120.000 euro Europako eta Iberoamerikako zinemea gurean zabaltzeko

| Ikusi handiago | Argazki originala

Zineuskadi alkarteak Europar Batasuneko eta Iberoamerikako filmen kopiak euskal zinema-aretoetan erakusteko diru-laguntzen deialdia edegi dau. Danetara, 120.000 euro banatuko ditu Eusko Jaurlaritzako Kultura Sailak eta EPE-APV eta IBAIA ikus-entzunezkoen produktore taldeak osotutako alkarteak.

Zineuskadiren helburua herritarrei europar zinemea jatorrizko bersinoan eta euskeraz esjaintzea da. Zineuskadi ekimenak zinema-aretoentzako laguntzak, euskal zinemearen sustapena eta Zinema Euskeraz programea eta Media Antena Euskal Herria bulegoak koordinetan ditu.

Europar Batasuneko eta Iberoamerikako pelikulak aretoetan proiektetako laguntzinoa 120.000 eurokoak izango dala jakinarazo dabe Zineuskadiko iturriek. Diru horretatik, 100.000 euro hiru pantaila dituen aretoei zuzenduko jake, eta ganerako 20.000 euroak hiru pantaila baino gehiagoko aretoentzat izango dira. Zinema-areto bakotxak asko jota 10.000 euro jasoko ditu.

Laguntasunak eskuratzeko, aretoek gitxienez sei hile egon behar dabe zabalik, eta lehiatila eta diru-sarreren sistemaren bat euki behar dabe. Horrezaz gan, Espainiako Kultura Ministerioko Zinematografia eta Ikus-Entzunezko Arteen Institutuko zinema eta ikus-entzunezkoen enpresen erregistro administratiboan agiri behar dira.

Pelikulek jatorri herrian esreinatu ziranetik urte bira gehienez ailegau behar dira EAEko aretoetara. Europako film lez hartuko dira batez be Media programako kide diran estaduetako konpoaniek produzidutako beharrak; Iberomerikako pelikulatzat joko dira, ostera, iberomerikar estaduetan egoitzea daben enpresek sortutako lanak.

Deialdiaren ganeko argibideak Zineuskadiren webgunean batu ditue, www.zineuskadi.eu gunean. Eskaerak zemendiaren 3ra arte aurketu daitekez.