Gero eta hurrago dago Prentsa Askatasunaren Nazinoarteko Eguna

Prentsa Askatasuna Munduan 2020 | Ikusi handiago | Argazki originala

UNESCOk, data hori gogoan, omenaldia egiten deutse, erabagi profesional baten ondorioz beren gizarteak informazinoa jaso eta informazinoaren joan-etorri librea sustatzeko ahaleginean beren bizitzak arriskuan jarten dituen munduko kazetariei eta gogorarazten dau kazetaritzan jarduteko askatasunari buruzko Windhoekeko Adierazpena ezarri zala.

Aurten, enfasia kazetaritza independentea bermatzeko neurrietan jarriko da. Deialdia esparru honetan eginkizun bat daben guztiei zuzenduta dago, besteak beste, gobernuak, kazetariak eta komunikabideak, botere judiziala eta sektore juridikoa, Interneteko enpresak, gizarte zibila, talde akademikoak eta gazteak. Kazetaritza profesionalaren hobekuntzan lortutako erantzun bikainak eta kazetaritza horrek erakunde mediatiko independenteetan dauen oinarria izango ditu ardatz 2020ko Prentsa Askatasunaren Nazinoarteko Egunak.

Prentsa Askatasunaren Nazinoarteko Eguna

Kazetarien Euskal Alkargoak eta Alkarteak aurten modu aktiboan egingo dogu bat Prentsa Askatasunaren Nazinoarteko Egunagaz eta, aldi berean, euskal profesional guztiek parte hartzea gura dogu; horregatik eskatzen deutsuegu berariazko mezua dauen bideo bat grabau eta parte hartu daizuen. Bideoak ondoko baldintzak bete behar ditu:

- Gaia: Kazetaritza ausartaren eta inpartzialaren alde edo kazetaritza independente bat bermatzeko neurriak hartzea.

- Iraupena: Bideoak 30 segundoko iraupena izan behar dau gehienez (15-20 segundo izango litzateke egokiena).

- Bideo guztiak zeharretara grabau behar dira, edizinoa homogeneoagoa eta errazagoa izan daiten.

- Gaztelania edo euskerea erabili daiteke, bata zein bestea.

- Esku-hartze bakotxean, parte hartzen dauen personearen izena eta abizena agertuko dira, ez hedabidekoa.

- Bideoa maiatzaren 1aren eguerdiko 12:00ak baino lehen bialdu behar da info@kazetariak.eus helbide elektronikora.

Prentsa Askatasuna munduan 2020

1.- Norvegia

2.- Finlandia

3.- Danimarka

11.- Alemania

29.- Espainia

35.- Erresuma Batua

45.- AEB

66.- Japonia

107.- Brasil

142.- India

166.- Egipto

178.- Eritrea

180.- Ipar Korea