'Tamur: Kangchenjungako harribitxia' dokumentalak saria jaso dau Gasteizko Mendi zinemaldian

| Ikusi handiago | Argazki originala

Tamur: Kangchenjungako harribitxia lan dokumentalari euskerazko film onenaren saria emon deutse Gasteizko Mendi zinemaldian. Hiru aldiz parte hartu eta gero, lehenengoz irabazi dau sari bat Bideografik Ekoizpenak etxe durangarrak jaialdian.

Aurten Ur Nomade abentura-enpreseagaz alkarlanean aurkeztu da Bideografik. Lanak 50 minutu irauten dau eta espedizino komertzial batek Tamur ibaian izandako bizipenak azaltzen ditu. Parte-hartzaileek lau eguneko trekking-a egin eben Himalaiako mendietan, ondoren, Kangchenjungatik behera datorren errekan behera rafting egiteko.