Dobaneko zine maratoia eskainiko dau Zinema Euskaraz-ek Durangoko Azokan

| Ikusi handiago | Argazki originala

Zinema Euskaraz-ek, Eusko Jaurlaritzako Kultur Saileko euskerazko ikus-entzunezko sustapenerako programeak dobaneko Zine Maratoia eskainiko dau abenduaren 6an. Bertan, azken hileotako zenbait estreinaldi ikusi ahal izango dira euskeraz. Etenik bako proiekzinoa pantaila erraldoiaz hornidutako Irudienea gunean, 50 lagunentzako lekua dauen autobusean izango da, eguerdiko 12:00etatik 20:00etara.

Hurrengo filmak emongo ditue bata bestearen jarraian:

12:00-14:00: Marmaduke (marrazki bizidunak, umeentzako).
14:00-16:00: Percy Jackson (fantastikoa, gazteentzat).
16:00-18:00: Ice Age 3 (marrazki bizidunak, umeentzako).
18:00- 20:00: A-Taldea (akzinoa, gazteentzat).

Umeentzako eskaintzea

- Abenduaren 5ean, 13:30etik 16:00etara, Horton (marrazki bizidunak).
- Abenduaren 8an, 13:30etik 15:30era, Percy Jackson (fantastikoa, gazteentzat).

Beste alde batetik, abenduaren 8an, Haur Literatura Aretoan erakustaldi bat egongo da. Edozelan be, Zinema Euskaraz-eko DVD guztiak ELKAReko stand-ean egongo dira salgai, programearen logoa dauen txokoan. Vickie Bikingoa bertan egongo da Zinema Euskaraz zer dan jakitera hurreratzen diran ume guztiei bere abenturak marrazki bizidunetan kontetan daben DVDak erregaletako. Danetara, 1.000 DVD banatuko ditu doban.

Zinema Euskaraz-en helburu nagusia herritarrei zinema euskeraz ikusteko aukerea erraztea da, euskerazko eskaintza zinematografiko nahikoa bermatzeko eta euskerearen erabilerea eremu kultural eta sozialetan sustatzeko.