Kimuak 2012 katalogoak zazpi film labur banatuko ditu

Zazpi pelikula banatuko ditue aurten Kimuak zigilupean: Mikel Ruedaren Agua!, Isabel Hergueraren Bajo la almohada, Ander Mendiaren Beerbug, Jesús M. Palaciosen Casa vacía, Koldo Almandozen Deus et machina, Paul Urkijoren Los monstruos no existen eta Martín Roseteren Voice over. Danetara, 66 lan jaso ditue katalogoko arduradunek.

Kimuak 2012 Donostiako Zinemaldian aurkeztuko dabe, irailaren 21eatik 29ra bitartean.

Aurtengo epaimahaiko kideak Maialen Beloki (Donostiako Zinemaldiko Hautespen-batzordeko kidea eta Zinemira, Made in Spain eta Zinema Ikasleen Nazinoarteko Topaketa atalen arduraduna), Josemi Beltrán (Donostia Kulturako zinema arduraduna), Pilar García Elegido (Madrilgo Erkidegoaren Ikus-entzunezko ataleko arduraduna), Edurne Ormazabal (EITB.com-eko zuzendaria) eta Ángel Sala (Sitges Catalunyako Nazinoarteko Zinemaldiaren zuzendaria) izan dira. Aurkeztutako film laburren kalidadea azpimarratu dabe epaimahaikoek; ez ei da erreza izan aukereketea egitea.

Araba, Bizkaia eta Gipuzkoako zuzendariek hartu dabe parte, eta hizkuntza zein genero anitzak erabili ditue, Euskadiko Filmategiak jakinaraz dauenez.

Mikel Ruedaren Agua! lanak ura eta nerabe biren bizitza kontrajarriak lotzen ditu. Isabel Herguerak hirugarrenez hartuko dau parte Kimuaken Bajo la almohada pelikuleagaz. Indiako Goa uriko ospitale batean GIB dauken umeek egindako marrrazkiak ditu abiapuntu donostiarraren lanak. Ander Mendiak zuzendutako Beerbug animazinozko beharrak izkai berezi batzuen gorabehera kontetan dau. Jesús M. Palaciosen lehenengo film laburra da Casa vacía, Jorge Oteiza eta Nestor Basterretxea artistak bizi izandako etxebizitzearen ganeko dokumentala.

Deus et Machina, Koldo Almandozen lana, apokalipsiari buruzko hausnarketa poetikoa da. Zazpi bider izan da Almandoz Kimuak katalogoan. Paul Urkijoren Los monstruos no existen metraje laburreko filmak Gazte Epaimahaiaren Saria irabazi eban Donostiako Giza Eskubideen Zinemaldian. Kanbodian filmau eban. Martín Roseteren Voice Over muturreko hiru egoera azaltzen ditu.