'Zorion perfektua' filma Donostiako Zinemaldian estreinauko dabe

| Ikusi handiago | Argazki originala

Anjel Lertxundiren Zorion perfektua nobelan oinarrituta Jabi Elortegi bizkaitarrak zuzendutako filma Donostiako 57. Zinemaldiaren Zabaltegi-Zuzendari Barriak sailean lehiatuko da, Elisabet Cabeza eta Esteve Riambauren Màscares eta Miguel Angel Jimenez Colmenarren Ori pelikulakaz batera. Elortegiren lehenengo film luzea da Zorion perfektua. Pelikulan, Anne Igartiburu, Aia Kruse, Alberto Berzal eta Elena Irureta aktoreak agiri dira.

Bestalde, urrezko maskorraren bila sail ofizialean parte hartuko daben Espainiako lau filmen izenburuak jakinarazo ditue honezkero: Isaki Lacuestaren Los condenados, Javier Rebolloren La mujer sin piano, Alvaro Pastor eta Antonio Naharroren Yo, también eta Juan Jose Campanellaren El secreto de sus ojos dira.

Horrezaz ganera, Fernando Truebaren El baile de la victoria lehiaketatik kanpo erakutsiko dabe Donostiako 57. Zinemaldian. Txilen, Pinocheten beherakadearen ondoren girotutako filma egin du zuzendari espainiarrak, Ricardo Darin, Abel Ayala, Miranda Bodenhofer eta Ariadna Gil aktoreakaz.