Euskal HerrikoTrikitixa Eguna Bergaran, urriaren 27an
2012-10-15 17:59 MusikeaBergaran egingo dabe aurtengo Euskal Herriko Trikitixa Eguna Bergaran, urriaren 27an. Egitaraua 11:00etan hasiko da, kalejiran. Euskal Herriko Trikitixa Alkarte antolatzaileak trikitilari eta zale ugari batzea espero dau.
Bergaran egingo dabe aurtengo Euskal Herriko Trikitixa Eguna Bergaran, urriaren 27an. Egitaraua 11:00etan hasiko da, kalejiran. Euskal Herriko Trikitixa Alkarte antolatzaileak trikitilari eta zale ugari batzea espero dau.
Euskal Herriko Trikitixa Alkartek, Bergarako Udalagaz batera, atondu dau Euskal Herriko Trikitixa Eguna. Alkartearen helburu nagusia trikitixa sustatu eta hedatzea da. Euskal Herriko Trikitixa Egunak trikitilari eta zale ugari biltzeaz gan, trikiti eta pandero ikasleei plazan jarduteko eta alkar ezagutzeko aukera ederra eskaintzen deutse.
Egun osoko egitaraua atondu dau alkarteak. Goizean, 11:00etan, kalejirea abiatuko da Fraiskozuri plazan; ostean, 13:00etatik 14:00etara, Munibeko eszenatokian erromeria egingo dabe. 14:30ean, bazkaria emongo dabe, Bergarako udal frontoian. Bazkalostean, 17:30ean erromeriari ekingo deutse, Bide Batez taldearen eskutik.
Bazkarirako txartelak 15 euroan salgai egongo dira, hilaren 19ra arte. Txartelak erosteko bide bi dagoz: trikitixa@trikitixa.net idatzi edo 943 83 28 28 telefonora deitu. Bertan egunean ez dabe txartelik salduko, antolatzaileek esan dabenez.
Erantzun
Erantzuteko, izena emanda egon behar duzu. Sartu komunitatera!