Calin Peter Netzerren 'Pozitia Copilului' pelikuleak irabazi dau Berlinaleko Urrezko Hartza

| Ikusi handiago | Argazki originala

Calin Peter Netzerren Pozitia Copilului (Chid's Pose) pelikuleak irabazi dau 63. Berlinale jaialdiko Urrezko Hartza. Paulina Garcia txiletarrak irabazi dau Zilarrezko Hartza emakumezko aktore onenari, Gloria pelikuleagaitik; eta, gizonezko aktore onena Nazif Mujic bosniarra izan da, Epizoda u zivotuberaca zeljeza (An Episode in the Life of an Iron Picker) lanari esker.

Pozitia Copilului pelikuleak semea nahi barik hilten dauen Errumaniako aberats klaseko ama manipulatzaile baten istorioa kontetan dau. Luminitja Gheorghiu aktore errumaniarra da protagonistea. Netzerren pelikuleak Urrezko Hartza izan eban sari garrantzitsu bakarra, eta Sebastian Leiloren Gloria-k be Paulina Garciarena izan eban aitagarriena.

Epizoda u zivotuberaca zeljeza Danis Tanovic bosniarraren lanal sari bi jaso ditu: epaimahaiaren saria eta gizonezko aktore onena (Nazif Mujic). Ez da aktore profesionala, halanda be bera izan da onena Wong Kar Wai buru dauen epaimahaiaren arabera. Mujic berari eta emazteari jazotakoa kontetan dau pelikuleak: andrea umedun egoala, gaixotu eta ospitalera eroan eben, batera eta bestera, baina baten be ez eutsien sartzen itxi, ez euken-eta mediku aseguruirik ez dirurik.

David Gordon Green estatubatuarrarentzat izan da zuzendari onenari saria, Prince Avalanche filmeagaitik.