Danimarkako 'Afvist' lanak irabazi dau Getxoko Zubiak Film Laburren I. Lehiaketea

| Ikusi handiago | Argazki originala

Danimarkako Afvist-Denied filma izan da Getxoko Udalak (Bizkaia) antolaturiko Zubiak Aniztasunaren aldeko eta Arrazakeriaren kontrako Film Laburren I. Lehiaketearen irabazlea. La Hégira (Espainia) eta Uwe+Uwe (Alemania) filmek bigarren eta hirugarren sariak jaso ditue, hurranez hurran. Arrazakeriaren kontrako tokiko burruka eta kultur artekotasuna, bizikidetza eta errespetua sustatze aldera antolatu dau lehiaketa Getxoko Udalak.

Andres Isasi Musika Eskolan joan dan martiaren 30ean ospatutako amaiera ekitaldian izandako sarien banaketearen ondoren ikusleek saritutako film laburrak ikusteko aukerea izan eben. Elena Coria Getxoko Udaleko Immigrazino Unidadeko zinegotzia oso pozik agertu zan balantzeagaz, Arrazakeriaren kontrako Nazinoarteko Egunaren inguruan antolatutako lehiaketara aurkeztutako 21 film laburren kalidadea ona izan dalako eta gainera publikoari gustau jakozalako.

Lan irabazlean, 2009an babesa eskatzen eben 80 errefuxiatu irakiar Kopenhageko eleiza batetik urtenarazotea ikus daiteke. Amaiera ekitaldira Aage Rais Nordentoft zuzendariak bialdutako mezu batean, saria eskertu ondoren, oso pozik agertu zan bere helburua aitatu hutsitzearen istorioa eta ondorioak zabaltzea izan dalako.

Bestalde, bigarren sariak, Liteo Delirok zuzendutako La Hégira filmak, bi nerabe musulmanen arteko amodio istorioa eta horreetariko batek bizitza hobeagoaren bila joateko alde egiten dauela kontetan dau. Era berean, Lena Libertak zuzendutako Uwe+Uwe hirugarren sarituak kamioilari aleman baten errefuxiatu afrikarren familia bategazko jarrera aldaketea ixten dau agirian, hasieran eurakaitik alde egiten saiatzen dalako eta amaieran onartzen eta eurekaz bizitza antolatzen amaitzen dauelako.

Gainera, Zubiak lehiaketeak bi aitamen berezi emon zituan Maysun Cheick Aliren Mon Amour-Hormen istorioak lanari eta Felipe del Olmo eta Daniel Valledoren Ngutu filmari. Azkenik, herritarrek aukeratutako film laburra Zeelanda Barriko Welby Ingsen Munted izan zan.

Immigrazino esparruko alkarteakaz eta arrazakeriaren kontrako burrukeagaz lotutako personek osotu dabe lehiaketearen epaimahaia, zehatz, Getxoko Etorkinak Plataforma, SOS Racismo Bizkaia, CEAR Euskadi alkartekoek eta zineagaz eta sorkuntzeagaz lotutakoek. Zubiak lehiaketeak munduko toki desbardinetatik heldutako 90 film labur jaso ditu, eta horreetatik 21 ikusi dira lehiaketan.