Ben Affleckek zuzendutako 'Argo' Oscar sarietako irabazle

| Ikusi handiago | Argazki originala

Argo Ben Affleckek zuzendutako lanak irabazi dau pelikula onenaren Oscar saria, eta beste hiru sari be jaso ditu. Ang Leeren Life of Pi-k lau sari lortu ditu, tartean zuzendari onenari Oscar saria. Michael Haneke austriarraren Amour beharrarentzat izan da ingelesezkoa ez dan film onenaren saria.

Steven Spielbergen Lincoln pelikuleak Oscar sarietarako 12 hautagaitza zituan, baina bi besterik ez ditu lortu. Abraham Lincoln AEBetako presidentearen rola jokatzen dauen Daniel Day-Lewis aktore britainiarrak gizonezko aktore onenari saria irabazi dau, bere ibilbideko hirugarrena, hain zuzen be.

Emakumezko aktore onena Jennifer Lawrence 22 urteko aktore gaztea izan da, Silver Linings Playbook-en egindako lanagaitik. Antzeztaldeko aktore onenen arloan, emakumezko aktore onenari saria Anne Hathawayk jaso dau, Les Miserables-gaitik; eta, gizonezkoen artean, barriz, Christoph Waltz izan da irabazlea, Quentin Tarantinok zuzendutako Django Unchained pelikulan egindako beharragaitik.

Skyfall pelikuleak abesti onenaren Oscar saria jaso dau, eta izen bereko abestia abestu eban Adelek Oscarren galan, ganera.

Oscar sari guztiak ikusi gura izan ezkero, hemen.