Nontzeflash eta Nontzefilm lehiaketen sarituak jakinarazo ditue

| Ikusi handiago | Argazki originala

Nontzeberri euskerazko kultura atariak Bilboko Zine Fantastikoaren (FANT) Jaialdiaren laguntzinoagaz antolatutako ‘Nontzeflash IV. Animazinozko Film Laburren Jaialdia’ eta ‘Nontzefilm III. Fikzinozko Film Laburren Jaialdia’ lehiaketen irabazleen barri emon dau. Egileek Internet bidez aurkeztu ditue lanak, www.nontzeflash.com eta www.nontzefilm.com webguneetan. Irabazleak honako honeek dira:

Nontzeflash

1. saria The Dreamer, Erresuma Batua 2006, 2’16’’
Zuzendaria: Yu Ji

2. saria, Los Pecadores, Argentina 2006, 2’20’’
Egilea: Pablo Polledri

3. saria, Pneumatic, Erresuma Batua 2006, 3’45’’
Zuzendaria: Ellen McAuslan

Euskal Herriko saria, La duda, Euskal Herria 2006, 3’19’’
Zuzendaria: Ismael Rubio Montes


Nontzefilm

1.saria, CANDY and BRANDY, Euskal Herria 2006, 3’27’’
Zuzendaria: Ander Duque

2. saria
El increíble ataque del mejillón cebra, Euskal Herria 2006, 3’20’’
Zuzendaria: Eduardo Gonzalez

3. saria
¿Quién está dónde?, Katalunia 2006, 2’43’’
Zuzendaria: Jaume Lalima

Euskal Herriko film laburrik onena, Déjà Vu, Euskal Herria 2006, 0’57’’
Zuzendaria: Mikel Usoz de la Fuente

Unibersidadeko film laburrik onena, Korna, Euskal Herria 2006, 3’30’’
Zuzendaria: Jon Manterola Herbozo

Epaile lanetan Ernesto del Rio, Begoña Vicario, Pernan Goñi, Galder Gaztelu-urrutia eta Ines Intxausti egon dira.

Lanok FANTen pantailaratuko dira, maiatzaren 12an, Capitol zine-aretoetan, gaueko 22:00etan. Bertan sariak be emongo dira Nontzeberri Gaua dalako jaialdian.

Kopurua eta jatorria

Nontzefilm-era lanak aurkezteko epea zezeilaren 21ean amaitu zan. Danetara, 155 lan aurkeztu dira; horreetarik 50 Euskal Herrikoak, tartean 15 euskeraz.

Filmak Espainiatik, Txiletik, Argentinatik, Kubatik, Perutik, Kataluniatik, Kolonbiatik, Mexikotik, Txinatik, Bolibiatik, Italiatik eta Brasildik etorri dira.

Nontzeflash-en 154 film jaso dira. Lanak 35 herrialde honeetatik ailegau dira: Euskal Herria, Espainia, Bosnia-Herzegobina, Txile, Mexiko, Kolonbia, Venezuela, Uzbekistan, Italia, Hego Korea, Argentina, Indonesia, Peru, Australia, Austria, Erresuma Batua, Serbia, Israel, Katalunia, Taiwan, Alemania, Belgika, Turkia, Lituania, Herbehereak, Guatemala, Errusia, India, Kanada, AEBak, Filipinak, Kroazia, Uruguai, Frantzia, Singapur. Euskal Herritik 6 lan jaso ditue.

Aurten, Euskal Herriko Unibersidadearen ikasleen parte hartzea nabarmendu gura izan dabe antolatzaileek. EHUk, unibersidadeko lanik onena saritzeaz ganera, ikasleen parte-hartzea bultzatu dau.