'Valhalla rising' film luzeak irabazi dau autengo FANT lehiaketea

| Ikusi handiago | Argazki originala

Pablo Malok, Carlos Juárezek eta Izibene Oñederrak osotu daben Bilboko XVI. Zinemaldi Fantastikoko epaimahaiak Nicolas Winding Refn zuzendariaren 'Valhalla rising' filmari emon deutso Film Onenaren FANT Saria. Lana Danimarkaren eta Britainia Handiaren arteko produkzinoa da. Epaimahaiaren eretxiz, film luze horrek era errealistan hurreratzen gaitu Erdi Arora.

Film laburren atalean, epaimahaiak Chema García Ibarraren 'Protopartículas' lanari emon deutso saria. Ikusleei jagokenez, euren eretxiz, Thomas Oberties-en eta Matthias Vogel-en 'Full employment' lana izan da film onena. Azken bi sari horreetako bakotxa 3.000 eurokoa da.

Epaimahaiak adierazo dauenez, 'Protopartículas', lehen begiradan oso film labur xumea da, baina zorroztasunez betetako planteamentu zintzoaren bitartez, ikusleak zientzia fikzinora, zinera eta, batez be, imajinazinora hurreratzen ditu.

Nontzefilmak Sariak

Nontzefilmak sarien –www.nontzeberri.com kultur atariak antolatzen dituan Animazino eta Film Laburren Lehiaketea– irabazleak be ezagutarazo dira. Animazinoari jagokonez, lehenengo saria 'Gestación agraria' lanak jaso dau, eta fikzinoaren atalean irabazlea 'Barcelona Venecia' izan da. Iñaki Reyna Mendizabalen 'Elisabeta' lanak Euskal Herrian egindako film labur onenaren saria jaso dau. Danetara, 10.000 euro banatu dira saritan.

Bilboko 2010. urteko Zinemaldi Fantastikoko saridunak

FANT 16ko film irabazlea: 'Valhalla Rising', Nicolas Winding Refn (Danimarka – Britainia Handia).

Film Laburren FANT Saria:
- Epaimahaiaren saria: 'Protopartículas', Chema García.
- Ikusleen saria: 'Full employment', Thomas Oberties eta Matthias Vogel.

Fantrobia Saria: Alex eta David Pastor zuzendariak.

Nontzefilmak Sariak 2010

Animazinoa
1.- 'Gestación Agraria' Jon Manterola (Euskal Herria).
2.- 'La pérdida del juicio' Maria Manero Muro (Euskal Herria).
3.- Ez dauka izenbururik. Zuriñe Madrid Barbero (Euskal Herria).

Zinea
1.- 'Barcelona Venecia' David Muñoz Palomares (Bartzelona).
2.- 'Mozkor Politikoa' Javi Alonso Arroyo (Euskal Herria).
3.- 'El hombre que olía a pedo' J. Prida / T. Prida (Euskal Herria).

Euskeraz eginiko lanik onena: 'Elisabeta' Iñaki Reyna Mendizabal (Euskal Herria).