Nontzefilmak lehiaketako lan onenak maiatzaren 5ean proiektauko ditue Bilboko Fant jaialdian

| Ikusi handiago | Argazki originala

Nontzefilmak film laburren lehiaketearen sari banaketea eta lanen proiekzinoa zapatuan egingo dabe, maiatzaren 5ean. Ekitaldia Bilboko Alondigako Golem zinema-aretoan egingo dabe, 19:30ean, Fant Bilboko Zinema Fantastikoaren Jaialdiaren barruan.

Zinemeari jagokon atalean, ondoko lanak emongo ditue, lehiaketearen antolatzaileek jakinarazo dabenez: 1st Prize (Ivan Torres Garcia, Espainia); Bucle (Aritz Moreno, Euskal Herria); Con cara de gilipollas (Daniel Diosdado, Espainia); Ekaitza (Alberto Gastesi, Euskal Herria); Intruso (Jose Ramon Frias, Espainia); La Soledad de la luna (Javier Marco, Espainia); Mask (Fayaz Bahram, Iran); Moldatu (Asier Urbieta, Euskal Herria); Sagarra (Iñigo Lopez, Euskal Herria); The Clones (Ibai R. Bretos, Euskal Herria); Un día de golf (David Muñoz, Espainia) eta Vinagre y bombones" (Jesus Plaza, Euskal Herria).

Animazinoaren sailean, honeek eskainiko ditue: A Paedophile (Nacho Rodríguez, Espainia); A Primeira vez que descobri para que servia o meu rabo! (Bruno Silva, Portugal); Apple Pie (Pablo Polledri, Argentina); Batallitas del abuelo (Néstor F., Espainia); Coda (Juan Lesta eta Belén Montero, Espainia); Debekatuta (Aingeru Gorrotxategi, Euskal Herria); Tarantela (Unai Rosende eta Aitor García, Euskal Herria); Tercer Torneo (Jordi Porras, Esther Bernal, Héctor Sánchez eta David Muñoz, Espainia); Ülfur (Hector Zafra Matos, Espainia) eta Ur jauzi (Imanol Garaizabal, Euskal Herria). Lanon proiekzinoak, danetara, ordubete inguru iraungo dau.

Nontzeberriatari kulturalak urtero antolatzen dau Nontzefilmak lehiaketea, Fant jaialdiaren laguntzinoagaz. Aurten, ganera, Nontzeberrik hamar urte bete ditu. Gunearen arduradunek adierazo dabenez, biziteko modu kultural bat eskaintzen dabe, informazinoa, interaktibidadea eta sorkuntzearen aldeko planteamendu zehatzak bultzatuz. Euskera hutsez lan egiten dau Nontzeberrik, euskerearen prestigioa munduan be zabaldu daiten, eta beste hizkuntza askoren mailan kokatzeko.