EHGAMek laugarren urtez antolatu dau Glam, Les-Gay-Trans Zinemaldiaren Luzapena

| Ikusi handiago | Argazki originala

Gay, lesbiana eta transexualen gaiak jorratzen dituan Zinemaldi honek, film luze, dokumental eta film laburren bitartez, herrialde eta ikuspegi desbardinetako errealidadeak hurreratzea dau helburu. Zinemaren bitartez, sexu orientazino edo genero identidadearengaitik emondako diskriminazinoaren kontra burrukatzen daben personen lekukotzak agertu nahi dira eta, esangura horretan, giza harremanetan dagozan aurreretxiei aurre egin eta sexualidadearen munduan arautik kanpo dagozan beste bizipen batzuk ikusteko aukera parebakoa da.

Zinegoak, IV. Les-Gay-Trans Zinemaldiaren Luzapena. Egitaraua

Zezeilaren 17an, eguaztena, Donostiako Koldo Mitxelena Kulturunean, arratsaldeko 19:00etan, 'Los fuegos' Daniel Cortazar espainiar zuzendariaren 7 minutuko film laburra, estreinaldia Euskal Herrian.

Davidek eta Josék bolada txarra bizi dabe, txarregia. Behin, gabaz, Aste Nagusi-ko su artifizialak ikusten dagoala David-ek burua galduko dau.

Ondoren, 'The baby formula', Alison Reid kanadiarraren film luzea, estreinaldia Euskal Herrian (Jatorrizko bertsinoainglesez, gaztelaniazko azpitituluakaz).

Athena eta Lilith umetxo bat euki gura daben bi lesbiana dira… Bien ume biologikoa. Ezinezkoa badirudi be, euren amesa egia bihurtzen da Athenak lan egiten dauen laborategian emakumearen zelula amen bitartez esperma sortzeko teknikea topetean dabenean.

Aste amaierako bi emonaldiak Villa de Errenteria Kulturgunean izango dira, zezeilaren 20an ('A oscuras', 'Bañophobia' eta 'Edie & thea'), 18:00etan eta 21ean (Somebody is watching us', 'And thou shalt love' eta 'Real life test'), barriz, 19:30etan.