. Jardunaldietan
2015-05-12 14:19 Kulturea
Maiatzaren 13, 14 eta 15ean, Monumenta Linguae Vasconum II Jardunaldiak egingo dira Gasteizen, UPV/EHUko Letren Fakultatean. Joseba Lakarra euskaltzainak zuzentzen dauen Monumenta Linguae Vasconum EHUko ikerketa taldeak antolatu ditu izen bereko jardunaldiak.
Sarrera behar da? Aurretik erosi behar da?
»» 'Erbestez erbeste', bertso saio literarioa