Rioko Joko Olinpikoetara joango diran blogari gazteak martxan
2016-03-22 09:49 Euskaldunak munduan
Uda honetan Rio de Janeiroko Joko Olinpiko nahiz Joko Paralinpikoetan blogari lanak egiteko Gazte Olimpic Team lehiaketan txartela irabazi daben zortzi euskal gazteak hasiak dira motorrak berotu edo ordenagailuaren tekladua astintzen, eta dagoeneko irakurgai dagoz Gazteaukera blogean eurek argitaratutako zenbait lan.
Dee Dee Bridgewater, Hermeto Pascoal eta Jorge Pardo, Getxo Jazz jaialdian izango dira
2016-03-22 09:33 Musikea
Getxoko Nazinoarteko Jazz Jaialdiaren 40. edizinoa udan, garagarrilaren 1etik 5era egingo dabe. Antolatzaileek egitarauaren zati baten barri emon dabe eta izen handi batzuk Getxon izango dirala aurreratu. Dee Dee Bridgewater estadubatuarra, Hermeto Pascoal brasildarra eta Jorge Pardo esapainiarra etorriko dira, Getxoko Kultur Etxeak jakin eragin dauenez.
'Hauts haietatik', Unai Villena elgoibartarraren lehenengo eleberriak argia ikusi dau
2016-03-21 17:30 Kulturea
Urtebete inguru idazten ibili ostean, elgoibartarraren lehenengo eleberria argitaratu dau Elkar argitaletxeak. Lagun biren arteko hartu-emonak aurkezten deuskuz nobelan, Oier eta Ander. 33 urte ditu Anderrek, eta bizitza ezegonkortzen deutson koktela: drogen menpekotasuna eta eskizofrenia; Oier lagun idazlearen laguntzaz kontauko deusku bere bizitzea, gaixotasun mentalen aurrean daukagun jarrerearen salaketeagaz batera.
Arriaga antzokiaren eraikineko hainbat elementu barrituko ditue
2016-03-21 16:33 Kulturea
Eskulturak, balkoiak eta beste apaingarri batzuk zaharbarrituko dituala iragarri dau Bilboko Arriaga antzokiak, denporeak hondatu egin ditu eta. Eraikinaren konserbazinoa egokia dan arren, elementu batzuk konpondu egin behar dira eta, horregaitik, balio handiko ondarea gordeteko ezinbestekoa da lan hori.
Arabako 16 bertsolari eta entzulea epaile 'Oholtzapetik' egitasmoan
2016-03-21 14:41 Bertsolaritzea
Arabako Bertsozale Alkarteak apirilaren 8an, Ozatean hasiko dan egitasmo barria dakar, Oholtzapetik, hain zuzen. Lau saiotan banatuta Arabako 16 bertsolari lehiatu eta 4 sailkatuko dira Legutioko finalerako; entzulea izango da epaile oholtzapetik. Finalean ez da irabazlerik egongo.
EH11kolorek hezkuntza komunidadeari omenaldia egin gura deutso, Arrazakeriaren Kontrako Nazioarteko Egunean
2016-03-21 13:27
EH11kolorek Euskal Herriko hezkuntza komunidadeari omenaldia egin gura deutso, irakasle, ikasle, guraso, sindikatu eta instituzinoei, Arrazakeriaren Kontrako Nazioarteko Egunean, hezkuntza unibersala, barne hartzailea, bardintasunean oinarriturikoa eta kalidadezkoaren alde eginiko esfortzu eta burrukarengaitik, ikasleen jatorri, maila kultural nahiz sozio ekonomikoaz harago.
'Hutsartea' poema liburua aurkeztu dau Aritz Mutiozabalek
2016-03-21 12:47 Kulturea
Aritz Mutiozabalek oraintsu aurkeztu dau Hutsartea poema liburua Baionan, Maiatz argitaletxearen eskutik. Poesiak badauka nigan holako menpekotasun bat, barruak hustutzeko balio deustana, edo zer kontatua dodanean beregana jotera eroaten nauena. Eta apurka-apurka poema solteak idazten hasi nintzan, eta gauza bat zala eta bestea zala, koadernoan dezente pilatu jatazala konturatu nintzan. Hutsartea ez zan horren hutsa izan, beraz.
'Bere bizitzetako bat' film laburrak irabazi dau IX. Huhezinemako sari nagusia
2016-03-21 11:28 Zinemea
Bere Bizitzetako Bat laburra zuzendu dauen Aitor Gametxo lekeitiarrarentzat izan da IX. Huhezinemako sari nagusia, Goiena saria, hain zuzen be. Zuzendariaren izenean, arrebeak jaso dau saria Oihane Agirre Goiena Komunikazino Taldeko telebista zuzendariaren eskutik.
Pablo González de Langarika poeta bilbotarra hil da
2016-03-21 10:28 Kulturea
Gaur, hilak 21, Poesiaren Nazinoarteko Egunean, Bizkaiko Alkarte Artistikoak bere ibilbidearen 70. urteurrenea gogoratzeko eta poeta bilbotarraren omenez, ekitaldi berezia antolatu dau, poesia errezitaldi ibiltaria, hain zuzen be. Hamazazpi euskal poeten olerkiak, tartean, Pablo Gonzalez Langarikarenak, errezitauko ditue Manoli López, Pablo Cabañas eta Loly Rubiok. Hitzordua: Leioako Kultur Etxean, 19:30ean.
Jone Uria txapeldun Uribe Kostan
2016-03-21 09:39 Bertsolaritzea
Plentzian jokatutako azken hiru finalaurreetan ondoko bertsolariek kantau dabe: Josu Landeta, Peru Vidal, Unai Mendiburu, Miren Loizaga, Inazio Vidal, Jone Uria, Beñat Vidal, Peru de Pedro, Aitzol de Castro, Imanol Uria, Itxaso Paia eta Ekaitz Larrazabal Katxo.
Leitzara joan da Bardoetako hirugarren edizinoa
2016-03-21 09:20 Bertsolaritzea
Hasi zan moduan, jai giroan amaitu da Bardoak Nafarroako taldekako ekimenaren hirugarren edizinoa. Hiru talde izan dira oholtza ganean, Iruñeko Obario Maldikoak, Leitzako Atekaberts eta Berako Larungo Antenak. Etxarriko frontoian 270 entzuleren aurrean egin da finala eta azkenean leitzarrek eroan dabe Bardoen azken saioa.
Hego Uribek irabazi dau Bertsolari Gazteen BBK Txapelketea
2016-03-21 09:16 Bertsolaritzea
Bilbon jokatutako finalean, Hego Uribek 404 puntu lortu ditu eta beste finalisteak, Busturialdeak, 393. Hortaz, Hego Uribeko seikoteak jantzi dau Bertsolari Gazteen BBK Sariketako txapela. Ganera, Lurdes Ondaro Malleak bizkaiera onenaren saria irabazi dau.
Dana prest Bardoen finalerako
2016-03-18 14:41 Bertsolaritzea
Zapatuan, martiaren 19an, jokatuko da Etxarri Aranatzen Bardoen hirugarren edizinoko finala. Saioa arratsaldeko 17:00etan hasiko da herriko frontoian eta hiru dira oholtzara igoko diran taldeak: Iruñeko Obario Maldikoak, Berako Larungo antenak eta Leitzako Atekaberts.
Jokin Zaitegi saria antolatu dabe, urte biko etenaren ostean
2016-03-18 13:06 Kulturea
AED alkarteak eta Elkar argitaletxeak antolatzen dabe urtero itzulpengintza arloko sariketea, Literaturako Nobel Saria irabazi daben autoreen lanak euskeratzeko asmoz. Diru nahikorik ezean, bertan behera geratu ziran 2014 eta 2015eko edizinoak, baina aurten barriro martxan da Jokin Zaitegiren omenezko lehiaketea. Svetlana Aleksievitxen liburu bat itzuli beharko dabe parte-hartzaileek.
Google Researchek Eneko Agirre irakaslea saritu dau
2016-03-18 12:54 Kulturea
Eneko Agirre EHUko Informatika Fakultadeko Lengoaia eta Sistema Informatikoak Saileko irakasleak 50.000 dolar jasoko ditu Learning Interlingual Representations of Words and Concepts ikerketarako, berben eta on-line kontzeptuen hizkuntza arteko esanahia aztertzeko.
Jalgi kulturearen plaza ibiltaria Aiaraldean abiatuko da
2016-03-18 11:43 jardunaldiak
Jalgi Egunaren lehen edizinoa Bizkaia eta Arabako 9 udalerrik osotzen daben Aiaraldea eskualdean izango da, maiatzaren 28an; edozelan be, maiatzaren 23tik 29ra, hain zuzen be, makinatxu bat jarduera izango dira. Astebetez Laudio, Amurrio, Urduña, Aiara, Orozko, Artziniega, Okondo, Arrankudiaga-Zollo eta Arakaldo bihurtuko dira euskal kulturearen plaza.
Bertsolari Gazteen BBK Txapelketako finala jokatuko dabe gaur Hego Uribek eta Busturialdeak
2016-03-18 10:52 Bertsolaritzea
Zezeilaren 17an hasi zan, Igorren, Bizkaiko Bertsolari Gazteen BBK Txapelketearen 24. edizinoa. Gaur, martiak 18, finala jokatuko da Bilbon, arratsaldeko 19:00etan. Zortzi eskualdek parte hartu dabe aurten eta, bina kanporaketa irabazita, Hego Uribeko eta Busturialdeko seikoteak lehiatuko dira azken saioan.
Durangoko bonbardaketearen 79. urteurrena da gaur
2016-03-18 10:06 Kulturea
Gerediaga Alkarteak eta Durangoko Udalak gaur, martiaren 31n beteten dan Durangoko Bonbardaketearen 79. urteurrenaren harira, egitarau zabala antolatu dabe.
Ikusle kopuruan gora egin dau Zinegoak jaialdiak aurtengo edizinoan
2016-03-18 09:25 Barriak
Antolatzaileek azaldu dabenez, ia 10.000 ikus-entzule batu zituan LGTB gaietako Bilboko zinemaldiak, Zinegoak-ek. Zinema-aretoetan, igaz baino % 15 ikusle gehiago egon dira aurten eta ekintza osogarriek be sekula baino oihartzun handiagoa euki dabe. Sexu aniztasunaren gaian, Bilbo erreferenteen artean dagola dinoe Zinegoakeko arduradunek.
'Louise Bourgeois. Izatearen egiturak: Gelak' erakusketea martiaren 18tik irailaren 4ra Bilbon ikusgai
2016-03-17 14:14 Kulturea
Bilboko Guggenheim Museoagaz lankidetzan Municheko Haus der Kunstek antolatutako erakusketa honetan, ikusleek barruko eta kanpoko munduak bereizten dituen eta, kasu bakotxean, mikrokosmos berezi bat irudikatzen daben emozinoz betetako 28 gune arkitektoniko ezagutu eta esperimentau ahal izango ditue.
Sarrera behar da? Aurretik erosi behar da?
»» 'Erbestez erbeste', bertso saio literarioa