'Kinteto soNos' (lehen 'Musikene') barriaren aurkezpena

Sortu ziran kontserbatorioaren izenagaz nahaste eta txarto-ulerturik ez sortzeko, etapa profesionalago barri baten atean, lehen 'Kinteto Musikene' zanak izena aldatzea erabagi dau eta aurrerantzean 'Kinteto soNos' deituko da.

'Kinteto soNos'barriaren aurkezpen kontzertua zezeilaren 16an, zapatua, arratsaldeko 20:00etan izango da, Aguraingo Harresi Aretoan. Shostakovich-ren eta Brahms-en obrak joko ditue.

'Kinteto soNos'Itsaso Etxeberria (pianoa-Iruñea—1986), Xabier de Felipe (bibolina-Bilbao-1987), Daniel García (bibolina-Santander-1987), Alba González (biolea-A Coruña-1985) eta Beatriz Blanco (celloa-Valladolid-1987) musikariek osotzen dabe. Taldeak 'Acordes 2007' Kamara Sari Nazionala jaso eban, TVEk Madrileko Teatro Monumentaletik emitidu eban kontzertuari esker. Oraintsu, 'Medina del Campoko Nazinoarteko Musika Astean' hartu dau parte, oso kritika onakaz. Laster, Marcelino Botín Fundazinoak Santanderren antolatutako kontzertua egingo dabe eta, geroago, Donostiako Musika Hamabostaldian be izango dira.

Bestalde, aste honetan Musikeneko Orkestra Sinfonikoak emon behar dituan kontzertuetan 'Kinteto soNos'eko cellistea, Beatriz Blanco izango da bakarlari eta Dvorák-en Cello Kontzertua joko dauela gaur, 19:00etan, Bilboko Juan Krisostomo Arriaga Kontserbatorioan; eta zapatuan, 19:30ean, Donostian, Euskadiko Orkestraren Miramongo egoitzan.