Kolonbia eta Mexikoko hizkuntz aniztasunaren erronkak aztertuko ditue BizBAK udako ikastaroetan

| Ikusi handiago | Argazki originala

EHUko Munduko Hizkuntza Ondarearen Unesco Katedreak Hizkuntza aniztasunaren erronkak. Kolonbia eta Mexikoko hizkuntz aberastasunaren adibideak ikastaroa antolatu dau, BizBAK programearen barruan. Egun bitan egingo ditue mintegiak, garagarrilaren 19an eta 20an, Bilbon, EHUren Bizkaia Aretoan.

Kolonbia eta Mexikoko jatorrizko hizkuntzen ganeko adituek parte hartuko dabe ikastaroan, besteak beste, Jon Landaburuk (Linguapax Saria 2012), Javier Lópezek (INALI Mexikoko Hizkuntza Indigenen Institutu Nazionaleko zuzendaria) eta Andoni Barreña (Salamancako Unibersidadeko irakaslea).

Barikuan,13:00etan, Jon Landaburu hizkuntzalariari omenaldia egingo deutse, eta EHU Munduko Hizkuntza Ondarearen Unesco Katedrako ohorezko kide izentauko dabe. Jon Landaburu Kolonbiako hizkuntzetan aditu handienetakoa da, 40 urtetik gora emon ditu herri indigenen hizkuntza eta kulturen ezagutza eta bizibarritze lanetan. Kolonbiako bertako hizkuntzen aniztasuna babestu eta sustatzeko funtsezko personea da.

Gaur egun munduan 6.000 bat hizkuntza dagoz, adituen ikerketen arabera. Hizkuntzotako asko desagertzeko arriskuan dagoz, mend ehonetan erdia baino gehiago galduko dirala dinoe hizkuntzalariek. Kolonbia eta Mexiko hizkuntza aniztasun horren adierazgarri dira. BizBAKen herrialde bietako hizkuntzen egoerea eta bertako hizkuntza erkidegoak zelango bizibarritze ekimen ipini dituen martxan aztertuko ditue.

Hizkuntza aniztasunaren erronkak. Kolonbia eta Mexikoko hizkuntz aberastasunaren adibideak ikastaroaren egitaraua:

Garagarrilak 19, eguena

- 9:30ean, Kolonbiako hizkuntza aniztasuna; deskribapena, Jon Landaburu Illarramendi (CNRS eta Kolonbiako Los Andes Unibersidadeko irakasle erretiratua)

- 10:30ean, Diversidad Cultural y Lingüística de México. Los enfoques del Multilingüismo y la Interculturalidad, Javier López Sánchez (INALI Mexikoko Hizkuntza Indigenen Institutu Nazionala)

- 12:00etan, Latinoamerikako zenbait hizkuntza erkidegoren bizibarritze ahaleginak, Andoni Barreña (Salamancako Unibersidadea)

-15:30ean, mahaingurua: Zer erakutsi leike Amerikako hizkuntza aniztasunak gure aniztasuna hobeto kudeatzeko? Parte-hartzaileak: Jon Landaburu, Javier López, Andoni Barreña, Itziar Idiazabal (EHUko Munduko Hizkuntza Ondarearen Unesco Katedrako zuzendaria)

Garagarrilak 20, barikua

- 9:30ean, Kolonbiako hizkuntza aniztasuna bizibarritzearen ikusmira azken 40 urtetan, Jon Landaburu

- 10:30ean, Las Políticas Públicas en materia de Lenguas Indígenas, Javier López.

- 12:00etan, Hizkuntza politika eta hizkuntza aniztasunaren babesa, Lourdes Auzmendi (Eusko Jaurlaritzako Hizkuntza Politikarako Sailburuordea)

- 13:00etan, Jon Landabururi omenaldia eta Unesco Katedrako ohorezko kide izentatzea.