Freddie Mercuryren bizitzea pantaila handira

Sacha Baron Cohen aktore britainiarrak Freddie Mercury Queen taldeko abeslari ohia interpretauko dau. Antza denez, artista polifazetikoa Mercuryren papela egiteko casting batera aurkeztu zan, eta Hollywoodeko izarren artean aukeratu egin eben; tartean, Johnny Depp bera be egon ei zan. ‘Borat’-en Kazakhstango kazetari lanetan eta ‘Ali G indahouse’-n rap abeslari moduan ikusi dogu Sacha Baron.

Pelikulako produktoreak ez eze, Queen taldeko kideak be konbentzidu zituan Cohenek, batez be, Cohen eta abeslari britainiarra fisikoki oso antzekoak diralako. Daily Mirror egunkariaren arabera, Borat’ egin ostean, Freddie Mercury interpretetako ideia asko gustau jakon Sachari. Film horri esker, zenbait sari irabazi zituan Cohenek eta gaur egungo aktore polemikoenetakoa eta satirikoenetakoa da mundu osoan.

Freddie Mercuryri buruzko pelikuleak Queen taldeko abeslariak gauez egiten eban bizitzea islatuko dau. Mercury 1991ean hil zan, 45 urte zituala, hiesak jota. Musikearen historian izan dan kantari eta pianista ospetsuenetakoa da Mercury. Hainbat miloe dolarreko aurrekontua izango dau filmak eta Robert De Niro aktore ezaguna arduratuko da produkzinoaz.

Ikusi argazki guztiak handiago