Ghibertiren Paradisuko Ateak izango dira Berreginen Museoko 'Artelana bere testuinguruan' zikloaren protagonista
2013-11-26 14:30 Kulturea
Lorenzo Ghibertik egindako Paradisuko Ateak izango dira Bizkaiko Foru Aldundiaren eta Bilboko Udaleko Kultura eta Hezkuntza Sailaren esku dagoan Bilboko Berreginen Museoko pieza garrantzitsuenak ezagutzera bideratutako Artelana bere testuinguruan zikloaren protagonista eguen honetan, zemendiaren 28an, arratsaldeko 18:00etatik aurrera.
'Homo homini lupus', Malenkonia taldearen disko barria
2013-11-26 13:21 Musikea
Oñatiko Malenkonia laukoteak hirugarren diskoa plazaratu dau oraintsu, Homo homini lupus. Zortzi kanta batu ditue lan gordin eta ezkor honetan. Gasteizko Parralen aurkeztuko dabe gaur jentaurrean, 20:30ean.
Ana Etxaide omenduko dabe Nafarroako Unibersidadearen Euskal Katedrearen 50. urteurrenean
2013-11-26 10:38 sariak-autortzak
Nafarroako Unibersidadeko Euskal Hizkuntza eta Kultura Katedreak 50 urte bete ditu aurten. Hori dala eta, hainbat ekitaldi egiten dabilz hilebete honetan. Amaiera ekitaldia zemendiaren 27an izango da. Egun horretan, urte askoan Euskal Hizkuntza eta Kultura Katedrearen zuzendaria izan zan Ana Etxaide irakasle eta ohorezko euskaltzaina omenduko dabe.
Lau urteko etenaldiaren ostean, Kauta taldeak 'Agerre' diskoa aurkeztu dau
2013-11-25 17:53 Musikea
Kauta hirukoteak laugarren diskoa argitaratu barri dau, Agerre (Baga-biga). Lau urteko etenaldia izan da, eta gogotsu dagoz diskoa jentaurrean aurkezteko. Daborduko emon ditue zuzeneko batzuk, baina aurkezpen ofiziala abenduaren 7an egingo dabe, Durangoko Plateruena kafe antzokian.
Euskerea mundiala da
2013-11-25 12:25 Euskerea berbagai
Euskerea esparru ez ofizialetan be erabilteko modukoa dala agirian itxi nahi dau #mundiala kanpaineak, eta gaur egungo komunikazino tresnetara egokitzeko kapaz dala be bai. Sare sozialen loraldia aprobetxauta, mundu zabaleko euskal hiztunak konektauko dituan sarea osotuko dau. Eta horretarako jaio da beren beregi www.mundiala.net ataria, herritarrei txioak bialtzeko konbita egiten deutsen gunea.
Elizondo eta Donostiako finalaurrekoetan, Igor Elortza eta Unai Iturriaga bizkaitarrak irabazle
2013-11-25 10:28 Bertsolaritzea
Unai Iturriaga eta Igor Elortza durangarrak nagusi izan dira astegoienean jokatu diran Euskal Herriko Bertsolari Txapelketa Nagusiko finalaurreko bietan. Iturriagak 725 puntu lortu zituan zapatuan, Elizondon, eta Elortzak, 703 puntu, domekan Donostian.
Gernikako Bakearen Museoa 15. urteurreneko ospakizunetan buru-belarri
2013-11-22 14:46 kulturbiz
Euskadin eta Espainian bakarra dan Gernikako Bakearen Museoak bere 15. urteurrena ospatzen dau aurten. Horretarako, Gernikako dendari eta merkatarien kolaborazinoagaz milaka dobaneko sarrera bananduko ditu, batez be, Gernikako eta inguruko jenteak museoa bisitetako aukera izan daian.
Bilboko Udal Musika Eskolako ikasleek erromeria egingo dabe gaur Erriberako merkatuan
2013-11-22 11:15 Musikea
Bilboko Udal Musika Eskolako ikasleek gelak hutsik itxiko ditue gaur barikua, Santa Zezilia egunean. Izan be, Talde instrumentala: fanfarrea irakasgaiko dozena bat ikaslek Erriberako merkatuan erromeria egingo dabe arrastian, 19:00etatik aurrera.
Kaliforniara joandako euskaldunen lekukotasunak batu ditu Asun Garikanok 'Kaliforniakoak (1533-1848)' lanean
2013-11-21 17:43 kulturbiz
Orain ia bostehun urte Kaliforniara joandako lehenengo euskaldunek idatzitakoak batu ditu Asun Garikanok Kaliforniakoak (1533-1848) (Pamiela) lanean. Esploratzaile eta kolonizatzaile euskaldunen lekukotasunek klimea, paisaia eta bertako tribuen ganeko informazino ugari eskaintzen dabe. Joseba Sarrionandiak idatzi dau berbaurrea.
Berezko tipografia osoa sortzen dauen lehen unibersidade europarra da UPV/EHU
2013-11-21 17:37 kulturbiz
Tipografia barria 2012-2015ko Komunikazino Planaren hausnarketa eta proposamenetatik sortu zan, bi hizkuntza ofizialak alkarregaz idazteko konponbide barritzailea emoten dau, eta identidadea sortzen lagunduko dau. Euskal Herriko Unibersidadearentzat pozgarria da identifiketan gaituan osogai barri hau, jatorrizkoa eta personala izatea, esan dau Iñaki Goirizelaia errektoreak.
Euskereak Europako hizkuntzen artean merezidu dauen tokia aldarrikatu dau Baztarrikak Estrasburgon
2013-11-21 14:56 Euskerea berbagai
Euskerea hizkuntza europarra da, eta euskararentzat habitat egokia eregi nahi dogu Europako hizkuntzen artean. Euskerea, eta gure hizkuntza politikea, alkarbizitzarako eta kohesino sozialerako faktore lez ulertzen doguz, gaztelaniagazko eta ganerako hizkuntzakazko batzaile eta osogarri, adierazo dau Patxi Baztarrikak.
William A. Douglass antropologoak jasoko dau Durangoko Azokearen Argizaiola saria
2013-11-21 14:48 Kulturea
Duragoko Azokearen 48. edizinoaren aurkezpen ofizialean, egitarauaren barri emoteaz gan, Argizaiola Sariaren eta aurtengo herrialde konbidauaren barri emon dabe. William A. Douglass antropologoak jasoko dau saria eta Eskozia izango da aurtengo herrialde protagonistea. Abenduaren 5etik 8ra egingo da Durangoko Azokea.
Nahikari Ayorentzat Getxoko IV. Euskera Saria
2013-11-21 12:08 Euskerea berbagai
Laugarren edizinoa Nahikari Ayorentzat izan da, orain hamar urtetik udalerriko ikastetxeetan bertsolaritzako klaseak emoten dabilenarentzat, ume eta gazteen artean euskerearen erreferente bihurtu dalako. Ayok ikastetxeetan bertsolaritza, euskerea eta ondo pasetea lotzea edo buztartzea lortu dau eta hori oso garrantzitsua da gazteentzat.
Maite Gurrutxagak 'Habiak' lana aurkeztu dau, antzezlan batetik sortutako komikia
2013-11-21 10:48 Kulturea
Gizona ez da txoria Dejabu panpin laborategiaren antzezlana dau oinarri Maite Gurrutxagak osotu dauen Habiak (Txalaparta) komiki grafikoa. Ximon eta Selma dira protagonistak, lehenengoa baserritik bota dabe, abiadura handiko trenaren lanak dirala-eta, eta bestea, gizona jagoten dauen erizain bosniarra da.
86 ikerlari euskaldunen tesiak txiokatu ziran atzo txiotesia lehiaketan
2013-11-20 14:05
Ikerlariek egindako lan bikaina baloretako ardurea dau orain epaimahaiak. 86 parte-hartzaileen artean Txiolari ulergarriena eta Txiolari originalena hautatu behar ditue. Irabazleen barri zemendiaren 25ean emongo dabe Koldo Mitxelena Kulturunean.
Zuiako Koadrilako ‘guapoenak’
2013-11-20 11:25
Arroyo Palacín argazkilari afizionatuak, Imanol Txi ezizenagaz bere lana sinatzen dauenak, lehengo eta bigarren sariak irabazi ditu Uribarri-Ganboako urtegiko argazki bategaz (Reflejos de Primavera) eta artzain-txakur kume baten erretratuagaz (Euskal Artzain Txakurra), hurranez hurran. Hirugarren saria Garazi Aldama Urkizak irabazi dau astotxo baten argazkiagaz (Astoa ikusi dugu).
Elena Poniatowska idazle mexikarrak irabazi dau Espainiako Cervantes saria
2013-11-20 10:48 sariak-autortzak
Gaztelaniazko literaturako gaur egungo ahots garrantzitsuenetakoa dala nabarmendu dau Espainiako Cervantes sariko epaimahaiak. Elena Poniatowska idazle mexikarrak ez eban saririk espero, opari baten antzera jaso dau. Jasoko dituan 125.000 euroekaz bere fundazinoa martxan ipini gura dauela adierazo dau.
LUMA aldizkariak antolatuta, zemendiaren 23an jokatuko da Irunen Euskal Herriko Hitz Gurutzatuen VII. Txapelketea
2013-11-20 10:44 kulturbiz
25 € ordainduko ditu txapelketan parte hartu nahi dauen lehiakide bakotxak (txapelketea + bazkaria), 20 € LUMA aldizkariaren harpideduna bada. E-postaz (xedera@xedera.com) edo telefonoz (943 630 883) emon daiteke Euskal Herriko Hitz Gurutzatuen VII. Txapelketan parte hartzeko izena, eta 2013ko zemendiaren 20a izango da horretarako azken eguna.
'Bizkaiko Kultur Txartela' ekimena abiatuko dau Foru Aldundiak abenduan
2013-11-19 17:00 kulturbiz
Kultur produktuak erostea sustatzeko asmoz, Bizkaiko Kultur Txartela ekimena sortu dau Bizkaiko Foru Aldundiak. Txartelak Kutxabanken bitartez erosi ahal izango dira, orotarako kutxazainetan. Txartel bakotxagaz bono bakarra erosi daiteke. Abenduaren 16tik egongo dira salgai; danetara, 46.875 txartel.
Aide zabaleko pintura lehiaketea Garain datorren domekan
2013-11-19 13:54 kulturbiz
16 urtetik gorako edozeinek parte hartu leike eta nahi beste obra aurkeztu daitekez. Lanak aide zabalean egingo dira Garaiko udalerrian eta lehiaketearen egunean bertan. Lanak herriko irudietan oinarrituko dira, horreen aukeraketea erabat librea dalarik. Partaideek, egun berean, goizeko 9:00etatik 10:00etara bitartean Garaiko udaletxean zigilatu beharko ditue euskarriak.
Sarrera behar da? Aurretik erosi behar da?
»» 'Erbestez erbeste', bertso saio literarioa