22 miloe euro bideratuko ditue urtean ikus-entzunezkoen balio-kate osoa bultzatzeko

Andoni Iturbe eta Ibone Bengoetxea. | Ikusi handiago | Argazki originala

Lehen lehendakariorde eta Kultura eta Hizkuntza Politikako sailburu Ibone Bengoetxeak zehaztu dauenez, 22 miloe euro inguru bideratu doguz sektorearen balio-kate osoa bultzatzeko, sorkuntzea zein nazinoartekotzea.

Kulturako sailburuorde Andoni Iturbegaz batera Eusko Legebiltzarrean egindako agerraldian, Euskadiko ikus-entzunezkoen sektorea talentuagaz, politika iraunkorrakaz eta erakundeen arteko lankidetzeagaz eregitako sistemea dala azpimarratu dau.

Eragile ekonomikoa eta enplegu-sortzailea

Lehendakariordeak sektorearen indar estrukturala nabarmendu dau:

472 miloe euroko balio erantsia sortzen dau, Euskadiko kultura-ekonomiaren % 27,6 (EUSTAT).
Lanaldi osoaren baliokideak diran 28.500 enplegu baino gehiago batzen dituan ekosistema baten parte da.

Ikus-entzunezkoei jagokenez, ekonomia erreala, kalidadeko enplegua eta herrialderako ondoizatea nabarmendu ehar doguz, adierazo dau.

Agerraldia baliogarria izan da euskal zinemeak nazioartean dauen indarra nabarmentzeko:

• 242 film izentau edo hautatu ditue nazinoarteko jaialdietan azken aldion.
• 611 parte-hartze eta 410 sari, presentzia jarraituaren isla.
• Euskal produkzinoek nazinoarteko 15 miloe ikusle baino gehiago izan ditue azken urteetan.

Euskal ikus-entzunezkoek nazinoartean daben presentzia ez da kasualidadea, estrategia koherente eta iraunkor baten emoitzea da, adierazo dau Bengoetxeak.

Zineuskadi

Bengoetxeak nabarmendu dauenez, Zineuskadi ikus-entzunezkoen ekosistemearen zerbitzura dagoan tresna publiko bat da, euskal talentuak nazinoartean dauen presentzia indartzeko asmoa dauena. 2025ean, sustapen-fasean egozan 20 proiektu babestu zituan, 23 produktora baino gehiagok nazinoarteko merkatuetan parte hartzeko aukerea erraztu eben eta Euskadiko 42 zinema-aretogaz lankidetzan ibili zan Europako eta euskerazko zinemearen emonaldiak sustatzeko: ez gara egitura isolatua, gure produkzinoak mundu osoan mobiduten, lehiatzen eta proiektetan laguntzen dauen tresna baino, adierazo dau.