Erronk@rterri lehiaketea martxan da, gazteak euskerara eta teknologia barrietara hurreratzeko
2015-10-20 10:20
Enkarterriko Mankomunidadeak eta Balmasedako Udaleko Euskera Sailak antolatzen dabe urtero Erronk@rterri, aurten hirugarrenez. Ginkana erako lehiaketa horretan, eskualdeko gazteek parte hartu leikee. Sare sozialen eta interneteko aplikazinoen bidezko probak egin behar ditue lehiakideek, euskeraz. Holan, teknologia barrien munduan gazteak euskeraz berba egitera animau nahi ditue.
Euskal Zinema Dokumentalaren Astea egingo dabe Gasteizen, urriaren 26tik 30era
2015-10-19 17:19 Barriak
Euskal egileen dokumentalak izango dira jaialdiko protagonistak. Guztira, bost film proiektauko ditue, Vital Kutxa Fundazinoaren Aretoan, eta mahai-ingurua egingo dabe emonaldi bakotxaren ostean. Gasteizko Euskal Zinemaren Astearen barruko atal moduan hasi zan ziklo hau, baina aurten leku handiagoa egin nahi deutsie dokumentalen arloari.
Munduari bueltea emon eutson Nao Victoriaren erreplikeak Ondarroa bisitauko dau urriaren 21etik 26ra bitartean
2015-10-19 15:48
Ondarroako Historia Zaleak (OHZ) alkarteari esker ezagutu da Sevillako Artxibo Historiko Probintzialean (protokolo notarialen atalean) dagoan dokumentu bat. Agiri horretan agertzen da Apallua zala barkuaren jaubea, eta segurutik Ondarroan eregi ebela. Agiri horrek Ondarroa historia unibersalaren parte bihurtzen dau.
Walter Benjaminen testuak euskerara itzuli eta antologia bitan argitaratu ditue
2015-10-19 14:26 Kulturea
Sans Soleil irabazi asmo bako argitaletxea arduratu da Walter Benjaminen lanaren euskerazko itzulpena argitaratzeaz. Txinpartak bildumearen barruan, antologia bitan kaleratu ditu Sans Soleilek Benjaminen idatziak. Liburuetako bat Literatura oharrak izenburuagaz plazaratu dabe eta, bestea, Denbora, historia eta artearen inguruko testuak da. Holan, 20. mendeko pentsalari handienetako baten artikuluak euskeraz irakurri ahal izango dira.
Nerbioi-Ibaizabal bailarako herri ondarea herritarren artean zabaltzeko ekimenak aurkeztu ditue
2015-10-19 13:57 kulturbiz
Nerbioi Ibaizabal Bailaran, martxan jarritako Zuztarretatik ahora egitasmoari jarraipena emon guran, bederatzi herritan (Arakaldo, Arrankudiaga, Arrigorriaga, Basauri, Etxebarri, Galdakao, Orozko, Ugao-Miraballes eta Zaratamon) dagozan ibilbideak erakusteko bideo barri bi aurkeztu ditu Labayru Fundazinoak: Antxinaren arnasa: Ibarra, Zaloa, Urigoiti (Orozko) eta Mape errekea, Txarapiolatik Ganpera (Busturia).
Eguraldi txarrari aurre eginda, Chamlang tontorrera heldu dira WOPeak espedizinokoak
2015-10-19 13:07
Nepal aldean dabilz Alberto Iñurrategi, Juan Vallejo eta Mikel Zabalza, Chamlang 2015 espedizinoan, WOPeak proiektuaren barruan. Chamlang (7.319 m) mendiko tontorrera heldu dira, baina eguraldiak ez dau askorik lagundu eta berehala beherantz egin behar izan dabe. Vivac eran pasau beharko dabe gaua, 6.600 metroan.
Mundu guztiko landara apaingarriak Leioako kanpusean egongo dira, urriaren 24an eta 25ean
2015-10-19 11:05
Leioan EHUk daukan kanpusean dago Arboretuma, munduko landarediari eskainitako gunea. Hantxe egingo dabe asteburuan, lehenengo aldiz, Bost Kontinenteetako Landaren Azokea. 26 produktorek parte hartuko dabe eta planetako txoko urrunetatik ekarritako landare eta lora apaingarriak erakutsiko ditue. Bisitariek bertoko produktuak jateko aukerea be eukiko dabe.
'Daemonium' eta 'Low Life', Bilbao Web Fest sarietako websail arrakastatsuenak
2015-10-19 10:18
Guztira 33 sari emon ditu Bilbao Web Festen lehenengo edizinoak, 22 sail ofizialean eta besteak Amets atalean. Internet bidez zabaltzen diran websailen jaialdi horretako lehenengo edizinoko palmaresean artista eta obra ugari sartu dira baina, sari nagusiei begiratuta, Argentinako Daemonium eta Australiako Low Life izan dira nabarmenenak. Antolatzaileak pozik geratu dira lehenengo edizinoagaz, Bilbo munduko websailen zirkuituan sartu dabelako.
Baztan Ikastoleak dana prest dauka domekan Nafarroako Ikastolen egun handia ospatzeko
2015-10-16 15:33 Euskerea berbagai
32 urte geroago, urriaren 18an, Elizondora itzuliko da Nafarroa Oinez eta aurten Baztan Ikastoleak izan dau jaia antolatzeko ardurea. Hamabortz, ama bat lemapean, 5’8 kilometroko ibilbidea izango da aurten eta Lekarozetik, Elizondotik eta Elbetetik pasauko da.
Hiztegi Juridiko-Parlamentarioa egingo dauen lantaldea eratu da
2015-10-16 13:02 Euskerea berbagai
Hiztegi Juridiko-Parlamentarioa egingo dauen lantaldea eratu da Eusko Legebiltzarrean. Taldeak parlamentu-lexikoa bateratzea dau helburu, ondoren Hiztegi Juridiko-Parlamentarioa osotu ahal izateko. Hiztegi horretan zuzenbide parlamentarioaren alorrean erabilten diran terminoak jasoko dira.
Hansel Cereza sortzaileari eskatu deutsie Donostia 2016ren inaugurazinoko ikuskizun nagusia sortzeko
2015-10-16 12:10 Kulturea
Donostia 2016 Fundazinoak Hansel Cereza artisteari eskatu deutso urtarrilaren 23an ospatuko dan inaugurazino ekitaldiko ikuskizun nagusia sortzeko. Urtarrilaren 18tik 24ra bitartean izango da inaugurazino astea, eta ekitaldien artean San Sebastian egunak be tokia izango dau.
Eskultura hiperrealistak Bilboko Arte Ederren Museora helduko dira 2016ko udan, BBK/Museoa programeari esker
2015-10-16 11:13 Kulturea
BBK erakundeagaz hitzarmena barritu dau Bilboko Arte Ederren Museoak eta, holan, BBK/Museoa programeak aurrera segidu ahal izango dau. Akordio horrien barruan, eskultura hiperrealisteari buruzko erakusketa handi baten Europako lehenengo geldialdia Bilbo izango da. Udan izango da hori. Aurretik, Errenazimendu sasoiko Morales margolariaren ganeko erakusketea egongo da Arte Ederren Museoan.
Arthitz topaketeak artea, literaturea, musikea eta jantzea batuko ditu zapatuan Arantzazun
2015-10-16 10:41
Euskal Herriko Unibersidadeko (EHU) Mikel Laboa Katedreak, Ur Mara Museoak eta Arantzazu Gaur Fundazinoak arte, literatura, musika eta jantza topaketea antolatu dabe Arantzazuko Gandiaga Topagunean zapatuan, urriaren 17an, Arthitz izenburupean. Jarduerearen hizkuntzea euskerea izango da eta sarrerea librea, jesarleku guztiak bete arte.
Galdakaoko Andra Mari jantza taldeak musika eskaintza zabalagaz ospatuko dau 60. urteurrena
2015-10-16 10:17 Kulturea
Sei hamarkadako ibilbidea bete dau Andra Mari jantza taldeak eta musikeagaz ospatuko dau efemeridea. Urriaren 30 eta 31n, Musika Bizian jaialdia antolatuko dabe herrian eta, zemendian be, kontzertu ugari egongo dira, Benito Lertxundi tartean. Jantza jaialdia be ez da faltauko, zemendiaren 21ean. Kale-animazinoa eta jarduera edegiak be zenbatgura eratuko ditue, 60. urteurrena galdakoztar guztiek disfrutau daien.
'Belatxa' izeneko diskoa plazaratu dau Jean Mixel Bedaxagarrek
2015-10-15 18:41 Musikea
Urdinarbeko kantariak zuberotar tradizinoaren arrastoei eutsi deutse disko barrian be, kantutegiaren bitartez, sustraiagaz lotzen gaituen katebegiak argitzeko eta transmitiduteko ahalegin bikaina eginez. Mixel Etxekopar zuberotar sortzailearen laguntzaz, kantuen bitartez kontakizun ederra lortu dau Jean Mixelek, naturearen usainak eta kanturako doeak borborka eta eskuzabal eskaintzen ditualarik.
EHUko ikasleek master amaierako lanak eta doktorego tesiak Euskaltzaindian egin ahal izango ditue
2015-10-15 18:12 Euskerea berbagai
EHUk eta Euskaltzaindiak sinatu daben hitzarmenak esparru barri bat zabaldu dau erakunde bien arteko lankidetzan. Hizkuntzalaritza eta Euskal Filologia graduan dabilzan ikasleek aukerea eukiko dabe doktorego tesia edo master amaierako lana Akademiaren egoitzetako baten egiteko. Era horretako ikasleentzat, aproposa izan leiteke Euskaltzaindia ikerketak eta praktikak egiteko.
'Inoiz egin dugun diskorik onena', Ze Esatek taldearen lan barria
2015-10-15 17:15 Musikea
Izenburuak dinoan moduan sekula egin daben diskorik onena ete dan ez dabe erabat argitu Ze Esatek talde gipuzkoarreko kideek, Donostian egindako aurkezpenean. Halandabe, euren ibilbidean pilotutako esperientziak disko biribilagoa egiten lagundu deutse. Gizarte arloko gai asko modu kritikoan aitatzen ditue diskoko hamar abestietan eta musika koloretsuagoa be lortu dabe.
Euskereak ekonomiari ekarpen adierazgarria egiten deutsala dino Eusko Jaurlaritzeak
2015-10-15 15:18 Euskerea berbagai
Euskereak Euskal Autonomia Erkidegoko ekonomian daukan pisua eta eragina neurtu ditu Jaurlaritzeak eta emoitzak batzen dituan txostena jentaurrean aurkeztu dau Patxi Baztarrika sailburuordeak. Askoren aurreretxiek dinoenaren kontra, euskereak badauka pisu nabarmena erkidegoko ekonomian, datuetan jaso danez. Barne Produktu Gordinaren % 4,2 hartzen dau euskereagaz lotutako jarduereak eta 56.000 lanpostu dagoz sektorean.
Zientzialariak eta DBHko ikasleak alkarregaz berbetan Bilbon, Top@dipc topaketan
2015-10-15 14:31
Urriaren 20an Euskal Autonomia Erkidegoko Derrigorrezko Bigarren Hezkuntzako 315 ikasle eta irakaslek goi mailako zientzialari eta ikerlariakaz berba egiteko aukerea eukiko dabe, Top@dipc Zientziarekin Solasean! topaketan. Ekimenaren zazpigarren aldia izango dan hori Bilboko Bizkaia Aretoan egingo da. Donostia International Physics Centerrek antolatzen dau.
Zazpi emonaldi izango dira 25. Bertsoaroan
2015-10-15 14:25 Bertsolaritzea
Urriaren 22an hasi eta zemendiaren 12ra bitartean, berbaldi bat, Hor Konpon Marianton eta Bertsolaritzaren Sekretuak emonaldi bereziak, 2ZIO rap kontzertua eta hiru bertso saio eskainiko dira Iruñean.
Sarrera behar da? Aurretik erosi behar da?
»» 'Erbestez erbeste', bertso saio literarioa