Bilboko Udal Musika Bandeak 'Pos eso' animazino filmaren soinu bandea interpretauko dau
2015-04-30 14:52 Musikea
Bilboko Udal Musika Bandako 45 musikari baino gehiagok Aritz Villodasek idatzitako lanak interpretau zituen, eta bere zuzendaritzapean, Pos eso lanaren soinu bandea osotzen daben musika lanak grabau zituen, segundoz-segundo, zinemeak eskatzen dauen legez, soinua eta irudia guztiz bat etor daitezan.
Joserra Senperenak '9 ganbera pieza' diskoa kaleratu dau
2015-04-30 14:41 Musikea
Azkenengo urte eta erdian idatzitako bederatzi kantek osotzen dabe Joserra Senperena pianista donostiarrak aurkeztu barri dauen 9 ganbera pieza (Elkar) diskoa. Erreferentzia klasikoak eta garaikideak ditue piezek, euskal folklorea eta popa, eta pelikuletako musikea bere bai. Udagoienean aurkeztuko dau zuzenean.
74 bertsolarik parte hartuko dabe maiatzaren 9an hasiko dan 'Gipuzkoa Bertsotan' ekimenean
2015-04-30 11:42 Bertsolaritzea
2015eko Gipuzkoako Bertsolari Txapelketea udagoienean hasiko dan arren, aurretik hitzordu garrantzitsua izango da: Gipuzkoa Bertsotan, Txapelketarako sailkapen fasea. Sailkapen fase bat baino gehiago da Gipuzkoa Bertsotan, Gipuzkoan bertsolaritzeak bizi dauen osasunaren isla da, besteak beste, bertso-eskoletan, hezkuntza arautuan, plazetan, lehiaketa eta sariketetan bizi dogun emonkortasunaren erakuslea.
Bilboko Barrutietan 200 kultur proposamen baino gehiago izango dira 'Kultura Kalez Kale' egitarauaren barruan
2015-04-30 11:02 kulturbiz
Bilboko barrutiek kaleko arte eszenikoen kultur eskaintza nagusia batuko dauen Kultura Kalez Kale egitaraua jasoko dabe maiatzean eta bagilean, zirkua, clown erakustaldia, magia, antzerkia, ipuin-kontalariak, berbaldiak, kontzertuak zein kaleko bandek eskainitako musika animazinoa eta beste zenbait kultur jarduera jasoko dituan programazinoagaz. Danetara, 200 ikuskizun eta jarduera inguru izango dira, ikus-entzule guztiei zuzenduta
Antonio Maria Lekuona euskal kostunbrismoaren aitzindariaren erakusketea, Arte Eder Museoan
2015-04-29 13:48 Kulturea
Euskal ohiturak 1860an pintetako maisulanaren inguruan atondu dabe Antonio Maria Lekuona (1831-1907) margolari tolosarraren ganeko erakuskeketa Bilboko Arte Eder Museoan. Hamalau lanek osotzen dabe erakusketea, eta bagilaren 8ra arte egongo dira ikusgai.
Ziburuko ikastolea eregiteko erabiliko dabe aurtengo Herri Urratsen batutako dirua
2015-04-29 11:16 Euskerea berbagai
Urtero lez Senpereko lakuaren inguruan makina bat euskaltzale batuko dira maiatzaren 10ean, Herri Urrats Ipar Euskal Herriko ikastolen jai handian. Atxik ikastola bildua lelopean, inoizko diru gehien batu gura dau Seaskak, Ziburuko ikastolea eregiteko, hain zuzen be. Datorren ikasturtean, ganera, hiru ikastola barri zabalduko ditue: Azkarate, Basusarri eta Biriatun.
IV. Bertsomovieda: 'Gero eta lan hobeak ixten doguz saritu barik'
2015-04-29 10:58 Bertsolaritzea
Helduen mailan, Txakile bideoak eroan ditu Sari nagusia (1000€) eta Publikoaren saria (500€). Bigarren saria, barriz, Etzinen zu lanak jaso dau. Gazteen mailan, Sari nagusia (300€): Tantak bideoak jaso dau eta bigarrena (150€), barriz, Garoña izenburuko bideoak. Bertsorik onenen saria Aita heriotza lanak eroan dau.
PuntuEUS Fundazinoak hamar euro emongo deutsoz Seaskari, .eus domeinu bakotxeko
2015-04-28 18:02 Euskerea berbagai
Maiatzaren 1etik 10era bitartean, PuntuEUS Fundazinoak hamar euro emongo deutsoz Seaskari, Ipar Euskal Herriko Ikastolen Federazinoari, erregistrautako .eus domeinu-izen bakotxeko. PuntuEUSek euskereak Ipar Euskal Herrian daukan presentzia indartzen lagundu nahi dau ekarpen honen bidez.
‘Asterix, Jainkoen Egoitza’ filma euskeraz, Zineuskadi eta Warner Brosen lehen kolaborazinoari esker
2015-04-28 15:23 Barriak
Zineuskadik sustatzen dauen Zinema Euskeraz programearen barruan itzuli da Asterix, Jainkoen Egoitza filma euskerara eta apirilaren 30ean, 5 zinema-aretotan estreinauko da. Hortik aurrera ikusgai egongo da beste hainbat aretotan.
Txani Rodriguezek eta Alaine Agirrek umeentzako liburu bana aurkeztu dabe Bilbon
2015-04-28 15:11 Kulturea
Mikel ume barazkijalea da Ez naiz barazkijalea, eta zer? Txani Rodriguezek idatzitako liburuko protagonistea, eta Martina neskato ulegorria, Alaine Agirreren Bihotza lo daukat, eta zer? lanekoa. Iosu Mitxelena eta Jokin Mitxelena dira liburuotako ilustratzaileak. Zortzi urtetik gorako irakurleentzat dira behar biak, eta Elkar etxeak plazaratu ditu.
Gero eta hurrago Bilboko Aste Nagusiko Metal, Pop Rock Erakusketearen XXX. edizinoa
2015-04-28 13:42 Musikea
Aste Nagusiko Pop Rock Erakusketea 1985ean jaio zan pop rock musikan bere tokia bilatzen dabilzan Bizkaiko taldeei bultzada bat emoteko asmoagaz. Urte honeetan guztietan 1871 lan baino gehiago aurkeztu dira eta 294 taldek jentaurrean ezagutzera emoteko aukerea izan dabe Aste Nagusian egiten dan erakusketa honi esker, Bilboko Udaleko Jai eta Herritarrentzako Arreta sailak antolatua.
Gai-jartzaile Eskolea bertso saio bereziagaz amaituko da Amasa-Villabonan
2015-04-28 11:54 Bertsolaritzea
Bertsozale Alkarteak Amasa-Villabona aukeratu dau urteko proiektu bati amaierea emoteko. Bederatzi hilebeteko ikastaroan landutakoa praktikan jarteko Gai-jartzaile Eskolako ikasleek jarriko deutseez gaiak bertsolariei. Maialen Lujanbio, Andoni Egaña, Aitor Sarriegi, Amets Arzallus, Ane Labaka eta Igor Elortza izango dira kantuan maiatzaren 9an, Amasa-Villabonako Gurea aretoan, 22:30ean.
Euskal Herria Zuzenean jaialdiak 20. edizinoko kartela aurkeztu dau
2015-04-28 11:28 Musikea
Lekorneko Garroa gazteluak garagarrilaren 3tik 5era eskainiko dauen egitarauaren aurkezpena izan zan atzo Baionan. Deluxe, Skip & Die, The Coup, Anestesia, Joseba B. Lenoir Gang eta Massilia Sound System taldeek joko dabe EHZ jaialdian, besteak beste. Antzerkia, jantzea, berbaldiak, bertsolariak eta umeentzako jarduerak be atondu ditue. Sarrerak salgai dagoz daborduko.
Jose Enrike Urrutia Capeauk 'Jururú' liburua argitaratu dau
2015-04-27 13:50 Kulturea
Hogeita hiru ipuinek osotzen dabe Jose Enrike Urrutia Capeau iurretarrak kaleratu barri dauen Jururú (Pamiela) beharra. Jururu da espainolek Kuban zapaldu eben lehenengo lekua. Narrazino bilduma honetan gaur egungo Jururuko bizilagunekaz bat egin dau egileak, eta euren gorabeherak batu ditu.
Joanes Illarregi Nafarroan eta Iñigo Ibañez Gipuzkoan jaun eta jaube Eskolarteko Bertsolari Txapelketan
2015-04-27 10:55 Bertsolaritzea
Nafarroako Eskolarteko Bertsolari Txapelketearen 29. edizinoan, Joanes Illarregi izan da lehen aldiz txapelduna. Maddalen Lopez lesakarra, barriz, bigarren sailkatu da.
Bestetik, Iñigo Ibañez azpeitiarrak irabazi dau bart Irunen jokatutako Gipuzkoako Eskolarteko Bertsolari Txapelketako finala. Bigarren sailkatua, barriz, Paul Iruretagoiena ataundarra izan da.
IkerGazte kongresuan 170 ikertzailek parte hartuko dabe
2015-04-24 16:22 kulturbiz
Udako Euskal Unibersidadeak (UEU) IkerGazte: Nazinoarteko ikerketea euskeraz kongresua antolatu dau. Proiektu honen helburua ikertzaile euskaldunen ikusgarritasuna areagotu, euren arteko ezagutzea sustatu eta euskerazko zientzia produkzinoa areagotzea da. Dagoeneko 170 ikertzailek Durangon batzeko asmoa dabe, datorren maiatzaren 13, 14 eta 15ean.
'Auzo-ikastolen proiektua eta haren garapena (1919-1938)' beharra argitaratu dau Bizkaiko Foru Aldundiak
2015-04-24 15:42 kulturbiz
Maite Paliza Monduate historialariak idatzi dau Auzo-ikastolen proiektua eta haren garapena (1919-1938) liburua. Liburuan auzo-ikastolak sortu aurreko irakaskuntzearen egoerearen nondik norakoak azaldu ditu. Ikastetxe barriak sortzeko prozesua zehatz azaldu dau, zein arazo egon ziran, funtzionamendua eta abar.
Hezkuntzea, kantagintzea eta bertsolaritzea, Bertsoa Unibersidadean eskolako osogai nagusiak
2015-04-24 15:07 Bertsolaritzea
Bertsoa Unibersidadean eskolea garagarrilaren 6tik 10era egingo da Donostiako Miramar jauregian. Maiatzaren 4tik aurrera izango da matrikuletako aukerea; bagiletik aurrera, barriz, % 20 gehiago ordaindu beharko da matrikulea.
Martin eta Xabier Etxeberria anaiek 'Gizon gogorraren sekretua' nobelea argitaratu dabe
2015-04-24 12:50 Kulturea
Etxeberria anaiek alkarregaz idatzitako laugarren nobelea da Gizon gogorraren sekretua (Elkar). Tolosako aratuste sasoian girotu dabe nobela baltza, biltegi baten belarri eta zakil barik agertutako gizon urkatu baten hilketearen inguruan, hain zuzen be.
Aspaldixe nekatu nintzen \"idazle\" izatea oso cool eta fularroidea delako idazten dutelako itxura ematen duten erasmus belaunaldikoez.
Erantzuna | Katixa Agirre: 'Biolentzia edonon dago. Ez gaituela ikutuko pentsetea inozoa da'