'Nire gorputza mugitzen da' film laburren zikloa La Fundición aretoan

Zinebi Bilboko Zine Dokumental eta Laburmetraien Nazinoarteko Zinemaldiak gorputzari eta mobimentuari buruzko film laburrak eskainiko ditu astean Bilboko La Fundición aretoan. Nire gorputza mugitzen da. Dantza eta haren irudiak laburmetrai garaikidean erakusketea osotzen daben filmak igazko edizinokoak dira. Zikloa Dantzaldia XII. Jaialdiaren egitarauaren barruan dago.

La Fundiciónen Ikusgai egongo diran lanek giza gorputza eta mobimentua ditue ardatz, eta elementu horreek eskaintzen dituen aukera ikonografikoei buruzko ikerketea egiten dabe, hainbat genero eta estetikearen ikuspegitik. Pelikulok hamaika herrialdetatik etorri dira, besteak beste, Alemaniatik, Austriatik, Brasiletik, Kanadatik eta Ameriketako Estadu Batuetatik.

Metraje laburreko filmeen erakusketea eguaztenean eta eguenean izango da, 20:00etatik aurrera, Deustuko La Fundición aretoan. Danetara hamabi lan aukeratu ditue. Sarrerea dobakoa izango dala jakinarazo dabe antolatzaileek.

Eguaztenean, hilaren 23an, ondoko filmak eskainiko ditue: Burning Palace (Mara Mattuschka, Austria); FAO (Carolina Alejos eta Aitor Echeverria, Espainia); Strips (Félix Dufour-Laperrière, Kanada); Meanwhile (Jerome Sable, AEB); eta Exhibition 19 (Alaitz Arenzana eta María Ibarretxe, Euskal Herria).

Egueneko egitaraua, barriz, honako hau izango da: Die Kinetik der Gefühle (Werner Biedermann, Alemania); Ensaio de cinema (Allan Ribeiro, Brasil); Jacky & Judy (Phil Harder, AEB); A cup of wine (Daniel Conrad, Kanada); Living Chiaying (Gilles Delmas, Frantzia); Costa del Sol (Jan Wilde eta Benjamín Schindler, Alemania); eta Sidewalk (Frank Sahara, Espainia).

Ikusi argazki guztiak handiago