Nontzeberrik Nontzefilmak 2012 Zinema eta Animazinoko Film Laburren Lehiaketea abiatu dau

| Ikusi handiago | Argazki originala

Nontzeberri kultura webguneak Nontzefilmak Zinema eta Animazinoko Film Laburren Lehiaketea on-line jarriko dau martxan gaur Bilboko Zinema Fantastikoaren Jaialdiaren (FANT) laguntzaz. Lanak zinemakoak edo animazinokoak izango dira, azken horretan animazino teknika guztiak onartuko diralarik (3D, Flash, stop-motion…). Aurten nobedade moduan, Nontzeberriren hamargarren urteurrena sustatzeko asmoz, bideo lehiaketa berezia abiatuko dabe: Nontzeberrik 10 urte.

Nahi dauenak parte hartu leike lehiaketan, jaioterri eta bizilekua diranak dirala, eta nahi beste lan aurkez daitekez. Parte hartzea dobakoa da.

Gaia librea izango da, baina lan guztiak originalak izan behar dira eta, lehiatzeko, 2011eko urtarrilaren 1etik aurrera egindakoak. Lanak jasoteko epea 2012ko martiaren 8an (13.00 p.m., Bilboko ordua) amaituko da.

Euskeraz edo gaztelaniaz ez diran film laburrei azpitituluak (euskeraz, gaztelaniaz edo ingelesez) jartzeko konbita luzatzen deutsegu egileei, ahalik eta jente gehienak ulertu daian. Gainera, FANTen barruan egiten dan lan sari-banaketan erakutsiko diran lan onenak euskerazko azpitituluak izango ditue.

Lehiaketeak honako sari honeek emongo ditu: Nontzefilmak Saria Zinemako film onenari: 2.000 euro; Zinemako bigarren Saria: 1.500 euro; eta Zinemako hirugarren Saria: 900 euro

Nontzefilmak Saria Animazinoko film onenari: 2.000 euro; Animazinoko bigarren Saria: 1.500 euro; eta Animazinoko hirugarren Saria: 900 euro.

Era berean, euskeraz eginiko lan onenak (zinemakoa zein animazinokoa izan) 1.000 euro jasoko ditu.

Azkenik, Nontzeberrik 10 urte irabazleak 500 euro jasoko ditu.

Lehiaketearen zehetasun guztiak Nontzefilmak (NFK) webgunean dagoz ikusgai.

Nontzeberrik 10 urte lehiaketea:

Aurten nobedade lez, Nontzeberriren hamargarren urteurrena sustatzeko asmoz, bideo lehiaketa berezia abiatu dabe.

Baseak:

- Lanak gehienez 30 segunduko iraupena izango dau, eta Nontzeberriren hamar urteko ibilbidea nabarmentzeko lana beharko dau izan.
- Fitxategia .flv formatuan bialdu beharko da eta gehienez lau megakoa beharko dau izan.
- Onartuko dan hizkuntza bakarra euskerea izango da.
- Ezinbestez agertu beharrekoa: Nontzeberriren logoa.
- Irabazlea FANT zinema fantastikoan egingo dan Nontzefilmak gaua-n erakutsiko da. Beraz, kalidade handiko bersinoa eskatuko jako irabazleari.
- Horreez gan, parte-hartzaileak Nontzefilmaken baseetan jasoten diran zehetasun guztiak onartuko ditu.
- Lan irabazlearen eskubide guztiak Nontzeberriren esku geldituko dira eta honek baino ez ditu erabiliko Nontzeberri sustatzeko.
- Izen-emotea www.nontzefilmak.com webgunearen bitartez egingo da.