500 eskaera baino gehiagori emon jake erantzuna hamar egunetan

| Ikusi handiago | Argazki originala

Aholkularitza jaso eta konsultak egiteko dobako zerbitzua da Bilboko Udalak eskaintzen dauena, esteka honen bitartez eskaintzen dana. Helburua COVID-19 pandemiaren kontra administrazino publikoek abiarazotako neurri aringarrien barri emotea da. Martiaren 27an martxan jarri ebenetik, aholkularitza-eskaeren % 97,3ri emon jake erantzuna, 1,4 eguneko batez besteko epean.

Orain arte, 510 saltoki, autonomo, mikroETE eta enpresak eskatu deutse aholkularitzea, martiaren 27an Bilbao Ekintza udal soziedadearen bitartez abiarazotako zerbitzuari. COVID-19 birusak negozioetan eragindako kalteari aurre egiteko administrazinoek abian jarritako neurrien barri emotea da helburua.

Jasotako eskaera guztien artean, % 40,5ek erabili leikezan laguntza arloen gaineko aholkularitzea eskatu dau, % 24,5ek kontu ekonomikoen gainekoa, % 23,3k zergei buruzkoa eta % 11,8k lan-kontuen ingurukoa. Konsulta gehienak Alde Zaharretik, Abandotik, Indautxutik eta Deustutik bialdu ditue.

Udal aholkularitza zerbitzu hau gehien erabilten dabn jarduera-sektoreen artean dagoz ostalaritzea eta sukaldaritzea, ehungintzea eta zapatak, osasuna eta estetikea, turismoa, aisialdia eta kirola.

Zerbitzua abiarazo ebenetik, Bilbao Ekintzako profesionalen sareak eskaeren % 97,3ri erantzun deutso 1,4 eguneko batez besteko epean. Zerbitzua erabilgarri dago eta negozio guztien preminei egokitutako aholkularitza eguneratu eta personalizatua eskaintzen jarraitzen dau.