Hamabost proiektu Europa-Latinoamerika Koprodukzino Foroan

| Ikusi handiago | Argazki originala

Latinoamerikako zortzi herrialdetatik datozan zuzendarien proiektu barriak ezagutu ahal izango dira Europa-Latinoamerika Koprodukzino Foroan, irailaren 25etik 27ra, Donostiako 71. Zinemaldiaren barruan. Danetara hamabost film aukeratu ditue atontzaileek, 222 lanen artean.

Hau da zerrendea: Agua caliente (Juan Pablo González eta Ana Isabel Fernández de Alba); The message (Iván Fund); I’m fine (Alicia Scherson); Fauna (Federico Veiroj); The Reserve (Ezequiel Yanco); Little War (Bárbara Sarasola-Day); The Days Off (Lucila Mariani); A Thousand Pieces (Sergio Castro San Martín); Red Nest (Alice Stamato eta Val Hidalgo); Nostalgia From the Future (Florencia Colman); Okonomiyaki (Gabe Klinger); These Were All Fields (Daniela Abad Lombana); Three Bullets (Génesis Valenzuela); Three Dark Nights (Theo Court); eta A Loose End (Daniel Hendler).

Aurtengo Koprodukzino Foroan parte hartzeko 220 eskari baino gehiago izan ditu Zinemaldiak. Ikus-entzunezko industriako profesionalen eta sortzaileen arteko zubilana egingo dau Foroak, hamabost proiektu horreek ahalik eta zabalkunde handiena izan deien.

Sariak be banatuko ditue antolatzaileek proiektu parte-hartzaileen artean. Sari nagusia irabazten dauen filmeko produktoreari 10.000 euro emongo deutsez. ArteKino ataleko irabazleak 6.000 euro jasoko ditu. Azkenik, DALE! Saria 20.000 eurokoa da.

Informazino gehiago hemen.