47 film labur aurkeztu ditue Kimuak 2021era

| Ikusi handiago | Argazki originala

Kimuaken 2021eko edizinora film laburrak aurkezteko epea pasa dan astelehenean, maiatzaren 24an, zarratu zan eta, danetara, 47 lanek emon dabe izena Etxepare Euskal Institutuak atondu eta Euskadiko Filmategia Fundazinoak Zineuskadiren babesari esker kudeatutako euskal film laburren sustapena eta zabalkundea helburu dituan ekimen honetara.

Aurkeztutako filmak aztertu eta epaitzeko, zinema eta ikus-entzunezkoen munduko bost profesional eta adituez osotutako hautespen batzorde independentea eratu da eta honako kideek osotuko dabe:

- Vanesa Fernández: ZINEBI, Bilboko Dokumentalen eta Film Laburren Nazinoarteko Jaialdiko zuzendaria.

- Ainhoa Fernández de Arroyabe: Euskal Herriko Unibersidadeko (UPV/EHU) irakaslea eta ikertzailea.

- Víctor Lamadrid: Cantabria en Corto film labur sustapen-katalogoko arduraduna, Cantabria Film Commissioneko koordinatzailea eta Spain Film Commissioneko presidenteordea.

- Alfonso López: Donostia Kulturako Zinema Unitateko teknikaria eta Bang Bang Zinemako kidea.

- Ana Esperanza Redondo: Donostia Zinemaldiko Hautespen Batzordeko eta Dokumentazino eta Film Departamentuko kidea.

Datorren astelehenean, bagilaren 7an, emongo da jakitera Kimuaken 24. katalogoa osotuko dauen lanen aukeraketea.