David Fincherren 'The Killer' da Zinemaldiaren ezusteko filma

| Ikusi handiago | Argazki originala

David Fincherren The Killer film barria da Donostia Zinemaldiaren 71. edizinoko ezusteko filma. Besteak beste, Se7en, Zodiac eta The Social Network filmen zuzendariaren azken proposamena aurreko Veneziako zinema-jaialdian lehiatu zan. Alexis Nolenten izen bereko elebarri grafikoan oinarrituta, Luc Jacamonek ilustrau dau eta Michael Fassbender eta Tilda Swinton dira protagonistak. Filmeak, hiltzaile baten istorioa kontatzen dau: istripu baten ondoren, aurre egingo deutso haren nagusiei, bai eta bere buruari be, ustez personala ez dan nazinoarteko persekusino batean.

Erik Messerschmidt argazki-zuzendariak, Oscar sari bat irabazi eban Mank (David Fincher, 2020) filmean egindako lanagaz, aurkeztuko dau filma Victoria Eugenia antzokian, zapatuan (hilak 30), 19:00etan. The Killer agertoki berean ikusi ahal izango da, 08:30ean, eta Principal antzokian, barriz, 13:00etan.

Donostia Zinemaldiak ezusteko film bat programatzeko tradizinoa berreskuratu eban 2019 urtean. The Killer filmaren aurretik, hauek emon dira: Joker (Todd Phillips, 2019), Sportin’ Life (Abel Ferrara, 2020), Spencer (Pablo Larraín, 2021) eta Blonde (Andrew Dominik, 2022).

Erosi sarrerak hemen.