Gregorio Arrien historialariak '¡Salvad a los niños! Historia del exilio vasco en Gran Bretaña, 1937-1940' liburua argitaratu dau
2014-05-08 15:10
Sabino Arana Fundazinoak kaleratu dau Kortezubiko historialariak idatzitako lana, eta gaur bertan, maiatzak 8, egingo dabe aurkezpena Bilbon, fundazinoaren egoitzan bertan. Gregorio Arrienegaz batera, Labayru Ikastegiko Ander Manterola eta Jose Ramón Blazquez komunikazino-aholkularia izango dira, 19:30ean.
Domekan egingo da 31. Herri Urrats jaia, Mintza! lelopean
2014-05-08 12:53 Euskerea berbagai
Herri Urrats Ipar Euskal Herriko ikastolen jaiak milaka lagun batuko ditu aurten be Senpereko lakuaren inguruan. Egun horretan, maiatzaren 11n, batzen dan dirua lizeo barria eregiteko erabiliko dau Seaskak. Urtero lez, adin guztietarako egitaraua atondu dabe, musikea, umeentzako jokoak, jantzariak, bertsolariak eta abar.
Behatokiak dino herritarrek euskerea erabilteko daben eskubidea igaz ez zala bermatu eguneroko bizitzan
2014-05-08 12:50 Euskerea berbagai
Hizkuntza Eskubideen Behatokiak Hizkuntza Eskubideen Egoera Euskal Herrian 2013 txostena aurkeztu dau bart Gasteizen, eta, ondorio nagusietako bat izan da herritarrek euskerea erabilzeko daben eskubidea igaz ez zala bermatu eguneroko bizitzan.
Frank Gehry arkitektoak jasoko dau Arteetako Asturias saria
2014-05-08 12:00 sariak-autortzak
Bilboko Guggenheim museoaren eta Eltziegoko Marques de Riscal upategiaren egile Frank Gehry arkitekto estatubatuarrak irabazi dau Arteetako Asturias saria. 1989an Pritzker Arkitektura Saria jaso eban, eta AEBetako korronte deskonstruktibistearen ordezkari nagusietakoa da.
Literaturea, argazkigintzea, musikea eta Bilbo buztartuz
2014-05-08 10:45 kulturbiz
Sorkuntzea, Bilbo eta Euskerea ardatz hartuta, literaturea, musikea eta argazkigintzea nahastu nahi doguzan hiru adiskide gara (Aitor Gomez, Asier Olabarrieta eta Unai Villena). Bilboko zortzi barrutietan barrena bidaia eginez, gure irudimenagaz uniberso bisual, literario eta soinudun propioa sortu eta uriaren ikuspegi barri bat emon gura dogu.
'Matematikak eguneroko bizitzan' berbaldi zikloak hamaikagarren edizinoa beteko dau
2014-05-07 18:40
Ekimen honegaz, matematikak eta bere errealidadea gizarteari hurreratu nahi jakoz. Zikloa osotzen daben hiru berbaldiak maiatzaren 8an, 15ean eta 22an izango dira Bidebarrieta Liburutegian, 19:30ean. Sarrera librea izango da.
Getxoko toponimia ibilbideetan toponimia eta ondare kultural eta naturala jasoteko aukerea dago aurten be
2014-05-07 18:13
Datorren zapatuan, maiatzak 10, hasiko da Getxoko Udalak antolatutako toponimia ibilbideen zikloa, udalerriaren toponimia eta ondare kulturala eta naturala ezagutzera emoteko helburuagaz. Aurten dobako lau bisita gidatu antolatu dira interesa daben herritarrrentzat Getxoko toki desbardinetatik.
Bertsolari Txapelketa Nagusiko liburua eta diskoa plazaratu ditue
2014-05-07 15:04 Bertsolaritzea
Aurten bertsoaldi onenak batzen dituan diskoa be salduko da liburuagaz batera. 20 euroan alkarregaz salduko dira ohiko liburudendetan eta www.lanku.com orrialdean. Bertsozale Elkarteko bazkideek 15 euroan eskuratu ahal izango dabe. Lankuk atondu dau edizinoa.
The Mokers hirukoteak irabazi dau Amorebieta-Etxano, Abadiño, Durango eta Iurretako II. Maketa Lehiaketea
2014-05-07 13:53 Musikea
Danetara, 26 izan dira lehiaketearen II. edizinoan parte hartu daben taldeak. Horreetatik bederatzi pasau ziran kontzertuen bigarren fasera. Joan dan asteko barikuan kontzertua emon ebenak hiru finalistak izan ziran: The Mockers, Orion Child eta Hozten.
Hamazazpi bertsolarigaz jokatuko da zapatuan BAT, Euskal Herriko Bertso Afari Txapelketea
2014-05-07 12:16 Bertsolaritzea
Bosgarren edizinora helduko da Etxarri Aranatzen antolatzen dan BAT, Euskal Herriko Bertso Afari Txapelketea eta modu berezian ospatu nahi izan dau sariketea antolatzen dauen Karrikestu alkarteak. Aurreko lau edizinoetan parte hartu daben 17 bertsolarik hartuko dabe parte aurten, eguerditik gauera luzatuko dan egitarau oparoan.
Chicagoko Koldo Mitxelena eta Frankfurteko Eduardo Chillida katedren programa akademikoak martxan dagoz
2014-05-07 11:12 Euskerea berbagai
Miren Azkarate euskerearen suspertzearen azterketea helburu dauen ikerketarako ikastaroa zuzentzen dago Chicagon, eta Jonathan Wood adituak Chillidaren lana eta eskultura garaikidearen lekuak eta espazioak izango ditu aztergai Frankfurten bi mintegi desbardinetan.
Matxalen de Pedrok, Goiatz Labandibarrek eta Maialen Sarasuak egotaldi artistikoak egingo ditue Wroclaw urian
2014-05-07 11:05 kulturbiz
Etxepare Euskal Institutuak eta Donostia 2016 Fundazinoak uda honetan Poloniako Wroclaw urian egotaldi artistikoa egiteko aukerea eskainiko deutsie hiru euskal sortzaileri, Matxalen de Pedro, Goiatz Labandibar eta Maialen Sarasuari, hain zuzen be. Mobikortasuna, kulturen arteko alkarrizketea eta alkarlana sustatzeko helburuagaz sortu eben deialdia.
Sarean dago irakurgai 'Itzulpenari buruzko gogoeta eta itzulpen-praktika Joseba Sarrionandiaren lanetan' liburua
2014-05-06 17:59 Kulturea
Aiora Jakaren Itzulpenari buruzko gogoeta eta itzulpen-praktika Joseba Sarrionandiaren lanetan liburua Interneten ipini barri dau Euskaltzaindiak, eta webgunean konsultagai dago daboduko. Iker bildumearen 28. zenbakia da.
III. BertsoDerbia aurkeztu dabe
2014-05-06 17:31 Bertsolaritzea
Athletic Club Fundazinoak Bertsoderbiaren hirugarren edizinoa aurkeztu dau Lezamako prentsa aretoan. Oraingo honetan Onintza Enbeitak, Arkatiz Estiballesek eta Jon Maiak kantauko dabe Athletic Cluben izenean eta Amaia Agirrek, Andoni Egañak eta Amets Arzallusek, Realarenean. Gai-jartzailea Josu Goikoetxea izango da.
UPV/EHUko Arte Ederretako ikasleek artelan bat sortu dabe Bilboko Itsasadarra Itsas Museorako
2014-05-06 15:45 Kulturea
Aurkeztutako hogei proiektuen artean, Mar de Diosen eta Miguel Puertasen All Iron formatu handiko artelana izan da aukeratua, eta urrira bitartean izango da ikusgai Museoko kaietan. Gainera, irabazleaz gan, akzesit bi be emon jakez Sandra Villarren eta Rubén Pinoren proposamenei.
Artiumek Liburuen Nazinoarteko Eguna osotzeko jentaurreko irakurketak, erakusketak, berbaldiak eta musikea dakarz
2014-05-06 14:03 kulturbiz
Artium, Gasteizko Arte Garaikideko Euskal Zentro-Museoak zenbait jarduera antolatu ditu datorren barikuan, maiatzak 9, Liburuen Nazinoarteko Egunaren ospakizuna osotzeko.
Def con Dos taldearen kontzertuak zarratuko dau XX. FANT
2014-05-06 12:43 Barriak
Taldeak hilaren 16an egingo dan amaierako ekitaldiaren ondoren joko dau Barrainkua kaleko Evidence Café aretoan, 23:00etatik aurrera. Talde galego-madrildarrak genero fantastikoko zenbait filmen soinu-bandak sortu ditu, Alex de la Iglesia zuzendari bilbotarraren Acción Mutante eta El Día de la Bestia, eta Pedro L. Barbero eta Vicente J. Martín-en Tuno Negro tarteko dirala.
Rune Reilly Kølsch, Belako DJ eta DJ Lourdes Madow, maiatzeko Art After Dark saioan
2014-05-06 11:31 Musikea
Hilero lez, oraingoan be Art After Dark saioa gaueko hamarretan hasi eta goizaldeko ordu batetan amaituko da. Danimarkako Rune Reilly Kølsch Destination Calabria abesti ezagunaren egileak zarratuko dau gaua. Entzuleek Guggenheimeko erakusketez be gozetako aukerea eukiko dabe.
Bilbo Zaharreko, San Frantziskoko eta Zabalako Balkoi eta Leihoak Edertzeko I. Lehiaketea martxan da
2014-05-05 18:34
Bilboko Udalak Bilbo Zaharreko, San Frantziskoko eta Zabalako Balkoiak eta Leihoak Edertzeko I. Lehiaketea antolatu dau, auzo horreetan martxan jarri dan 2012-2016 Erkidego Planaren barruan. Lehiaketearen helburua Bilbo Zahar, San Frantzisko eta Zabalako eraikinetako leihoen eta balkoien zainketea eta edertasuna sustatzea da.
Bilboko Alondigeak Forma Eszeniko Barrien Nazinoarteko Topaketea antolatu dau
2014-05-05 15:55 jardunaldiak
Maiatzaren 26tik 31ra bitartean Bilboko Alondigeak 3,2,1 Forma Eszeniko Barrien Nazinoarteko Topaketea hartuko dau. Hiru edizino izango ditu programa honek, aurreko urtean hasi zan eta datorren urtean amaituko da. Aurten, performancea, jantzea eta egungo antzerkia barrikusiko dituen hainbat proposamen artistiko alkartuko dira.
Sarrera behar da? Aurretik erosi behar da?
»» 'Erbestez erbeste', bertso saio literarioa