I. Cinnovast jaialdiak unibersidadeko ikasleek zineman konfiantzea berreskuratzea izango dau helburu

| Ikusi handiago | Argazki originala

Gaur, zezeilak 17, 12:00etan, UPV/EHUko Zientzia eta Teknologia Fakultadeko paraninfoan (Sarriena, auzoa, z/g. Leioa) Cinnovast zinema jaialdiaren I. edizinoa hasiko da. Astean zehar filma klasikoak proiektau eta bi mahai-inguru egingo ditue zinemeari omenaldia egiteko eta unibersidadeko ikasleek zineman kondiantzea berreskuratu deien. Gizarte eta Komunikazino Zientzien Fakultadeko ikasleek antolatu dabe jaialdia, Bizkaiko Campuseko Kulturbasque programa kulturalaren laguntzinoagaz.

Barikura bitartean, hilak 21, El gran Lebowsky (1998), Cowboy de Medianoche (1969), Ciudadano Kane (1941) eta Alien (1979) filmak proiektatuko ditue. Bestalde, martitzenean eta eguenean bi mahai-inguru egingo ditue, Quo Vadis Cine? eta Una experiencia de cine izenburupean. Bietan, zinemearen nondik norakoak eta zuzendarien esperientziaz berba egingo dabe. Quo Vadis Cine? mahai-inguruan, zuzendari eta irakasle Jorge Barrio Uribarrik, aktore Samuel Gibert, film-banatzaile Juan Carlos Vinuesak, eta UPV/EHUko zinema irakasle Casilda de Miguelek parte hartuko dabe. Bigarren mahai-ingurura, barriz, Una experiencia de cine izenburukora, zuzendari eta gidoilari Pedro Rivero, Toni Abad eta Hartiz Zubillaga joango dira.

Bestalde, eguaztenean, zezeilaren 19an, 11:30ean Gizarte eta Komunikazino Zientzien Fakultadeko auditoriumean, film laburrik onenari saria emongo deutsie, jaialdiaren atariko lez antolatutako lehiaketan. Samuel Gibert, Jorge Barrio Uribarri eta Asier Guerricaechebarría dira epaimahaikideak.


I. Cinnovast zinema jaialdiaren egitarau osoa ikusteko klik egin hemen.