David Carradine aktore estadubatuarra hilda topau dabe

| Ikusi handiago | Argazki originala

Kill Bill filman eta Kung Fu telesailean egindako lanagaitik mundu mailan ezaguna izan dan David Carradine aktore estadubatuarra hilda topau dabe Bangkokeko hotel bateko gela batean. Aktorea 'Stretch' filma grabetan egoan Tailandian. Kaliforniarra (AEB) zan eta 72 urte zituan.

Aktorearen agenteak adierazo dauenez, 'heriotzearen barria harrigarria izan da; lan egiteko gogo handia eukan'. Ameriketako Estadu Batuek Tailandian daben Enbaxadeak Carradineren heriotzea baieztau dau.

Antza danez, hoteleko zerbitzari batek topatu dau Carradinen gorpua, armairu batean gortina-soka batetik zintzilik. Poliziak dinoanez, gelan ez egoan indarkeria arrastorik, ezta bestelako zantzu susmagarririk be. Horregaitik, aktoreak bere buruaz beste egin ete dauen ikertzen dagoz orain.