Laura Poitrasek 'Citizenfour' (AEB, 2024) aurkeztuko dau gaur, hilak 13, Bilbon

Laura Poitrasen 'Citizenfour' (AEB, 2024). | Ikusi handiago | Argazki originala

Zinebiren edizino honetako Ohorezko Mikeldiak filma aurkeztuko dau 18:00etan Guggenheim Museoan, Michael Premo estadubatuar zinemagilea – Zinebin Homegrown filma aurkezten dauena – eta Luis Martinez El Mundo egunkariko kazetaria lagun dituala. Citizenfouren, Poitrasek Hong Kongeko Glenn Greenwald eta Edward Snowden kazetariakaz izandako topaketea erakusten deusku.

Poitrasen lanak eta Premorenak Estadu Batuetako politikea jorratzen dabe eta horregaitik gaurkotasun handikoak dira AEBetako hauteskunde ondorengo egunotan.

Jardunaldiari hasierea emoteko, Zinebi Gazte zikloko proiekzino bi iragarri ditue BBK Aretoan, 10:00etan eta 11:30etan, Echoes, Un pájaro voló eta Urak eginen du bide saioakaz.

Short Film International Competition Sail Ofizialaren barruan, 20:00etatik aurrera Azkuna Zentroko Auditorioan proiektauko diran zazpi film programau dira: The One Who Knows (Eglque Davidavique; Lituania; animazinoa), Campolivar (Alicia Moncholí; Espainia; dokumentala), Poet (Kun Sun; Erresuma Batua; fikzinoa), The Girl and the Pot (Valentina Homem, Tati Bond; Brasil; animazinoa), The House that Stays (Le Ngoc Duy; Vietnam; dokumentala), Three Birds (Zarja Menart, Esovenia, aimazioa) eta The Sea of Dirac (Niklas Lipski; Alemania; dokumentala).

Errealizadore barrien lehen film luzeei eskainitako ZIFF – Zinebi First Film Nazinoarteko Lehiaketeak hiru proposamen batzen ditu, guztiak Golem-Alhondigako 7. aretoan. 17:00etan, Rivulet of Universe fikzinoko film luzea ikusi ahal izango da (Possathorn Watcharapanit; Thailandia), eta 19:15ean, Rising up at Night dokumentala (Nelson Makengo; Congo, Balgica, Alemania, Burkina Faso, Qatar).

Golem-Alhondigako 5. aretoak Beautiful Docs atalean programautako lanak hartuko ditu. Arratsaldeko 17:00etan, Dora García Arte Plastikoen Sari Nazionalaren irabazlearen (Revolución cumple tu promesa) Amor rojo (Belgika, Norvegia, Espainia, Mexiko) proiektauko da. García Bilbora bueltauko da, Visions du Réel zinema dokumentalaren jaialdi ospetsuaren aurreko edizinoan aurkeztutako film dokumental barriena Estaduan estreinetako.

Arratsaldeko 19:00retan, Concha Barquerok eta Alejandro Alvaradok Caja de resistencia (Espainia, Portugal) aurkeztuko dabe, 2022an Zinebi Networkingetik igaro ondoren eta Bilboko Dokumentalen eta Film Laburren Nazinoarteko Jaialdiak Canneseko Zinema Merkatuan aurkeztutako Spanish Showcase jaialdian parte hartu ondoren.

Gaueko 21:45ean, Oksana Karpovychen Intercepteden txandea izango da (Kanada, Frantzia, Ukraina).

Bertoko Begiradak. Miradas desde Euskadi sailak 16060 Egun (Iñaki Alforja, Iban Toledo; dokumentala), El tercer paisaje (Julen Etxebarria; dokumentala), Sueños de viernes (Harrotu Ileak Taldea, Zinelab Taldea, dokumentala), Los invitados de Amaia (George Todria, fikzioa), Zuhaitzen Memoria (Josu Venero, dokumentala) film laburrak eskainiko ditu Golem-Alhondigako 3. aretoan, 18:00etan. Eta 20:00etan, BBK Aretoan, Ernesto del Rioren Ese mundo que no te da nada dokumentala proiektauko da. Donostia Zinemaldian egon ondoren, Zinebiko zuzendari izandakoa Zinemaldira bueltauko da bere azken filmagaz, autofinantziauta eta Euskadin eta Kuban hamarkada askotan filmautako irudi kopuru handi baten gainean eregita.

Zinebi Networking

José Luis Alcaine Ohorezko Mikeldidun argazki zuzendariak El oficio de la luz masterclassa emongo dau gaur, zemendiak 13, 10:15etan, As Fabrikeko Arena aretoan. Gainera, Victor Lamadrid Cantabria Film Commissioneko zuzendariak erakunde hori aurkeztuko dau Aretoan.

Bestalde, Ivan Torres Hdez artista bisualak eta Xoán-Xil musikariak URHO, proceso creativo de un documental experimental masterclassa emongo dabe. Bilbao Ekintzako zuzendari nagusia dan Javier Garcinuñok Hub Audiovisual Bilbao-Bizkaia aurkeztuko dau.

Beste alde batetik, Maider Urkitza, Paula Olaz, Olatz Salvador eta Nerea Alberdi musikariek Sonido: sensaciones y herramientas en el cine topaketan parte hartuko dabe.

Chamber aretoan, goizeko 10:15etan, Visitando La muerte de Mikel desde una perspectiva queer topaketa izango da, Alaitz Arenzana Zinegoak jaialdiko zuzendari artistikoagaz, Begoña del Teso kazetari eta idazleagaz eta Emilio Papamija ikus-entzunezko aholkulari eta pedagogoagaz.

Arratsaldeko 17:00etan, Bastida Aretoan, Alejandro Alvarado eta Concha Barquero zinemagileek Fabulaciones en torno a las películas inacabadas de Fernando Ruiz Vergara masterclassa empngo dabe. Gainera, Bastida Aretoan, 10:00etatik 14:00etara, Creamos+Industria, Euskadiko produkzino-etxeen eta Film Commissions topaketea, EPE-IBAIAgaz lankidetzan.

Tardes de soledad

Bart Albert Serra zuzendari eta gidoilaria katalanaren Tardes de soledad, Donostiako Zinemaldian Urrezko Maskorra irabazi eban dokumentala ikusteko aukerea egon zan. Bilbo da dokumental hau proiektauko dan Estaduko bigarren uria.

Andrés Roca Rey toreatzailearen eta bere koadrilearen erretratua oinarri hartuta, tauromakiari buruzko dokumental hau Beautiful Docs – Munduko Dokumentalen Panorama sail paraleloaren parte da; sail honek azken hamabi hilebeteetan mundu osoan estreinautako film luze dokumental onenetako batzuk hartzen ditu.