Agendea

Klaustro Sounds. Onomatopeikoa Ensenble. JOSEBA IRAZOKI.

2026/01/18 - 2026/12/13

Aurtengo programea tokiko izaera handiko 6 kontzertuk osotuko dabe eta Vitoria-Gasteizko, Arabako eta Euskadiko hainbat artistak eskainiko ditue. Lehenengo kontzertua urtarrilaren 18an izango da Joseba Irazoki Berako musikariagaz. Kontzertu oso berezia eskainiko dau Gitarra Lekeitikoak (Onomatopeikoa II) bere azken lanaren aurkezpen-bireari amaierea emoteko. Horretarako, lagun batzuk gonbidau ditu Felix Buff (bateria), Amorante (tronpetistea, harmoniuma), K lepo (elektronikea) eta Lutxo Neira (kontrabajjistea), hain zuzen be..

Klaustro Sounds zikloko informazino gehiago hemen.

'W74: Arrazoia, boterea eta etorkizuna'.

2026/04/15 - 2027/05/12

Wolframaren historia: Euskal Herrian topautako elementu kimiko bakarra. Badira gure inguruan mundua aldatu daben mugarri historikoak eta horreetako bat Bergaran jazo zan, bertan isolatu baitzeben lehen aldiz Elhuyar anaiek wolframa.






Informazino gehiago hemen.

'Uhinak'. RA ASENSI.

2026/07/08 - 2026/12/28

Uhinak proiektuaren abiaburua Ra Asensik zeramika-produkzinoari eta ur-garraioari lotutako euskal emakumeen memoriari buruz landutako ikerketea da. Artisteak ahots-uhinetan inspirautako pieza zeramikoz osotutako instalazino eskultorikoa eregiten dau, lekukotasunak, isiluneak eta gomutek espazioa okupetan daben forma fisiko bihurtuz.

Proposamena Porcelanas Bidasoa fabrikako langile ohiei eta Euskal Buztingintza Museoko zuzendaria dan Blanka Gómez de Segurari egindako alkarrizketetan oinarritutako entzute eta ikerketa prozesutik sortzen da. Kontakizun horreen bitartez artisteak memoria kolektiboaren ertzean egon diran istorioei buruzko gogoeta egiten dau eta hizkuntza eskultorikoaren bidez beste presentzia bat emoten deutse.

Eskultura-instalazinoa oxidoz eta gresez egindako formek, Ollerietan batutako buztinak eta Kantauri itsasotik datozen algen efektuek osotzen dabe, corten altzairuzko egituren gainean jarriak eta tokiko uragaz. Material horreek eraldatu egiten dira erakusketa-aldian zehar eta aldaketak eta eraldaketak sortzen ditue, produkzinoa obra bizi eta etenbako prozesu bihurtuz.

Informazino gehiago eta sarrerak hemen.

'Mundu baten aukerea-Naturearen iluspegiak BBVA Bilduman'.

2026/07/09 - 2026/10/09

Ordutegia: astelehenetik domekara 11:00-19:00. Zarratuta egongo da garagarrilaren 25ean eta 31n eta abuztuaren 15ean eta 22an.

'La posibilidad de un mundo. Visiones de la naturaleza en la Colección BBVA'.

2026/07/09 - 2026/10/12

'Urdaibaiko Soinuak. Lope Alberdi organogilea'.

2026/07/21 - 2027/01/10

Informazino gehiago hemen.

'Emakumeak eta literaturea'. Dinamizatzailea: Maitane Perez.

2026/09/14 - 2026/12/14

Ikastaroa astelehenetan izango da irailaren 14tik abenduaren 14ra, 18:00- 20:00 bitartean, Foru Liburutegiko 2. pisuan. Parte hartzeko izena emon behar da irailaren 1etik 7ra hemen.  Danetara, 20 plaza dagoz, eta jente gehiagok izena emoten badau, zozketa bidez esleituko dira lekuak.

XLIX. Euskal Dantza Tradizionaleko Ikastaroa.

2026/09/14 - 2027/05/05

'Walker'. TSAI MING-LIANG.

2026/09/18 - 2026/12/12

Informazino gehiago hemen.

Euskal Herriko Bertsolari Txapelketa Nagusia 2026.

2026/09/19 - 2026/12/20

Euskal Herriko Bertsolari Txapelketa Nagusia 2026.

2026/09/19 - 2026/12/20

Informazino gehiago hemen.

'Urdaibai Neguan'. EUNICE ORTIZ.

2026/09/24 - 2026/10/30

'Estrella fugaz y corazón'. M. BENITO PIRIZ (Durango, 1992).

2026/09/25 - 2026/11/08

Informazino gehiago hemen.

51. Gasteizko Nazinoarteko Antzerki Jaialdia.

2026/09/25 - 2026/12/13

Informazino gehiago hemen.

Ondarearen Europako Jardunaldiak. 'Bizitza paraleloak. La memoria de las copias'.

2026/10/01 - 2026/11/29

Erakusketan gehien nabarmentzen diran piezen artean Hildesheimeko Krateraren erreprodukzino galvanoplastikoa da nagusi, Eskulturearen Museo Nazionalak aldi baterako lagatakoa. XIX. mendeko teknika industrial barritzaile baten bidez egindako artelan hori oso baliotsua bihurtu zan jatorrizkoa Bigarren Mundu Gerraren ondoren desagertu zanean eta ezinbesteko lekuko bilakatu zan bere memoria materiala eta artistikoa gordeteko.

'Nuestros cuerpos. Territorios diversos' / 'Gure gorputzak. Lurralde anitzak'.

2026/10/01 - 2026/10/15

Sheila González Azcona aristearen obrak, Ana Cris, Mari, Mariángeles, Rosalía, Sandra eta Sara protagonista dituana.

Egitaraua

• Santutxun: urriaren 1etik 15era.
• San Inazio - Ibarrekolandan: Urriaren 19tik zemendiaren 16ra.
• Begoñan: Zemendiaren 18tik abenduaren 4ra.
• Errekalden: Abenduaren 9tik 2027ko urtarrilarenh 5era.

Argizaiola 2026.

2026/10/05 - 2026/10/30

46 edizinoetan zehar, Argizaiola hazten joan da argazki-lehiaketea eta egile barriak batuz. Aurten, 31 personak hartu dabe parte azkenean, guztira gai eta teknika askotariko 183 argazki aurkeztuz. Epaimahai kalifikatzaileak martian erabagi eban aurtengo saria José Ángel Amuchasteguiri emotea, eta akzesit biak Vladimiro García Villaverderi eta José Agustín Guruchagari. 

 Euskal Herriko Argazkilari Taldeen Elkarteak orain dala mende erdi baino gehiagotik atontzen dau Argizaiola Saria. Lehen edizinoa 1973an egin zan. Aurretik Euskadin egindako lehiaketetan autortutako argazkilariak baino ezin dira aurkeztu. Lehiaketa hau euskal argazkigintzeari lotutako egileek jorratutako argazki-sorkuntza publikoari hurbiltzeko aukerea da, irudia ulertzeko begiradea, estilo eta moduak erakutsiz.

Erakusketeak egile honeen argazkiak batzen ditu: Ainhoa Martiarena, Aitor Arana, Alexander Molano, Andrés Indurain, Asier Castro, Borja Yuste, Carlos Romero, Eneko Ibarguengoitia, Gorka Artetxe, Idoia Eletxigerra, Iker Pardo, Iñigo Peñagarikano, Javier Elola, Javier Ortiz, Joel Iglesias, Jokin Izar, José Agustín Gurruchaga, José Ángel Amuchastegui, José María Arrigain, José Miguel Romero, José Venegas, Maddalen Serras, Maribel Garcia, Miguel Becerra, Miguel Cavero, Oskar Gaskon, Oskar Manso, Pedro Ajuriaguerra, Rubén Cáceres eta Vladimiro García.

Gasteizko Liburu Azokea.

2026/10/08 - 2026/10/12

Azken edizinotik bost urte igaro ondoren, Liburu Azokea Gasteizera bueltauko da urriaren 8tik 12ra, eta formatu, kokapen eta data barriak izango ditu.

Karmele Jaio idazleak eta Larrua jantza-konpainiak inaugurauko dabe azokea urriaren 8an, eguenean, Florida Parkean. Florida parkea liburuak ezagutu eta irakurteko espazio edegia izango da bost egunetan eta kultura-jarduera ugari hartuko ditu.

Gasteizko liburu-dendek (Anegón, Arlekin, Astrolibros, Elkar, Liburutopia, Omega, Saga Liburudenda eta Zuloa) azken nobedade bibliografikoak aurkeztuko ditue Florida pasealekuan jarriko dituen zortzi kasetatan. Ignacio Aldecoa Kultura Etxearen eta Senda pasealekuaren artean egongo dira, eta horreetara hurbiltzen diranek liburuak begiratu eta konsultetako, eretxiak batzeko eta liburuak %10 merkeago erosteko aukerea izango dabe.

Azokako standetara hurbilduko dira, beren azken lanak aurkeztu eta liburuak sinatzera, hogeita hamar idazle inguru, besteak beste, Karmele Jaio, Carmen Mola, Katixa Agirre, Samuel Vernal, Ibon Abad, Andrea Longarela, Ibon Martín, Jon Azkueta, Paula Gallego eta Mikel Santiago.

Azokeak iraungo dauen bost egunetan, poesia-errezitaldiak, hitzaldiak eta literatureari eta sorkuntza literarioari buruzko barriketaldiak egingo dira, baita papelezko txotxongilo eta zuzeneko ilustrazinoko tailerrak be, umeentzat.

Musikea be izango da: Dj Ponek zapatuan, eguerdia girotuko dau.

Programa bete-betea, Liburu Azokea literaturearen sorkuntzeari, produkzinoari eta dinamizazinoari buruzko tokiko ekitaldi kulturala izan daiten, bestelako jarduerak be proponiduta.

Inurri Itsuak (Las Ciegas Hormigas) filmaren estreinaldia.

2026/10/09 - 2026/10/13

Urriaren 9an Inurri Itsuak (Las Ciegas Hormigas) filmaren estreinaldia zinema-aretoetan. Social Antzokian be ikusteko aukerea izango da urriaren 9, 10, 11, 12 eta 13an, arratsaldeko 19:00retan.

Igor Legarretak zuzendutako eta Ramiro Pinillaren izen bereko eleberrian oinarritutako filma da.
Bizkaia, 1935. Ekatx baten ondoren, ikatzez beteta Ingalaterrako ontzi bat hondaratu egin da. Gauez, Algortako bizilagunak kostaldera bertaratu dira, urre baltz hori batzeko gogoz. Sebas Jauregirentzat, zorionerako bidea da topakuntzea; Josefa emazteak, barriz, usain txarra hartzen deutso. Emazteari jaramonik egin barik, Sebasek ekatx gogorrean barrena gidatuko ditu semeak. Ahaleginak eta bi egingo ditu familiak, negua arindu daiten edo, betiko kondenau deiezan ikatza babesteko.

• Zuzendaria: Igor Legarreta.
• Gidoilariak: Andoni de Carlos eta Igor Legarreta.
• Protagonistak: Urko Olazabal, Itziar Ituño, Josean Bengoetxea, Miren Gaztañaga eta Patxi Bisquert, besteak beste.

Gure Zirkua. ERRENTERIA.

2026/10/09 - 2026/10/11

Erosi sarrerak hemen.