Argentina, Txile eta Kolonbiako proiektu bina WIP Latam-en

| Ikusi handiago | Argazki originala

Donostiako Zinemaldiaren 71. edizinoaren barruan, irailaren 25etik 27ra egingo dabe WIP Latam, Latinoamerikako produkzinoei zabalkundea eta bultzadea emoten deutsen saila. Hain zuzen be, postprodukzino fasean dagozan filmak onartzen ditue atal horretan.

Aurten sei pelikula lehiatuko dira, Argentina, Txile eta Kolonbiatik etorriak. WIP Latam Industria Saria eta EGEDA Platino Industria Saria emongo deutsee horreetako bati. Batetik, WIP Latama sariak posprodukzinorako laguntzinoa eta Espainiako merkaduan banaketea egiteko erraztasuna eskainiko deutse irabazleari, sariaren partaide diran ikus-entzunezko enpresei esker.

Bestetik, WIP Latam Industria Saria 30.000 eurokoa da .

Filmak

Lola Arias zuzendari argentinarrak bigarren film luzea aurkeztuko dau Donostian, Reas izenekoa. Etorkizuna musikal baten moduan irudikatzen dauen filma da eta, protagonistak, emakume eta trans personak dira. Camilo Becerrak eta Sofia Paloma Gomezek Quizás es cierto lo que dicen de nosotras estreinauko dabe, Colliguayko sektearen kasuan oinarritua.

Camila Beltranek Mi Bestia lehen filma estreinauko dau Donostian. Ikus-entzunezkoa Bogotan dago girotua eta bertoko elektrizidadearen etenaldiak kontetan ditu. Bestalde, Iar Said argentinarrak, Los domingos mueren más personas filmagaz parte hartuko dau jaialdian.

Maximiliano Schonfeld argentinarrak barriro bisitauko dau zinemaldia Sombra Grande film luzeagaz, Argentinan kokatzen dan Entre Rios probintziako istorio bategaz. Amaitzeko, Juan Miguel Gelacio eta Esteban Hoyos kolonbiarrek euren lehen filmagaz, Selva, hartuko dabe parte ekitaldian.

Informazino gehiago hemen.